Yoane 21:17 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁷ Iyi yōimtagkeli nempugon desel, Sīmon netni eni Yōna, kemnelintokoyaū tamas, kū? Piter yemorigi sat popōwo yemtagkeli, nempugon desel, memokū, Kemnelintoko yaū tamas, kū? miyi yōmenūwi pugi, memokū, Novsūromon, kĭk emagkili siamesū; kemagkili ya umnelintugkĭk tamas. Iesū yōmenūwi pugi memokū, Avugunora ōvun pugipugi enyaū.

Yoane 21:17 ပူးပေါင်းရင်းမြစ်များ

Yoane 13:38

Iesū yōmenūwi pugi, memokū, kĭk ontampnemugi nomūrep enugkĭk ugi yaū, kū? Itnesog, itnesog, ya umanūwi punok, memagkū, Netūo otūonasora mafeli ra nempugon kĭk onūaveni yaū nempugon desel.

Mark 14:72

Im nĭmpugon dūrūgi sĭ netūo yemasora ĭm Piter yementeme nam mori Iesū yĭmenū wi pugi, memokū, Pol sugkū netūo otū omasoranĭmpugon dūrū kĭk onūavun yaū nĭmpūgon desel. Miyi yemevolevoli ugi, mō mageri tamas.

Yoane 16:30

Marima ka kĭmlagkili ūnam ma kemagkĭli siamesū, metūmentevetūi sī woretagkelok ugi sī; popōwo imo sugkū ka kĭmlagkili kempelum memne ra Nōbū.

Reveleson 2:23

Im ya ontalokonda ovunyan eni ugi nemas; ĭm ōvun nielepon sai lō omwisū wagkili magkū yaū iyi mori yaum mesorugi tarū ūnōwanda ōveteme ĭm netevarū enirora: ĭm ya onūrian irami sugkū numpurak enugkimi kĭmi.

Efesus 4:30

Im ūtū umpi nesorū ra Naviat Tumpora eni Nōbū, ra iyi mori dūmūtampolekūm mafeli nempugon mori yemumkūmēyōwara.

Ovun Apostol 15:8

Im Nōbū mori umagkili nowanda sū yemumpūvsok ugi irora ĭt iyi yōmovunora Naviat Tumpora sugkū kos.

Yoane 15:10

Nagku kĭmi kwonalekoleki ōvun nempesewugi enyaū, kĭmi kwantendōwi ra nelintugi enyaū; sugkū ya umnalekoleki ōvun nempasewugi eni Itemen enyaū, memantendōwi ra nelintugi eni.

Yoane 14:15

Nagkū kĭmi kūmnelintoko yaū, walekoleki ōvun nempasewugisū enyaū.

II. Piter 3:1

Ravūgsīme paū, imo netiyi dūrūgi yakum netīyi pugkūm: ĭm ra dūrūsū yakum mamūwi pugkūm worōiyokonda ōvun nowami aremi woretani;

I. Piter 1:6

Ugi imo Kĭmi kūmavos tamas, kō marima ugi nempugon potipot nagkū aremī ūmantipe norigumpūnū irami ugi ōvun tapmi sikat,

II. Korint 1:12

Im navos enyau imo, mori numpūvsok ūnōwag, ma ugi tumpora ves ĭm tanepo ves ūnipmi Nōbū, tawi ugi nelekon sorug, kō ugi itemas paū isen Nōbū, yaū mete ra netevarū aremī, ĭm tamas mōmū popōwo ugi kĭmi.

Ovun Apostol 1:24

Mirora dūmūfwaki memokū; Ah, Novsūromon kīk e magkili tarū isenda ōveteme omwisū, sesi pugkam itokowo ra irora dūrū, koko tampoli.

Yoane 18:27

Piter yōmenūaveni; marimago netūo yemasora.

Yoane 18:4

Im popōwo Iesū yemokili siamesū mori wampelum iran, Iyi yivelah memtagkelora, memokū, kumnesorugi niē? Irora dūmūnūwi mūmōkū, Iesū neteme Nasaret.

Yoane 12:8

Ovun narumkor dal kĭmi ĭndōwi; kō, ya otūantendowi dal kĭmi ĭndōwi.

Matiyu 25:40

Miyi Novsūromon ontamsi manūwi punora magkū, Itnesog ya umanūwi pugkūm magkū, Popōwo kĭmumpi nĭsekon sĭ iroramo virok ravūgsieme, kĭmumpi nĭs kog.

Reveleson 3:19

Irora sū mori ya um nelintokonda, ya um mesūli pun ora mūyavora: atekisah tamas kĭk, memenūatokili satindi enugkĭk ĭm paieves nowan.

Yoane 21:18

Itnesog ĭtnesog, ya umanūwi pugkĭk memagkū, pol sugkū kĭk neviarep kemesepen netōetĭgi memavan ra nūrūsū kemakĭtigi; kō nempugon kĭk onumpūmetūo kĭk īevan gi ōvun nokopmū, ĭm sī mōmū amkīketōetĭgi, mandiugkĭk ra nūrū kĭk otūmnakiugi.

Yoane 4:16

Iesū yōmenūwi pugi, memokū, Eve movrugi asūm, mōmūvelum Igko.

Ovun Apostol 11:10

Yemorun numpi imo nempugon desel: memorevenisah omwisū ūnpō kop.