Yoane 6:27 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁷ Utūsorugi nevag mori umampia; ūsorugi nevag mori umantendōwi ra nomūrep ūbrūni, mori Netni eni neteme ampugkūm, popōwo Itemen Nōbū, yemetipe safi iran.

Yoane 6:27 ပူးပေါင်းရင်းမြစ်များ

Matiyu 17:5

Im polekū iyi yemenūwi sĭ numpūaū nempes yemtenĭsevora, ĭm sĭ navian yemne marugi numpūaū memenūwi memokū, Imo Netūg paū ya umampekotekat ugi iyi;

Matiyu 25:46

Im imosū wampe pelah ra tampenĭgi ra sokomulep ĭndōwi ĭndōwi; kō ōvun tanepō ra nomūrep ūbrūni.

Matiyu 3:17

ĭm sī navian yemne ūnisog pokūp mori memenūwi memokū, Imo Netūg, paū, ya ūmampekotekat ugi iyi.

Matiyu 6:19

Utūotovtam ra nemap yūi ūrivinē mūlevok umnumpi ūr, movun numprok ūmampelugi mōūmnumprokugi;

Matiyu 8:20

Im Iesū yemenūwi pugi memokū, Ovun nelni enirora ōvun fokes mōvun sumpelok enirora ōvun menōk ūnēĭ, kō tawi sĭ nūrū eni Netni eni neteme woretipewi numpūn.

Mark 1:11

Im pah si navian yemne ra pokūp, yemenūwi memokū, Kĭk Netūg paū, ĭm yakum umampekotekat ugi kĭk.

Mark 9:7

Im sī numpūaū yemtenisevora: Im sī navian yemne marugi numpūan, yemokū, Imo Netūg paū: ūvandogugi iyi.

Nam Navosavos Eni Luk 3:22

ĭm Naviat Tumpora yemyep iran ugi nokolesiran sugkū nagkū ūmpon, ĭm sī navian yemne ra pokūp, memenūwi memokū, Kĭk nētūg paū, ya umampeotoat ugi Kĭk.

Nam Navosavos Eni Luk 9:35

Im sī navian yemne marugi numpūaū, memokū, Imo Netūg paū: ūvandegugi iyi.

Yoane 10:28

ĭm ya umampunora nomūrep ūbrūni; mirora ūtūonamiap; ĭm tawi sī oneforewokonda marugi nokovūg.

Yoane 11:42

Im ya umagkili ma kĭk emandĭgi yaū indōwi; kō popōwo ugi numpūnlō mori umantūrū igko ya onūwi, ma irora wontavnirĭgi ma kĭmtamūliyaū.

Yoane 14:6

Iesū yemenūwi pugi memokū, Yaū selat, mĭtnesog, ĭm nomūrep. Iyi sī umampelum pugi Itemen umampelum ugi yaū wokon. Nagkū kĭmi pūkili yaū, kĭmi pūkili Itemen enyaū sugkū.

Yoane 15:24

Nagku yaū petū umpi ōvun numpūrah ūnimĭnda sugkū tawi sī neteme yemumpi, irora pūtūte satĭndi; kō marima irora dūmokesi yaū ĭm Nate dūmakan poyaū ĭm pugi Nate sugkū.

Yoane 17:2

ĭt kĭmovugi iyi nempasewugi iranda oveteme omwisū, memokū Iyi ampunorasū nomūrep ūbrūni mori kĭmovugi Iyi.

Yoane 3:15

ma iyi sī umuntavnirigi Iyi otūonamiap, kō ampi nomūrep ūbrūni.

Yoane 3:33

Kō, iyi sī mori yivi numpūvsok eni yemtavnirĭgi ūnam ma Nōbū itnesog.

Yoane 6:40

Miyi mori yemtamūli yaū emagkū, omwisū mori umagesi Netni mūmumtavnirĭgi iran, irorago wampī nomūrep ūbrūni, ĭm ya ontorisah ran dan nisah.

Yoane 6:47

Itnesog, itnesog, ya umanuwi pugkūm memagkū, Iyi sī umentavnirĭgi irag umantipe isen nomūrep ūbrūni Yaū yoūp nomūrep.

Yoane 6:51

Yaū yōūp umnomūrep mori yemne ra pokōp; nagkū sī oneni imo yōūp iyi amūrep īndowi; ĭm yōūp mori ya ampugi fan enyaū, mori ya ampugi tovuni nomūrep punora, ra nemap.

Yoane 6:53

Popōwo imo sugkū Iesū yemenūwi punora, memokū, Itnesog, itnesog, ya umanūwi pugkūm, memagkū, Nagkū kimi kūtūoneni fan eni Netni eni neteme mamoneki de eni, kimi kūtūampĭ nomūrep.

Yoane 6:54

Iyī sī umneni fan enyaū memnamoneki de enyaū umumpī nomūrep ūbrūni, ĭm ya ontorisah iyi ran dan nisah.

Yoane 6:58

Iyi yōūp mori yemyep marugi pokōp; tawi sugkū ritimeneme mori dūmneni mana, tnūmas. Iyi sī umneni imo yōūp amūrep ūvūm nevisū.

