Yoane 8:19 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁹ Im irora dūmūtagkeli mūmūnūwi pugi mūmōkū, Iye Itemene kĭk? Iesū yemtamsi, Kūtmūtūkili yaū, kū Nate nagkū kūpmūkili yaū kūpmūkili Nate enyaū sugkū.

Yoane 8:19 ပူးပေါင်းရင်းမြစ်များ

Matiyu 11:25

Ra imo nempugon Iesū yemtamsi memenūwi memokū, Kompalugi, Nate, Novsūromon pokūp mūnemap popōwo kĭmetiumpeni imosū marokonda ōvun nelekon mōvun nōĭntanwi rnenūatumpeni punora ōvaialaū.

Yoane 1:10

Iyi yepmete ra nemap im yemumpi nemap ugi Iyi, ĭm Nemap dūtūkili Iyi.

Yoane 1:18

Tawi sī yemokesi Nōbū, iyi Netni sīteven mori umante ra mumpon nemendogon eni Itemen iyi wokon yempīatumpene.

Yoane 15:21

Kō imosū omwisū irora wonumpi irami ugi nin enyaū, popōwo irora ūtū kili iyi mori yemtamūlyaū.

Yoane 16:3

Irora wonumpi imosū irami popōwo ūtūmagkili Itemen, kū yaū.

Yoane 17:3

Im imo nomūrep ūbrūni ma irora wagkilok, Nōbū itnesog siteven, ĭm Iesū Krĭstō mori kĭratamūli.

Yoane 7:28

Popōwo imo sugkū Iesū yemtorenūwisah ūnisog nimo tumpora, polekū Iyi yemtavsokonda, memenūwi, memokū, Kĭmi kūmagkili yaū, ĭm nūrū ya umnēa sugkū; ĭm yaū metūsepen nevelum; kō, Iyi mori yemtamūli yaū, Iyi mori itnesog, kimi kūtūmagkili Iyi.

I. Korint 15:34

Uvsor kĭmi marugi nalēepo, ĭm wumpi aremī, ūtū wumpi sat; nugkon ra kĭmi ūtū magkili sī sie sī ugi Nōbū: yakum manūwi imo, worumpi narumprum irami.

Kalesia 4:9

kō marima popōwo kĭmi kūmagkili Nōbū, kō mōmū Nōbū umagkilekūm, irasie kūmūtorileki kĭmi ra tavsogi siame ūr ĭm nindewavū wokon, mori kĭmi kūmakĭugi worotorileki worelĭvsaū iranda?

Efesus 1:17

ma Nōbū eni Novsūromon Iesū Krĭsto enugkos, Itement nilasilaswi, ampugkūm naviat nointanwi ĭm sesi worokili ugi iyi;

Kolose 1:10

worumpi aremī ra Novsūromon ĭm aremī ra siame sū, momampūwo ra ōvun numpūrak aremī omwisū, mōmenug ra nokili ugi Nōbū;

Kolose 1:15

iyi mori safi Nōbū ūtūm magesi, yepmovūm iranda siame sū;

Hibru 1:3

mori yemeti nilasilaswi nūsian aremi isen, ĭm safi sīteven ĭtnesog ra iyi, ĭm yemefĭnte siame omwisū ugi nam horog isen, pol sugkū yemsendumsi irant marugi sat ugi nemas isen, yemetesep ra nokoven meves eni Nōbū ūnēī;

I. Yoane. 2:23

Iyi mori umenūaveni Netni, ĭtnesog Itemen tawi ūndū iyi: iyi mori umanūatumpeni Netni okovai Itemen sugkū.

I. Yoane. 5:20

Im kos kemlagkili ma Netni eni Nōbū okovelum, ĭm yemevugkos nelekon, ma kos kelagkili iyi mori oti tanepo, ĭm kos ūnisog iyi oti tanepo, iyi mori Iesū Krĭstō Netni eni. Imo oti Nōbū itnesog, ĭm nomurep ūvrūni.

II. Yoane 1:9

Iyi mori umnumpi sugkū tarū isen ĭm otū mantindowi ra tavsogi eni Krĭstō, otū vai Nōbū: kō iyi mori umantindowi ra tavsogi eni Krĭstō, okevai Itemen ĭm Netni.