Yoane 20:31 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

³¹ kō, umnetīyi memagkū ugi imosū ma kĭmi kwontavnirĭgi ma Iesū, Krĭstō, miyi Netni eni Nōbū; ma kĭmi kwampi tavnirigi nomūrep ra nin eni.

Yoane 20:31 ပူးပေါင်းရင်းမြစ်များ

Matiyu 16:16

Im Simon Piter yemtamsi memenūwi memokū, Kĭk Krĭstō, Netni eni Nōbū umnomūrep.

Matiyu 27:54

Miyi Sentūrion, mirora dal, mori dūmavles ugi Iesū, pol sugkū dūmōkesi nomiok, ĭm tiamesū mori dūmūtepū, irora dūmūvekōrekōra, mūmūnūwi mūmōkū, Itnesog, Imo Netni eni Nōbū.

Matiyu 4:3

Im neteme tapmi yivelum pugi memenūwi memokū, Nagkū kĭk netni eni Nōbū enūwi ma imo nevat sū meti yōūp. Kō Iyi yemtamsi memenūwi memokū,

Mark 16:16

Iyi sĭ mori ontavnirigi mō mampi baptisma iran, anti neviēōwara iyi; miyi sĭ mori otū ontavniri anti noworepatevi tovūni nemás.

Nam Navosavos Eni Luk 1:35

Miyi nagelō yemtamsi memenūwi pugi memokū, Naviat Tumpora ampelum iram, im horog isen Tantevakepe onamolen iram, im popowo anti sugkū, wanūwi magkū ugi imo tumpora kĭkanti, NETNI ISEN NOBU.

Nam Navosavos Eni Luk 1:4

woretĭyisū ra natora nisekom ma kĭk agkilisū itnesog ugi imosū dūmū tavsog kĭk ugi sū.

Nam Navosavos Eni Luk 24:47

ĭm aremĭ wonterenūwi punora lōsū lōsū magkū ugi nevīeves nōwan, ĭm nefielintugi sat sū, ra nin isen wonatipotni ra Yerūsalem.

Yoane 1:49

Natanael yemenūwi pugi memokū, Rabi kĭk netni eni Nōbū; kĭk natemonok ra nusian enirora oveteme Isrēel.

Yoane 10:10

Neteme numprok umampelum worumprokugi, montalugi, wagkini; yaūĭmpelūm memokū irora wampī nomūrep, nomūrep ūbrūni.

Yoane 19:35

Miyi neteme mori yemokesi, yemumpūvsokugi, ĭm nūmpūvsok eni ĭtnesog; miyi umagkili ma iyi umanūwi itnesog ma kĭmi kwontavnirĭgi.

Yoane 20:28

Tomas yemenūwi pugi, memokū, Novsuromon sorūg, im Nōbū sorūg. Iesū yemenūwi pugi, memokū, Tomas,

Yoane 3:18

Iyi sī umentavnirĭgi, otūmnūrian iran; kō, iyi sī otūmentavnirĭgi Iyi, nworepatevi eni umantendōwi iran, popōwo iyi otūmentavnirigi nin eni Netni paū siteven eni Nōbū.

Yoane 3:36

Iyi sī umuntavnirigi Netni umantipe eni nomūrep ūbrūni; miyi sī otūmentavnirĭgi Netni mori otūagesi nomūrep; kō, naraki eni Nōbū umantendōwi iran.

Yoane 5:24

Itnesog, ĭtnesog, ya umanūwi pugkūm, memagkū, Iyi sī umandĭgi nam enyaū mementavnirĭgi Iyi mori yemtamūli yaū, nomūrep ūbrūni eni, otūonumpi iyi nworepatevi, popōwo iyi yemowi nemás mentorĭmpe ra nomūrep.

Yoane 6:40

Miyi mori yemtamūli yaū emagkū, omwisū mori umagesi Netni mūmumtavnirĭgi iran, irorago wampī nomūrep ūbrūni, ĭm ya ontorisah ran dan nisah.

Ovun Apostol 10:43

Ovun profet omwisū dūmumpūsok iran mūmokū irora mori ūmontavnirĭgi afielintugi sat sū isenda ugi nin isen.

Ovun Apostol 3:16

Im ugi tavniri ra nin eni imo neteme kūmagesi mūmagkili iyi oti horigives; nin isen umpi iyi faneteme; itnesog, tavniri umpi iyi horigives wokon ūnemitemi omwisū.

Ovun Apostol 8:36

Im polekū irora dūmūve ra selat dūmūvelum ra sī nū;

Ovun Apostol 8:37

yūnok yemenūwi memokū, Okesi, nū; yakampī baptisma irag kū? Im Fĭlĭp yemenūwi memokū, Nagkū kĭk umintavnirĭgi ūnōwam omwisū; miyi yemtamsi, memenūwi memokū, ya kum mentavnirĭgi ma Iesū Kristo Netni eni Iehōva.

Ovun Apostol 9:20

Marimago iyi yemtorenūwi sah memokū Krĭstō Netni isen Nōbū ra mumpon ōvun nimo tavsogi.

I. Piter 1:9

ĭm kimi kūmūvi fan aremī ugi tavniri enugkimi, mori nevieyowara naviat enugkimi.

I. Yoane. 4:15

Iyi mori anūatumpene ma ĭesū eni Netni Nōbū, Nōbū antindowi ūnisog iyi, ĭm iyi ūnisog Nōbū.

I. Yoane. 5:1

Irora sū mori ūmantavniri ma Iesū oti Krĭstō ūmmprokomol ugi Nōbū: irora sū umnelintokonda ōvetemenda ōvunyan umnelintokonda ōvunyan isenda sugkū.

I. Yoane. 5:20

Im kos kemlagkili ma Netni eni Nōbū okovelum, ĭm yemevugkos nelekon, ma kos kelagkili iyi mori oti tanepo, ĭm kos ūnisog iyi oti tanepo, iyi mori Iesū Krĭstō Netni eni. Imo oti Nōbū itnesog, ĭm nomurep ūvrūni.

II. Yoane 1:9

Iyi mori umnumpi sugkū tarū isen ĭm otū mantindowi ra tavsogi eni Krĭstō, otū vai Nōbū: kō iyi mori umantindowi ra tavsogi eni Krĭstō, okevai Itemen ĭm Netni.

Reveleson 2:18

Im etaiyi kĭk pugi nielepon sai lō tumpora Thaiataira memagkū; Imo tiame umanūwi Netni eni Nōbū, mori nipmi eni oti sugkū selūamen nom,