Yoane 21:22 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²² Iesū yemenūwi pugi, memokū, Nagkū ya umagkū iyi antendōwi mafeli nempugon ya umampelum, Tie imo iram? Kampelesi irag.

Yoane 21:22 ပူးပေါင်းရင်းမြစ်များ

Matiyu 16:24

Im Iesū yōmenūwi punora ōvun nūrie eni memokū, Nagkū sĭ kū sī emagkū worūri yaū, aremi iyi asepen ōwisep iyi memandiuki nēumparum eni memūri yaū.

Matiyu 24:27

kū, Iyi ūnisog seleboke ves vamon, ūtūtavnirĭgi; popōwo nevelum eni Netni eni neteme anti sugkū tūrepis mori umamne ūnūrū mumeselĭ mefeli nelehompeni; ĭt ra nūrū nokolĭsiran ĭtūremas yūi

Matiyu 24:3

Im pol sugkū iyi yemetesep ra numpūo Olivet, ōvun nūrie eni dūmūvelum pugi iyi ko sĭ, mūmūnūwi mūmōkū, Enūwi pugkam, nĭgoi onumpi sugkū? ĭm saf nevelum enugkĭk ĭm nelehūvan nemap sugkū tie?

Matiyu 24:44

Kĭmi sugkū, ūtaveseves, popōwo Netni eni neteme ōmampelum ra dan kūtūontarūgi.

Matiyu 25:31

Pol sugkū Netni eni neteme ōmampelum ra nilasilaswi eni, mōvun agelō tumpora omwisū dal, iyi antesep ran tan potnumpūtūo nilasilaswi eni,

Matiyu 8:22

Im Iesū yemenūwi pugi memokū, Uri yaū aremĭ ōvun nemás wontenemi ōvun nemás enirora.

Mark 9:1

Im iyi yemenūwi punora memokū, Itnesog yakum manūwi pugkūm, Ma nugkon ra irora ūmantūr ĭgko, ūtū amas mafele nimpugon irora wagesi lō eni Nōbū ampelum ugi horog.

Yoane 21:19

Iyi yemenūwi imo memokū ugi nemas mori iyi unumpi nilasilaswi iran Nōbū. Penūri imo nam, Iyi yemenūwi pugi, memokū, Kampelesi irag.

Yoane 21:21

Piter yemokesi iyi mori, memtagkeli Iesū, memokū, Novsūromon, Iyi mori, sie ugi?

I. Korint 11:26

Popōwo pol sugkū kĭmi kwoneni imo yōūp mamoneki marugi imo kup, kĭmi kūoseei nemas eni Novsūromon afeli nimpugon iyi omĭn torileki.

I. Korint 4:5

Popōwo pe ūtū ratevetūwi woresorugi sī isen neteme, afeli Narisah ampelum, mori anūatumpene siame umūseni ra nelebokevat, mōĭm sūli ves tarūsū ūnōwanda ōveteme, ĭm Nōbū anūwi ugi tanepo nilasilaswi en ōveteme.

I. Teselonia 2:19

kō Sētan yemsompat, amtugkam. Popōwo sie ratevetūi naīugi enugkam, kū navos, kū nevīugi nilasilasewi. Kĭmi pe nokowo, ūnĭpmi Iesū Novsuromon enugkos pol sugkū iyi ampelum.

Yakobo 5:7

Im popōwo pe sugkū, ravūgsĭēme, ūte ugi nemolsep kĭmi mafeli nivelum eni Novsūromon. Ukisi netovarū eni neteme nasemūk, ĭm iyi umentevetūwiugi nōvwan aremī ra nemap, ĭm umante ugi nemolsep ugi pe, mafeli ampi ran nebib mroi it mampum ĭm sī ra nisah.

Yakobo 5:8

Ute kĭmi ugi nemolsep; ūte aremī ūnam ūnōwami; popōwo umambotibot netūratumpene eni Novsūromon.

Reveleson 1:7

Urigi, iyi ampelum ra numpūaū; ĭm ōveteme omwisū wagesi iyi, ĭm irora mori dūse iyi; ĭm wantintogageri sah lō sū omwisū ra nemp. Aremai sugkū, Amen.

Reveleson 2:25

Kō ūravsivsi ima mori kūmūvai sū mafeli nimpugon ya ampelum.

Reveleson 22:20

Iyi mori umentesūwai ima siame umagkū, Itne ya ampelum marima. Amen: elum, Novsūro Iesū.

Reveleson 22:7

Pah, Itnesog, ya ampelum ĭtnum marimago. Nevaieves iyi mori umafinte aremai ōvun nam ūnūatumpene ra imo netaiyi.

Reveleson 3:11

Ya ampelum marima; ravsivsi imo mori kovai, ma tawi ampai kraūan enugkĭk.