Yoane 3:5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁵ Iesū yemtamsi memenūwi, memokū, Itnesog, Itnesog, ya umanūwi pugkĭk, memagkū, nagkū sī otūmamprokomol ugi nū ĭm Naviat iyi tawi faneteme worĭntorĭmpe ra lō eni Nōbū.

Yoane 3:5 ပူးပေါင်းရင်းမြစ်များ

Matiyu 18:3

Itnesog, ya umanūwi pugkūm memagkū, Nagkū kĭmi kūtūampĭ nōwami ĭtevaū manti sugkū ōvun alalaū kūtūunĭntorĭmpe;

Matiyu 19:24

ĭm ya ko manūwi pugkūm memagkū, oti ĭtepelum ra kamel worĭntorĭmpe nelni nitel mōmū ra neteme nōete worĭntorĭmpe ra lō eni Nōbū.

Matiyu 21:31

Itokowo ra irora endūrū yemumpi sugkū nakĭugi eni ĭtemenda? Mirora dūmūnūwi pugi mūmōkū. Iyi nōbūm. Iesū yōmenūwi punora memokū, Itnesog ya umanūwi pugkūm memagkū ōvun lĭvsaū nalekon mōvun tōri umampūm irami ra lō eni Nōbū.

Matiyu 28:19

Uve mumpi lō sū lō sū, ōvun nūrie enyaū; wumbaptiso iranda ra nin eni Itemen ĭm Netni, ĭm Naviat Tumpora;

Matiyu 3:11

Ya umbaptiso irami ugi nū wokon ma kĭmi kwampĭeves nōwami; kō iyi mori umampelum penūri yaū mōmū horog irag, yaū tawi aremī mamsi woravan eni ra nōwon; iyi ambaptiso irami ugi Naviat Tumpora ĭm nom;

Matiyu 5:20

It ya umanūwi pugkūm memagkū nagkū, tanepō enugkĭmi otū ontantevakepe enirora ōvun Somūl, mōvun Faresi kūtūonentorempe ra lō ūnpokūp.

Mark 10:14

Iesū pol sugkū yemokesi, yemarakī ugi, mō menūwi punora memokū, Utinĭmpe ōvalalaū worevelum poyaū, ĭm kūtū ūnūali irora: popōwo sugkū sū irora ra lō ūnpokūp.

Mark 16:16

Iyi sĭ mori ontavnirigi mō mampi baptisma iran, anti neviēōwara iyi; miyi sĭ mori otū ontavniri anti noworepatevi tovūni nemás.

Mark 9:47

Im nagkū nimtum onumpiriwugkĭk, evsi pe: mōmū aremi kĭk omintorĭmpe ra lō eni Nōbū ugi nimtum siteven, Im tawi ugi nimtum endūrū woretin tafugi ra nom niswate:

Nam Navosavos Eni Luk 13:24

Miyi yemenūwi punora, memokū, Usokomolepwi worentorimpe ra nugūn selat neworekiriki; it ya umanūwi pugkūm, memagkū, sikat wonesorugi, magkū wonĭntorĭmpe, kō, irora tawi faneteme.

Nam Navosavos Eni Luk 13:3

Ya umanūwi pugkūm, memagkū, Tawi; kō, kimi, nagkū kūtūampieves nōwami, kwamas sū sugkū.

Nam Navosavos Eni Luk 13:5

Ya umanūwi pugkūm, memagkū, Tawi; kō kimi, nagkū kūtūampieves nōwami, kwamas sū sugkū.

Yoane 1:13

irora mori dūmumprokomol, tawi ugi ōvun fan lō, tawi ugi nakiugi nataman kū nasiven, tawi ugi neteme, Kō ugi Nōbū.

Yoane 3:3

Iesū yemenūwi pugi, memokū, Itnesog, ĭtnesog, ya umanūwi pūgkik, memagkū, nagkū sī otūmamprokomol marugi pokōp iyi otūagesi lō eni Nōbū. Nĭkodimus yemtagkeli memokū.

Yoane 3:4

Sī neteme ōmamprokomol pol sugkū iyi numpūmetūo, nokowo? iyi faneteme worōmentorĭmpe nempugon dūrūgi ra netnĭn dineme eni mōmamprokoraol, kū?

Ovun Apostol 2:38

Im Piter yemenūwi punora memokū, Uvieves nōwami, mūvĭ baptisma irami, kĭmi sū ra nin eni Iesū Krĭstō, worefielentugi sat sū soremi; ĭm kĭmi kwampi itemas isen Naviat Tumpora.

Ovun Apostol 3:19

Popōwo imo sugkū ūvĭeves nōwami mūtorileki ma sugkū ĭyukuyeki sat sū soremi mōv nempugon nevĭeves wampelum ra nipmi isen;

Netiyi Eni Pol Apostol Punora Oveteme Rom 14:17

popōwo tanepo eni lō eni Nōbū tawi woreni (nevag) ĭm woremoneki, kō tanepoves ĭm ninparata ĭm navosavos ra Naviat Tumpora.

Netiyi Eni Pol Apostol Punora Oveteme Rom 8:2

Popōwo nam alam isen Naviat ra Iesū Krĭsto yemsūli yaū marugi nam ugi sat im nemas.

I. Korint 15:50

Im yakum magkū, ravūgsĭme, memagkū, nugkugke irand nokolisirant woretindowi ra lō eni Nōbū; ĭm nugkugko sugkū ugi siame amtimte woretindowi ra nūrū mori siame amtimte otū antindowi īra.

I. Korint 2:12

Kō kos kel etū vī ūnōwant, tarū ra nemap, kō pe tarū mori umamne ra Nōbū; ma kos kel agkili siame itemas wokon mori Nōbū yemevugkos.

I. Korint 6:11

Im kūmūte sugkū nugkon kĭmi: kō dūmūsendumsi kĭmi, ĭm dūmumpi kĭmi aremī, ĭm dūmumpi kĭmi tanepo ra nin eni Iesū Krĭstō Novsūromon, ĭm ugi Naviat eni Nōbū enugkos.

Kalesia 6:15

Worevi namon oti nindewavū, ĭm woretūvĭ namon nindewavū sugkū, kō sie sī sīteven aremī mori nowan ĭtevaū.

Efesus 5:26

ĭt iyi yemumpi tumpora, yemsendumsi ugi norowugi ra nū ra nam alam,

I. Piter 1:2

ugi nesepen nokili eni Nōbū Itemen ugi tumporoves eni Naviat ugi nalekoleki nam ĭm ugi navokūm ugi de eni Iesū Krĭstō Itemas paū pugkūm ĭm ninparata antin tandamsah.

I. Piter 3:21

safi baptisma mori yemūmkūmēyōwara, tawi ugi sendumsi marugi nililūō ra nokolisiran, kō pe nisorugi nōwan aremī pugi Nōbū, ugi nevsorasah eni Iesū Krĭstō;

I. Yoane. 2:29

Im nagkū kūmagkili ma iyi tanepo, kĭmi kumagkili ma irora sū umnumpi aremi, ūmumpi popōwo dūmumprokomol ĭtevaū ugi iyi.

I. Yoane. 5:1

Irora sū mori ūmantavniri ma Iesū oti Krĭstō ūmmprokomol ugi Nōbū: irora sū umnelintokonda ōvetemenda ōvunyan umnelintokonda ōvunyan isenda sugkū.