1 Peter 2:6 - Iñupiatun (NW Alaska)

⁶ Taatnatun aglausimaruq Agaayyutim uqałhani, itnaqhuni, “Piksraqtaaqaqtuŋa akisuruamik uyaġaŋmik qaukłiutquplugu tunŋavik Zion-mi, aasrii iñuum tunŋavigiyumiuŋ ilaa qapiqpaŋayumiñaitchuq.” Isaiah 28:16

1 Peter 2:6 ပူးပေါင်းရင်းမြစ်များ

Matthew 12:18

“Uvvauna savaktiga piksraqtaaġikkaġa! Ilaaŋuruq piqpagikkaġa suli ilaagun quyalikkaupluŋa. Iḷigisigiga irrusiḷḷautaġa ilaanun, suli quliaqtuaġigisigaa iñupayaanun qanuq atanniił̣iksraġa iñupayaanik atisiḷugich.

Mark 12:10

Agliqisimasruknaġiksi Agaayyutim uqałha: ‘Uyaġak tuppirit ayakkaŋat, taamna uyaġak piitchuiḷḷapiaġaqtuq tuppirauni.

Luke 20:17

Jesus-ŋum tautukługich apiqsruġniġai, “Taamna uqałiq qanuutauva? ‘Uyaġak tuppirit ayakkaŋat, taamna uyaġak piitchuiḷḷapiaġaqtuq tuppirauni.’ Psalms 118:22

Luke 23:35

Iñuich qichaqtuat tautuktuaġniġaat. Jew-ŋuruat sivulliuqtiŋisa mitautiginiġaat, “Annautiraġigai atlat. Ki anniqsuġli iŋmiñik Christ-ŋuyumi, Anniqsuqti akiqsruutauruaq Agaayyutim piksraqtaaġikkaŋa!”

John 7:38

Atriḷugu aglausimaruat uqałhich, itna, ‘Kiñapayaaq ukpiqsriqpan uvapkun imġa suvliktuaġuġniaqtuq siḷatmun uummataaniñ.’ ”

Acts 1:16

“Aniqatiumaaŋ, Ipqitchuam Irrusim uqaqtinniġaa David makpiġaaŋiñi Agaayyutim. Uqaġiniġaa Judas-kun sivuani atuumagaluaqtitnagu ilaan savaaqałiksraŋa, taamna Judas sivulliuruaq tiguriruksranik Jesus-mik.

Romans 10:11

Agaayyutim uqałha itnaġniqsuq, “Kiñapayaaq ukpiqsriḷuni tunŋaruaq ilaanun qapiqpaŋayumiñaitchuq.”

Ephesians 1:4

Agaayyutim piksraqtaaġigaatigut Christ-kun sivuani imma iñiqsigaluaqani nunamik. Piqpaksrił̣iġmigun piksraqtaaġigaatigut ipqitqupluta patchisaiḷḷutalu sivuġaġmiñi.

Ephesians 2:20

Nappakkaurusri liilaa turviŋatnun uqqiraqtit sivuniksriqiritlu. Jesus Christ piitchuiḷḷapiaġaqtuq uyaġaġigaa taavruma turvim.

2 Timothy 3:16

Uvvatakku uqałipayaaq Agaayyutim Makpiġaaŋani ittuq ilaan aniġniliutaagun, suli anniqsuutauruq iḷisautriruni, iñiqtiġiruni, nalġuqsruiruni, suli alġaqsruiruni nalaunŋaruałiksramun,

1 Peter 2:4

Utlautisitchi ilaanun, iñuuruamun uyaġaŋmun ayakkaŋatnun iñuich, aglaan piksraqtaaġikkaŋanun Agaayyutim akisuruaġiplugu.

1 Peter 2:8

Suli “Taavruma uyaġaum putukkisinniaġai iñuich. Taamna uyaġak paallaktitchiraġaqtuq iliŋitñik.” Isaiah 8:14 Takku iŋmiknik putukkisaqtut tupiksriñġitḷutiŋ uqałiġmik. Taatnatun Agaayyutim sivunniuġutigigai.

2 Peter 1:20

Sivulliulugu iḷitchuġiraksraqsi uvva, sivuniksriqirim iŋmiktuiñaq kaŋiqsipkaġumiñaitchaa sivuniksriqutauruaq Agaayyutim uqałhaniñ.

2 Peter 3:16

Iluqaŋitñi tuyuqtuutmiñi uqautigipmigai tamatkua sut. Uqaŋiñ iḷaŋich kaŋiqsiḷgunaitchaluaqtut. Aasriiñ iñuich naluruat payaŋaiqsimaitchuatlu qipititchiñiqsut Paul-ŋum tuyuqtuutaiñik suliunniiñ atlanik uqałhiñik Agaayyutim. Taamna pisigiplugu Agaayyutim piyaqquġniaġai.