Yoane 20:17 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁷ Iesū yemenūwi pugi, memokū, Etūsugkori yaū, ĭt ya otūsah pugi Itemen yaū. Eve punora ravūgsĭeme menūwi punora, mokū, Ya umesah pugi Itemen enyaū, ĭm Itemen enugkimi, ĭm Nōbū enyaū, ĭm Nōbū enugkimi.

Yoane 20:17 ပူးပေါင်းရင်းမြစ်များ

Matiyu 12:50

Iyi sĭ onumpi sugkū nam eni Itemeneyaū ūnpokūp, iyi mori avūgsĭ, ĭm vevenug, ĭm name.

Matiyu 25:40

Miyi Novsūromon ontamsi manūwi punora magkū, Itnesog ya umanūwi pugkūm magkū, Popōwo kĭmumpi nĭsekon sĭ iroramo virok ravūgsieme, kĭmumpi nĭs kog.

Matiyu 28:7

Uve mūnūwi punora ōvun nūrie ēni mōkū iyi ovsorasah marugi nemás, miyi umampūm irami ra Kalĭli; kimi kwagesi iyi yūi; ūrĭgi, ya onūwi pugkūm.

Mark 12:26

Mugi ōvun nemas ma irora umamsorasah, kimi kūmūsepi ra netiyi tumpora eni Moses nam mori ugi nē nokowo Iehōva yemenūwi pugi, yaū Nōbū eni Ebraham, ĭm Nōbū eni Isak, ĭm Nōbū eni Yēkob?

Mark 16:19

Miyi Narisah pol sugkū yemenūwi aveni punora yeti nevĭsah ūnpokūp, mō metesep ra nokoven meves eni Iehōva.

Nam Navosavos Eni Luk 10:4

Utūriuki woretatevote, kū vēyū, kū woravan; mūtūam punora ūselat.

Yoane 13:1

Im pol sugkū dūtūumpi narigari Paska, Iesū yemokili ma nempugon eni okovelum, miyi awi nemap, mampe pugi Itemen; Iyi yemelintokonda mori eni ra nemap, miyi yemelintokonda mafeli ra nisah.

Yoane 13:3

Iesū yemo kili ma iyi Itemen yemovugi tiamesū ra mumpon nokoven eni, ĭt Iyi yivelum yemne ra Nōbū mōmontorĭleki pugi Nōbū,

Yoane 14:2

Unisog nimo eni Itemen yaū ōvun silebōkeves sikat, nagkū tawi sugkū, yaū penūwi pugkūm. Ya umampe woresiman sī nūrū nisekomi.

Yoane 14:28

Nagkū kĭmi polintokoyaū, kĭmi pavos popōwo ya onūwi, mokū, ya umampe pugi Itemen; popōwo iyi Itemene yaū, mōmū horog irag.

Yoane 14:6

Iesū yemenūwi pugi memokū, Yaū selat, mĭtnesog, ĭm nomūrep. Iyi sī umampelum pugi Itemen umampelum ugi yaū wokon. Nagkū kĭmi pūkili yaū, kĭmi pūkili Itemen enyaū sugkū.

Yoane 16:28

Yaūĭmpelum memne ra Itemen, mempelum ra nemap; ĭm ya awi nemap mōmampe pugi Itemen.

Yoane 17:11

ĭm ya umumpī nilasilaswi irag ra irora, Ya otūante ra nemap, irora umante ra nemap, ĭm ya umampelah punok. Nate tumpora, efĭnte irora ra nin enugkĭk, mori kĭmovoyaū, ma irora wanti siteven sugkū kos.

Yoane 17:25

Ah Nate tanepōves nemap ūtūmagkilok; kō, ya umagkilok; miroramo ūmagkili ma kĭmtamūli yaū.

Yoane 17:5

Im marima, Ah Nate, umpi nilasilaswi irag ūndū kĭk, ugi nilasilaswi mori yaū mepĭmpĭ irag ūndū kĭk, pol sugkū tawi natipotnin nemap.

Yoane 20:27

Miyi yemenūwi pugi Tomas, memokū, Eevan gi dugorugon nokopmū, mokesi ōvun nokovug; mēevan gi nokopmū metipe ra nokoren enyaū; roetūte netūtavnirĭgi, kō etavnirĭgi.

Yoane 7:33

Popōwo imo sugkū Iesū yemenūwi punora, memokū, Nempugon virok mōmū ya antelap dal kimi, ĭm ya ōmampe pugi Iyi mori yemtamūli yaū.

Netiyi Eni Pol Apostol Punora Oveteme Rom 8:29

Im irora mori yemesepen okilora, yepimtampolora woreta ūnōwanda sugkū sū safi eni iyi pe iyi Netni isen, ma iyi ante ĭtnetemefi iranda raveneme sikat:

II. Korint 6:18

Im ya ampi kĭmi Im ya ante Nate nisekomi, Im kĭmi kwante nisekūg ōvun ĭtōvateman mĭtōvasiven.

Kalesia 3:26

Im kĭmi sū ōvun netnime eni Nōbū, popōwo ugi tavniri enugkimi ra Iesū Kristo.

Hibru 11:16

Kō marimo irora umesorugi sī nūrū mōmū aremī, mori pe, ūnpokop: ĭm popōwo pe Nōbū tawi narumprum ugi irora, woratovnin iyi memokū Nōbū isenda; popōwo iyi yemtavesves sī siti nisekonda.

Hibru 8:10

Im Narisah yemenūwi, memokū; Im pe nam ūnam ya onumpi nisekonda oveteme Isrēel Ran dan su mori; Ya antipe ōvun nam alam enyaū ūnōwanda, Im ya onetĭyi ōvun nam alam mori ra naviat isenda; Im ya ante Nōbū nisekonda. Mirora wante ōveteme nisekūg:

I. Piter 1:3

Nevieves iran Nōbū Itemen eni Iesū Krĭstō Novsūromon enugkos, popōwo ugi itemas paū nūsian isen yoimumpi kos ĭtevaū ugi tevetūur nomurep ugi nivsorasoh eni Iesū Krĭstō marugi nemas,

I. Yoane. 3:2

Ravūgsieme paū, marima kos ōvun netnĭ eni Nōbū, ĭm ūtūmagkili lap memagkū kos kelanti sugkū mē. Kō koskemagkili ma nagkū anūatumpene iyi kos kelante sugkū iyi; popōwo koskelagesi iyi pe iyi.

Reveleson 21:3

Im yaū morigi sai navian horog marugi potnumpūtūwo, yemenūwi memokū, ĭtnesog, mimo tumpora eni Nōbū ūmante dal ōveteme, miyi antindowi dal irora, ĭm irora wante ōveteme ison, ĭm iyi pe iyi Nōbū antindowi dal irora, miyi ante Nōbū enirora:

Reveleson 21:7

Ya ampugi mori umampeumnek marugi navūanda nū nomūrep tamas woremoneki. Im mori umatekisah ampai nisekon imosū tiame,