Kenesis 50:24 - Kenesĭs 1914 Ruth 1932 (Erromanga)

²⁴ Im Yōsef yōmenūwi pun ōra ravĭneme eni memokū, Ya kum mĭnti nūrū marima, ĭm Nōbū atneme‐kum; miyi ōmĭūtōrō‐kūm marugi imō nūrū ra nūrū mori iyi yipmenūwi nam unam memokū ugi pugi Ebraham ĭm Isak im Iēkob.

Kenesis 50:24 ပူးပေါင်းရင်းမြစ်များ

Kenesis 12:7

Im Iehōva yetūratumpeni pugi Ebram mō menōwi memokū, Ya Kampun‐ōra ov novsēn enugkĭk imō nūrū, miyi yumpi yūi sī nefati iran Iehōva mori yitūratumpeni pugi.

Kenesis 13:15

ĭm nelekompeni; nūrū sū omwi sū mori kĭk umagesi, ya kampunok, ĭm pun ōra ov novsen enugkĭk ūvum nevi sū ĭndōwi.

Kenesis 13:17

Etūok, mamtĭn‐navan ra mumpon nūrū sū iyūi, ĭt ya kampunok sū mori.

Kenesis 15:18

Ra iman dan mori Iehōva yōmenūwi nam ūnam eni pugi Ebram memokū, Ya osī movunōra ov novsen enugkĭk imō nūrū marugi nĭntelep ra Ityĭpt mafeli ra Yūfrētes nĭntelep tamas;

Kenesis 15:7

Miyi yōmenūwi pugi memokū, Yx Iehōva mori yĭmtōrok marugi Ur en irora ōveteme Kaldia memokū worovunok imō mūrū woreti enugkĭk.

Kenesis 15:8

Miyi yōĭmtamsi memokū, Iehōva Nōbū, gĭmpesie ya kagkili ya onevatum?

Kenesis 17:8

Im ya kampunok, mirora ov novsen enugkĭk penūrok, nūrū iyūi kĭk oti nesepx, nūrū Kēnan omwi sū woreti enugkĭk ĭndōwi ĭndōwi; ĭm ya anti Nōbū en irora.

Kenesis 21:1

Im Iehōva yenteme Sēra memokū ugi nam mori iyi yĭpmenūwi; ĭm Iehōva yumpi iran Sēra ugi nam mori iyi yĭpmenūwi.

Kenesis 26:3

Orokote‐lap‐wi ra nūrū igko ĭm ya kanti ūndū kĭk woreveīeves kĭk ĭm ya kampunok ĭm novsen enugkĭk nūrū sū imo sū. Ya onampesog nam ūnam enyx mori yx menūwi pugi Ebraham ĭtemen‐e‐kĭk.

Kenesis 28:13

Im pah Iehōva yevietūrū yūi mō menūwi memokū, Yx Iehōva Nōbū eni Ebraham, ĭtemen‐e‐kĭk, ĭm Nōbū eni Isak; nemap mōri ran tan pe kĭk umnalē‐wi ya kampunok mov novsen enugkĭk.

Kenesis 3:19

Ra nenora nĭmtum kĭk oneni yōūp mafeli nĭmpugon kĭk ōmĭntorĭleki ra nemap; ĭt kĭmeti‐nevī marugi nemap; ĭt kĭk navivon nemap ĭm kĭk ōmĭntorĭleki ra navivon nemap.

Kenesis 35:12

Nemap mori yx mĭpmovgi Ebraham ĭm Isak, ya kum mampunok, ĭm ya kōmampun‐ora ov novsen enugkĭk, penūrok.

Kenesis 46:4

Ya īyep ūndū kĭk ra Ityĭpt, ĭm ya ōmĭntōrok ĭgko, ĭm Yōsef antipe nokoben eni ran tan nĭmtum.

Kenesis 47:29

Im nĭmpugon woremas yumpotipot Isrēel; miyi yovrugi Yōsef nĭtni eni, mō menūui nam pugi memokū, Nagkū kĭk emagesi yx ves, etipe nokopmū ra mumpon nevan enyx, ya kum nakīug kĭk, popōwo kokevīeves yx, mō mumpi aremī mugi itnesog po yx; ya kum nesenug kĭk, etū tĭnemi yx ra nūrū Ityĭpt.

Kenesis 48:21

Im Isrēel yōmenūwi pugi Yōsef memokū, Pah, ya amas, kō Nōbū anti manti ūndū kĭk, mō mĭntōrok ra nūrū en irora retemeneme enugkĭk.

Kenesis 50:5

Unūwi pugi Fērō magkū, Itemen‐e‐yx yumpi yx worenūwi nam ūnam magkū, Pah, ya kum mamas; mūneveli enyx mori woretĭnemi ra nūrū Kēnan, mori yx mumpi nisekog, kĭk ontĭnemi yx yūi; ĭm marima, tenĭmpe yx worevesah, ya kum nesenug kĭk woretĭnemi ĭtemen yx, ĭm pah, ya kō mampelum.