Yoane 19:28 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁸ Penūri imo Iesū yemokili ma Iyi yemokompelisū siamesū, memokū onekompeli imo nam ra mumpon ōvun netiyi tumpora, miyi yemenūwi, memokū, Ya umampiumnōk.

Yoane 19:28 ပူးပေါင်းရင်းမြစ်များ

Nam Navosavos Eni Luk 12:50

Kō sī baptisma ambaptiso yaū ugi; ĭm ya umasepen sokomulepwi afeli nempugon onokompelisū.

Nam Navosavos Eni Luk 18:31

Miyi yemtōrorago, ōvun Twelv, memenūwi punora, memokū, Urĭgi; kos kemlesah ra Yerūsalem, ĭm siemesū ōvun profet dūmūtīyi mūmōkū ugi Netni isen neteme, wonakompelisū.

Nam Navosavos Eni Luk 22:37

It ya umanūwi pugkūm memagkū, Imo mori yepmetīyi memokū ugi yaū, onokompelisū irag; Irora wasepi yaū dal ōvetemendi;

Nam Navosavos Eni Luk 9:31

Mirora dūmūtūratumpeni ugi nilasilaswi, mūmūnūwi ugi nemás isen moko iyi onekompeli sū ra Ierūsalem.

Yoane 13:1

Im pol sugkū dūtūumpi narigari Paska, Iesū yemokili ma nempugon eni okovelum, miyi awi nemap, mampe pugi Itemen; Iyi yemelintokonda mori eni ra nemap, miyi yemelintokonda mafeli ra nisah.

Yoane 17:4

Ya umnumpi nilasilaswi iram ra nemap; ya umnokompelisū numpūrah mori kimenūwi memokū ya onumpi.

Yoane 18:4

Im popōwo Iesū yemokili siamesū mori wampelum iran, Iyi yivelah memtagkelora, memokū, kumnesorugi niē? Irora dūmūnūwi mūmōkū, Iesū neteme Nasaret.

Yoane 19:24

mirora dūmūsepen ūnūwi punora, mūmōkū, Kos letūtevaseri, kos lasenduri lot ugi ĭm lagkili eneme, ma sugkū wonekompeli nam ra mumpon ōvun netiyi tumpora, memokū, Irora wantevūrakwokonda ōvun nemas enyaū; mirora wasendūri lot ugi semplaūon enyaū,

Yoane 19:30

Pol sugkū Iesū yivi nū nakan mori iyi yemenūwi, memokū, Okompelisū; miyi yemtelasep, memtenimpe naviat eni.

Yoane 19:36

It imosū dūmūtepū woro kompeli nam ra mumpon ōvun netiyi tumpora memokū, Utūonareki sī nōiran eni.

Yoane 4:34

Sī ovugi nevag kū? Iesū yōmenūwi punora, memokū, Nevag sorūg worumpi tarū eni Iyi mori yemtamūli yaū, monokompeli numpūrah eni.

Ovun Apostol 13:29

Im pol sugkū dūmokompeli sū siamesū dūmūtīyi ugi iyi, dūmūvī sep marugi nē mūmūtipe ra veli.