Yoane 6:68 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁶⁸ Sīmon Piter yemtamsi memenūwi pugi, memokū, Novsūromon, ka kelampe pugi mē? kĭk emantipe sorum nam ugi nomūrep ūbrūni.

Yoane 6:68 ပူးပေါင်းရင်းမြစ်များ

Matiyu 16:16

Im Simon Piter yemtamsi memenūwi memokū, Kĭk Krĭstō, Netni eni Nōbū umnomūrep.

Mark 8:29

Im iyi yemenūwi punora memokū, Kō kĭmi kūmagkū yaū me?

Nam Navosavos Eni Luk 9:20

Miyi yōemtagkelora, memokū, Im Kĭmi kūmagkū yaū mē? Piter yemtamsi, memenūwi memokū, Kristo, isen Nōbū.

Yoane 12:49

Popōwo ya otūsepen nenūwi; Iyi Itemen mori yemtamūli yaū yemovoyaū nempasewugi, memokū ugi nam mori ya umentavsokonda, memanūwi.

Yoane 12:50

Im ya umagkili ma nempasewugi eni nomūrep ūbrūni. Popōwo imo sugkū, nam mori ya umanūwi, ya umanūwi memagkū sugkū Itemen yepmenūwi poyaū.

Yoane 17:8

popōwo nam mori kemepmovoyaū, yaū movunora, mirora ūvĭ mūmagkili ma yaūĭmpelum memne ra kĭk mūmuntavnirĭgi ma kĭmtamūli yaū.

Yoane 5:24

Itnesog, ĭtnesog, ya umanūwi pugkūm, memagkū, Iyi sī umandĭgi nam enyaū mementavnirĭgi Iyi mori yemtamūli yaū, nomūrep ūbrūni eni, otūonumpi iyi nworepatevi, popōwo iyi yemowi nemás mentorĭmpe ra nomūrep.

Yoane 6:40

Miyi mori yemtamūli yaū emagkū, omwisū mori umagesi Netni mūmumtavnirĭgi iran, irorago wampī nomūrep ūbrūni, ĭm ya ontorisah ran dan nisah.

Yoane 6:63

Iyi Naviat umampugi nomūrep; fan, pe fan wokon Nam mori ya umanūwi pugkūm, naviat ĭm nomūrep.

Ovun Apostol 13:26

Ovragi, ravūgsĭeme, ōvun nit nime ra mokoponeme eni Ebraham, miyi sī ra kĭmi umamtetugi Nōbū otamūli pugkūm nam ugi imo nēyōwara.

Ovun Apostol 4:12

tawi sī mōmū nin ra nūrūsū umampunora ōveteme imo siteven wokon worumkosēyōwara ugi.

Ovun Apostol 5:20

Uve mūtūrū, menūwi punora netevokontū ūnisog nimo tumpora, mokū ugi nam omwisū ugi imo Nomūrep.

Ovun Apostol 7:38

Imo iyi mori dal semsimak ra nūrū wokon, mūndū nagelo mori yemenūwi pugi ra numpūwo Sīna, ĭm dal retemeneme soret: mori yimpī nam nomūrep worevugkos:

Ovun Apostol 8:37

yūnok yemenūwi memokū, Okesi, nū; yakampī baptisma irag kū? Im Fĭlĭp yemenūwi memokū, Nagkū kĭk umintavnirĭgi ūnōwam omwisū; miyi yemtamsi, memenūwi memokū, ya kum mentavnirĭgi ma Iesū Kristo Netni eni Iehōva.