Yoane 6:47 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁴⁷ Itnesog, itnesog, ya umanuwi pugkūm memagkū, Iyi sī umentavnirĭgi irag umantipe isen nomūrep ūbrūni Yaū yoūp nomūrep.

Yoane 6:47 ပူးပေါင်းရင်းမြစ်များ

Yoane 11:26

Miyi sī umnomūrep mementavnirĭgi yaū, otūamas. Kĭk ementavnirĭgi imo, kū?

Yoane 14:19

Nempugon virok ĭm nemap otūōmagkesi yaū; kō, kimi kūmagkos yaū; popōwo ya umnomūrep kĭmi sugkū kwamūrep.

Yoane 3:16

It Nōbū yemelentokonda losu tamas memovunora Netni pau siteven eni, ma iyi si umentavnirigi Iyi otuonamiap, ko, ampi nomurep ubruni.

Yoane 3:18

Iyi sī umentavnirĭgi, otūmnūrian iran; kō, iyi sī otūmentavnirĭgi Iyi, nworepatevi eni umantendōwi iran, popōwo iyi otūmentavnirigi nin eni Netni paū siteven eni Nōbū.

Yoane 3:36

Iyi sī umuntavnirigi Netni umantipe eni nomūrep ūbrūni; miyi sī otūmentavnirĭgi Netni mori otūagesi nomūrep; kō, naraki eni Nōbū umantendōwi iran.

Yoane 5:24

Itnesog, ĭtnesog, ya umanūwi pugkūm, memagkū, Iyi sī umandĭgi nam enyaū mementavnirĭgi Iyi mori yemtamūli yaū, nomūrep ūbrūni eni, otūonumpi iyi nworepatevi, popōwo iyi yemowi nemás mentorĭmpe ra nomūrep.

Yoane 6:27

Utūsorugi nevag mori umampia; ūsorugi nevag mori umantendōwi ra nomūrep ūbrūni, mori Netni eni neteme ampugkūm, popōwo Itemen Nōbū, yemetipe safi iran.

Yoane 6:40

Miyi mori yemtamūli yaū emagkū, omwisū mori umagesi Netni mūmumtavnirĭgi iran, irorago wampī nomūrep ūbrūni, ĭm ya ontorisah ran dan nisah.

Yoane 6:50

Imo yōūp mori yemyep marugi pokōp ma iyi sī oneni otūamas.

Yoane 6:51

Yaū yōūp umnomūrep mori yemne ra pokōp; nagkū sī oneni imo yōūp iyi amūrep īndowi; ĭm yōūp mori ya ampugi fan enyaū, mori ya ampugi tovuni nomūrep punora, ra nemap.

Yoane 6:54

Iyī sī umneni fan enyaū memnamoneki de enyaū umumpī nomūrep ūbrūni, ĭm ya ontorisah iyi ran dan nisah.

Yoane 6:58

Iyi yōūp mori yemyep marugi pokōp; tawi sugkū ritimeneme mori dūmneni mana, tnūmas. Iyi sī umneni imo yōūp amūrep ūvūm nevisū.