Yoane 18:37 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

³⁷ Im Pīlat yōmenūwi pugi, memokū, Im kĭk sī Natemonok ra nūsian, kū? Iesū yemenūwi, memokū, Kĭk onūwives. Yaū mumprokomol ĭm yaūĭmpelum ra nemap worumpūvsok ugi itnesog. Irorasū mori ūmnelintugi itnesog umandĭgi naviag. Pīlat yemtagkeli memokū, Itnesog sie?

Yoane 18:37 ပူးပေါင်းရင်းမြစ်များ

Yoane 8:47

Iyi mori umamne ra Nōbū umandĭgi nam eni Nōbū; kō kĭmi kūtūmandĭgi popōwo kĭmi kūtūmne ra Nōbū.

I. Yoane. 4:6

Kam isen Nōbū: iyi mori umagkili Nōbū umandegi nam enugkam; iyi mori yetūmne ra Nōbū otūmandugkam. Im ugi imo koskemlagkili naviat itnesog, ĭm naviat nempiri.

Yoane 8:14

Iesū yemenūwi punora, memokū, Nagku sugkū ya umasepen numpūvsok irag numpūvsok enyaū ĭtnesog; popōwo yakum magkili iye yakum mamnea, im iye yakum mampia; kō kūmūtū kili iye yakum mamnea, kū iye yakum ampia. Kimi kūmūtarū iranda ōveteme sugkū ra nemap;

I. Yoane. 3:19

Im popōwo ugi imo koskem agkilekos ma kos ōvun ĭtnesog, ĭm kos kelenumpūvsok nowant ūnipmi eni,

Yoane 14:6

Iesū yemenūwi pugi memokū, Yaū selat, mĭtnesog, ĭm nomūrep. Iyi sī umampelum pugi Itemen umampelum ugi yaū wokon. Nagkū kĭmi pūkili yaū, kĭmi pūkili Itemen enyaū sugkū.

Yoane 7:17

Nagkū sī umnakīugi worumpi sugkū tarū eni, iyi agkili ugi nam tavsogi mori, nagkū eni Nōbū, kū nagkū ya umasepen nenūwi.

I. Piter 1:22

Im popōwo kūmūsendomsi nowami ugi sendiokives nam aremī ugi nelintugi ĭtnesog nisekonda ravinsīeme,

I. Timote 6:13

Yakum manu wavsugkik ūnipmi eni Nōbū, mori umamūrep siame sū ugi iyi, ĭm Iesū Krĭstō mori yemumpūvsok numpūvsok aremī ūnipmi Pontius Pīlet;

Nam Navosavos Eni Luk 23:3

Im Pīlat yemtagkeli iyi memokū. Kĭk natemonok ra nūsian isenda oveteme Isrēel, kū? Miyi yemtamsi memenūwi, memokū, Kĭk onūwives.

Mark 15:2

Im Pīlat yemtagkeli iyi memenūwi memokū, Kĭk fan lō enirora ōveteme Isrēel kū ĭ Miyi yemtamsi memenūwi memokū, Monokowo.

I. Yoane. 5:20

Im kos kemlagkili ma Netni eni Nōbū okovelum, ĭm yemevugkos nelekon, ma kos kelagkili iyi mori oti tanepo, ĭm kos ūnisog iyi oti tanepo, iyi mori Iesū Krĭstō Netni eni. Imo oti Nōbū itnesog, ĭm nomurep ūvrūni.

Yoane 3:32

Im imo mori Iyi yemokesi memorigi Iyi umnumpūvsok ugi, ĭm tawi sī umnumpi numpūvsok eni.

Matiyu 26:64

Iesu yemenūwi pugi memokū, kĭk onūwi. Im ya umanuwi pugkūm memagkū kimi kwagesi Netni eni neteme umantesep ra nokoven meves ugi horog, mōmampeltim ra ovun numpūaū ra pokūp.

Matiyu 27:11

Im Iesū yemetūrū ūnĭpmi eni Natemonok; miyi Natemonok yemtagkeli memokū, kĭk Natemonok ra nūsian enirora oveteme Isrēel, kū? Im Iesū yemenūwi pugi memokū, kĭk onūwi.

Reveleson 3:14

Im pugi nagelo eni nilepon sai lō; tumpora Leodesia konetaiyi memagkū. It anūwi imosū ōvun nam Amen, neteme mori umesūli aremai ĭm tanepo nam, iyi mori yemeti mĭpmovūm iranda ōvun sie mori Nōbū yemumpi; iyi umagkū; ya um magkili ōvun numpūrak enugkĭk, ma kĭk netepont ĭm tawi naūwaū;

Reveleson 1:4

Yōane pun ora nilepon sai lō tu pora seven ra Esya. Itemas paū pugkum ĭm ninparata, marugi iyi mori umante ĭm yemeti imo ampelum; ĭm morokonda ōvun Naviat seven mori ūmanti ūnipmi

I. Yoane. 3:14

Kōskemagkili ma koskemūwi nemas nemtorīmpe ra nomūrep, popōwo koskemielentokonda raveveneme. Iyi mori otum nelintugi avinsai umantindowi ra nemas.

Nam Navosavos Eni Luk 22:70

Mirorasū dūmūnūwi, mūmōkū, Im kĭk Netni isen Nōbū? Miyi yemenūwi punora memokū, kimi kūmanūwi ves, yaū sugkū.

Mark 14:62

Im Iesū yemenūwi memokū yaū sugkū; ĭm sugkū kĭmi kwagesi iyi Netni neteme antesep ra nokoven meves ra horog, mō mampelum ra ōvun numpūaū ūnpokūp.

Yoane 1:14

Miyi Nam yemeti fan memetendōwi dal kam memovuarugi togesoveli mĭtnesog, ĭm kam lelavenūri nilasilaswi eni, nilasilaswi eni Iyi Netni siteven eni Itemen.

Yoane 1:17

Mōses yemovunora ōvun nempasewugi sū; kō togesoveli mĭtnesog dūmūti ugi Iesū Krĭstō.

Yoane 8:45

Kō popōwo ya umanūwi ĭtnesog pugkūm kĭmi kūtūmuntavnirĭgi yaū.

Yoane 8:46

Mē sī ra kĭmi umesesi poyaū worokili ugi sat? Im nagkū ya umanūwi nam ĭtnesog, irantie kūtūmuntavnirĭgi?

I. Yoane. 2:21

Yaū metū etaiyi pugkūm powōwo kĭmi kūtūmagkili nam navosavos, kō popōwo kĭmi kumagkili sū, ĭm popōwo tawi sai nam saiteven nagkū ra nam ĭtnesog.