Yoane 6:26 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁶ Iesū yemtamsi memenūwi punora, memokū, Itnesog, itnesog, ya umanuwi pugkūm, memagkū, kimi kūmnesorokoyaū, tawi popōwo kūmōkesi ōvun numpūrah horog, kō popōwo kūmoni yōūp ūtalikūm.

Yoane 6:26 ပူးပေါင်းရင်းမြစ်များ

Yoane 3:3

Iesū yemenūwi pugi, memokū, Itnesog, ĭtnesog, ya umanūwi pūgkik, memagkū, nagkū sī otūmamprokomol marugi pokōp iyi otūagesi lō eni Nōbū. Nĭkodimus yemtagkeli memokū.

Yoane 3:5

Iesū yemtamsi memenūwi, memokū, Itnesog, Itnesog, ya umanūwi pugkĭk, memagkū, nagkū sī otūmamprokomol ugi nū ĭm Naviat iyi tawi faneteme worĭntorĭmpe ra lō eni Nōbū.

Yoane 6:14

Im pol sugkū oveteme mori dūmōkesi numpūrah horog Iesū yemumpi dūmūnūwi, mūmōkū, Itnesog, Iyi Profet mori, Iyi okovelum ra nemap.

Yoane 6:15

Im pol sugkū Iesū yemesepen nokili ma irora dūmōkū wampelum, monatekĭsah iran, montōri worumpi Natemonok ra nūsian, Iyi yemesepen neve, Iyi kosĭ ra numpūo.

Yoane 6:2

ĭm sī numpūn lō tamas dūmūri, popōwo irora dūmōkesi ōvun numpūrah horog mori Iyi yemumpi iranda ōvun namarat.

Yoane 6:24

Im pol sugkū numpūn lō dūmōkesi ma Iesū tawi yūi, ĭm tawi irora ōvum nūrie eni, irora sugkū dūmūsuki ōvun lō mūmūve ra Kapernaum, mūmosorugi Iesū.

Yoane 6:30

Mirora dūōmūtagkeli, mūmōkū, Im sie numpūrah horog kosesi pugkam ma ka kelagesi ĭm lentavnirĭgi kĭk? Sie numpūrah horog kenanumpi?

Yoane 6:36

Kō, ya onūwi pugkūm, memokū, kimi kūmagesi yaū, kō kimi kūtūmuntavnirigi.

Yoane 6:47

Itnesog, itnesog, ya umanuwi pugkūm memagkū, Iyi sī umentavnirĭgi irag umantipe isen nomūrep ūbrūni Yaū yoūp nomūrep.

Yoane 6:53

Popōwo imo sugkū Iesū yemenūwi punora, memokū, Itnesog, itnesog, ya umanūwi pugkūm, memagkū, Nagkū kimi kūtūoneni fan eni Netni eni neteme mamoneki de eni, kimi kūtūampĭ nomūrep.

Yoane 6:64

Kō nugkon ra kĭmi ūtū mintavnirĭgi. Iesū yemokili marugi ra nōbūm irora mori dūtū mintavnirĭgi, ĭm iyi mori anti nimpirĭgi iyi.

Netiyi Eni Pol Apostol Punora Oveteme Rom 16:18

Popōwo irora mori umnumpi sugkū ūtūm torugat iran Krĭstō Novsūromon enugkos, kō irora ūmuntorugat ra netnint enirora, wokon: ĭm popōwo nam nemolsep nimpiri enirora ūmumpiriwokona nowanda ōvun nemlū.

Filipi 2:21

Popōwo irora sū ūmentarū siame enirora wokon, kō tawi siame eni Iesū Krĭstō.

Filipi 3:19

nĭpmi nisekonda imo, wontafugi irora indowi, netninda nōbū isenda, irora umnavos ugi satindi narumprom enirora, mirora ūmentarū siame ra nemap.

I. Timote 6:5

nam nugkugko, tarūsū sat, neyōĭmpele isenda ōveteme ūr ūnōwanda ĭm tawi nam itnesog enirora, ĭm irora ūmagkū wampi noete ra nemap ugin sesieves ra Nōbū.