Yoane 6:62

Im nagkū kimi kwagesi Netni eni neteme umampe ūnpokōp yūi Iyi yepmetendōwi;

Yoane 6:68

Sīmon Piter yemtamsi memenūwi pugi, memokū, Novsūromon, ka kelampe pugi mē? kĭk emantipe sorum nam ugi nomūrep ūbrūni.

Yoane 8:18

Yaū sī mori yakum tesūwo irag, ĭm Nate mori yemtamūli yaū umnumpūvsok irag.

Ovun Apostol 10:38

nokowo Nōbū yemavūi Iesū neteme Nasaret ugi Naviat Tumpora ĭm horog: mori yemavan, memnumpi aremī, memumkororĭgives irora mori dūm molaswoni ugi sētan; popowo Nōbū ūtidū iyi.

Ovun Apostol 2:22

Oveteme Isrēel, Urigi imō nam: Iesū neteme Nasaret mori Nōbū yimetipe ūnimetemi ugi ov numpūrak horog mōvnavlugi mōvun saū mori. Nōbū yemumpi ugi iyi ĭm kimi kū magkili ugi;

Netiyi Eni Pol Apostol Punora Oveteme Rom 4:11

worumpi ūnam tanepoves ugi tavniri isen ra nimpugon yetū vī surkumsisen: ma iyi ante itemenda omwisū dūtū vī surkumsisen, kō dūmū tavnirĭgi;

Netiyi Eni Pol Apostol Punora Oveteme Rom 6:23

Popōwo nipmi sat oti nemas; kō ĭtemas paū eni Nōbū oti nomūrep ūbrūni ra Iesū Krĭsto Novsūromon enugkos.

I. Korint 6:13

Dūmūtipe nevag nĭmsĭn netnin, ĭm netnin neteme nĭmsĭn nevag: kō Nōbū ontavtiti imo siame sī ĭm sī. Kō dūtūtipe nokolisiran neteme nĭmsĭn tampalaū, kō nisekon Novsūromon; ĭm Novsūromon nisekon nokolisiran neteme:

I. Korint 9:2

Nagkū tawi yaū apostol pun ora nugkon ōveteme, kō ĭtnesog pugkūm yaū sī apostol: ĭt kĭmi safi ra Narisah nisekūg memagkū yaū apostol.

II. Korint 4:18

pol sugkū kos kel etū Imtopotnemi iranda siame mori ūmagesi, kō iranda siame mori ūtūm magesi: popōwo siame mori umagesi ūmampia, kō siame mori ūtūm magesi umantindowi ūnam.

Kalesia 5:6

ĭm nindewavū sugkū woretūvī namon; kō pe tavniri umnumpi aremī ugi nelintugi.

Filipi 2:13

popōwo it Nōbū umnumpūrak ūnōwami worumpi ĭm woretarūgi popōwo ugi ĭtemas paū eni iyi pe iyi.

Kolose 1:29

popōwo pe ugi yakum torugat, mōmatekisah sugkū numpūrak isen, mori umnumpi ūnisog yaū horog tamas wokon.

Kolose 2:22

ūtū sogkori (imosū siame sū omwisū wampiaī) sugkū nam alam ĭm tavsogi isenda ōveteme?

Kolose 3:2

Utarūgi siame unpokūp, ĭm tawi iranda siame ra nemap.

I. Teselonia 1:3

metūmawi worenteme numpurak tavniri enugkĭmi ĭm torugat nelintugi ĭm nemolsep ratevetūi ra Iesū Krĭsto Novsūromon, ūnĭpmi Nōbū Itement;

II. Timote 2:19

Kō umantendowi ūnam natipotnin Nōbū yemetipe, umetiyi ugi memagkū, Novsūromon umagkilora ōveteme isen: ĭm, Irorasū omwisū mori ūmanuwī nin eni Novsūromon aremī waūwi numpūrak satindi enirora.

Hibru 12:16

kū antepū noatnin sie sī nakan worumpi neyompeligivi nowami, mōmumpi ūr ōveteme tamas ugi; kū entawi ante sī neteme tampalaū, kū neteme sendoeikia, sugkū Iso, more iyi netemefe, kō popōwo ugi nevag sīteven isevasi nete monok isen iyi.

Hibru 4:11

Im popōwo pe aremī kos kelenatekisah worintorĭmpe ra nemindog mori, ma ōtū amol sī neteme ugi sendoeikia sugkū irora.

Yakobo 1:11

Popōwo pol sugkū umemsah nipminen ĭm umantepū nemetagi naūaū, ĭm umetū novlovsi marimago; mōmaserem novgun isen, ĭm umampia nilasilaswi mumpi isen; ĭm sugkū, ampia neteme noete ra ōvun navan isen.

I. Piter 1:24

Popōwo, Sugkū novlovsi ōveteme omwisū, Im sugkū novgan novlovsi narigi isenda, Mametū novlovsi mamol novgan: Kō nam eni Novsūromon antindowi ūvūm nevi sū. Im imo oti nam novosavos umintorenūwi pugkūm.

II. Piter 1:17

Popōwo yivi marugi Nōbū Itemen sesie ĭm nilasilaswi, polsugkū yivelum pugi sī navian marugi nilara horog nūsian, memokū, Imo oti Netūg paū, ĭm yakum navos ugi iyi: