Yoane 17:25 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁵ Ah Nate tanepōves nemap ūtūmagkilok; kō, ya umagkilok; miroramo ūmagkili ma kĭmtamūli yaū.

Yoane 17:25 ပူးပေါင်းရင်းမြစ်များ

Matiyu 11:27

Itemeneyaū yemovo yaū tiamesū; ĭm tawi sĭ umagkili Netni, Itemen eni wokon; Im tawi sĭ umagkili Itemen, Netni eni wokon, miyi sĭ Netni onūatumpeni pugi.

Matiyu 16:16

Im Simon Piter yemtamsi memenūwi memokū, Kĭk Krĭstō, Netni eni Nōbū umnomūrep.

Nam Navosavos Eni Luk 10:22

Itemen sorūg yemovoyaū siemesū; ĭm tawi sī umagkili Netni, Itemen wokon; kū Itemen, Netni wokon, ĭm sī kū sī mori Netni asepen agkū woresesi pugi.

Yoane 1:18

Tawi sī yemokesi Nōbū, iyi Netni sīteven mori umante ra mumpon nemendogon eni Itemen iyi wokon yempīatumpene.

Yoane 10:15

Iyi Itemen umagkili yaū, ĭm ya umagkili Iyi sugkū. Im ya umampugi nomūrep enyaū woretampnemokonda ōvun pugipugi.

Yoane 15:21

Kō imosū omwisū irora wonumpi irami ugi nin enyaū, popōwo irora ūtū kili iyi mori yemtamūlyaū.

Yoane 16:27

Itemen nisekomi; ĭt iyi Itemen umnelintug kūm, popōwo kūmnelintokoyaū, ĭm kūmūntavnirigi ma yaūĭmpelum memne ra Nōbū.

Yoane 16:3

Irora wonumpi imosū irami popōwo ūtūmagkili Itemen, kū yaū.

Yoane 16:30

Marima ka kĭmlagkili ūnam ma kemagkĭli siamesū, metūmentevetūi sī woretagkelok ugi sī; popōwo imo sugkū ka kĭmlagkili kempelum memne ra Nōbū.

Yoane 17:11

ĭm ya umumpī nilasilaswi irag ra irora, Ya otūante ra nemap, irora umante ra nemap, ĭm ya umampelah punok. Nate tumpora, efĭnte irora ra nin enugkĭk, mori kĭmovoyaū, ma irora wanti siteven sugkū kos.

Yoane 17:18

Kĭmtamūli yaū ra nemap, ĭm ya umentamūlora ra nemap sugkū.

Yoane 17:21

ma irora omwisū wanti siteven sugkū kĭk Itemen ra mumpon yaū, ĭm yaū ra mumpon kĭk, ma irora sugkū wanti siteven ra mumpon kos, ma nemap wontavnirigi kīmtamūliyaū.

Yoane 17:23

yaū ra mumpon irora ĭm kĭk ra mumpon yaū, ma irora warapūtokonda; ma sugkū nemap wagkili kĭmtamūli yaū, memelintokonda, sugkū kĭmnelintokoyaū.

Yoane 17:3

Im imo nomūrep ūbrūni ma irora wagkilok, Nōbū itnesog siteven, ĭm Iesū Krĭstō mori kĭratamūli.

Yoane 17:8

popōwo nam mori kemepmovoyaū, yaū movunora, mirora ūvĭ mūmagkili ma yaūĭmpelum memne ra kĭk mūmuntavnirĭgi ma kĭmtamūli yaū.

Yoane 3:17

It Nōbū yetūtamūli Netni eni ra nemap worūrian iranda oveteme, yemokū amkorēōwara ugi Iyi.

Yoane 6:19

Mirora dūmasūo mĭl en desel kū devat mūmōkesi Iesū yemavan ran tan tok, memwosĭnterewokonda ran tok. Mirora dūmetetugi.

Yoane 7:29

Kō ya umagkili Iyi, popōwo yau ĭmpeĭum memne ra Iyi, miyi yemtamūli yaū.

Yoane 8:19

Im irora dūmūtagkeli mūmūnūwi pugi mūmōkū, Iye Itemene kĭk? Iesū yemtamsi, Kūtmūtūkili yaū, kū Nate nagkū kūpmūkili yaū kūpmūkili Nate enyaū sugkū.

Yoane 8:55

Ya otūmagkili Iyi ya anti neteme namli sugkū kĭmi. Kō, ya umagkili Iyi ĭm yaumafĭnte nam eni.

Ovun Apostol 17:23

Popōwo pol sugkū yaū mavan ugo, yaū mokesi tevita soremi ugi ōvun sokowar, mokesi sī nefati yemnetīyi ran tan memokū, Iran sī Nōbū Otūkili ugi. Se mori kūmintĭvita iran ĭm letū kili ya kum mentorenūwi sah pug kūm.

Ovun Apostol 26:18

Woretīpelah niminda, worevoli marugi nĭlebokevat ra nilara, marugi horog eni Sētan ra Nōbū, mampi nefielentugi sat sū, ĭm nūrū dal irora mori dūmnumpi irora tumpora ugi tavniri ra yaū.

Netiyi Eni Pol Apostol Punora Oveteme Rom 1:28

Im sugkū popōwo irora dūtōakĭugi worokili Nōbū ūnōwanda, Nōbū yemtinepe irora ra sendūekie ūnōwanda,

Netiyi Eni Pol Apostol Punora Oveteme Rom 3:11

Tawi sī umnelavenūri, ĭm tawi sī umnesorugi Nōbū;

Netiyi Eni Pol Apostol Punora Oveteme Rom 3:26

woresesi, ya magkū, ōvun tanepo isen ra nempugon marima: ma iyi pe iyi ante tanepo, momumpi tanepoves iyi mori okevī tavniri ra Iesū.

I. Korint 1:21

Im popōwo ugi nelekon eni Nōbū ōveteme ra nemap dūtūkili Nōbū ugi nelekon enirora, kō yeti aremī ugi Nōbū woresemsempari iranda mori umentavniri ugi torenūwi nam, mori ūmagkū ugi memokū nĭndewavū.

I. Korint 15:34

Uvsor kĭmi marugi nalēepo, ĭm wumpi aremī, ūtū wumpi sat; nugkon ra kĭmi ūtū magkili sī sie sī ugi Nōbū: yakum manūwi imo, worumpi narumprum irami.

II. Korint 4:4

iranda mori nōbū ra imo nemap yemseni tarū sū isenda ōvun netū tavniri, ma nilara nam navosavos nilasilaswi eni Kristo, iyi mori safi eni Nōbū, otū oselī iranda.

Teselonia 1:8

worumpi nurian naraki iranda ūtū magkili Nōbū, ĭm iranda mori ūtūm alekoleki nam navosavos eni Iesū Novsūromon enugkos:

Hibru 8:11

Im irora omwisū ūtū wontavsokonda ōveteme ūntimne sīteven dal irora pe irora omwisū Kū irora sū ravinsīēme enirora, memokū, Ukili Iēhova; Popōwo irora sū omwisū wagkili yaū, Morokonda ōvun vilik mafeli ra irora ōvun horogesah

I. Yoane. 1:9

Nagkū koskelanūa tumpene satsū enugkos, iyi ĭtnesog ĭm tanepo worefielentugi satsū enugkos, im woresendumsi irant marugi ōvun netūlanepo omwisū.

Reveleson 13:8

Im lō sū omwisū ra nemap wonteveta iran, ĭm irora sū omwisū mori dūtū taiyi sū ra netaiyi nomūrep eni Lam mori dūmūtalugi iyi ra nempugon etūai mori ĭm tawi nemap.

Reveleson 16:5

Im yaū morigi nagelo ra ōvun nū, yemenūwi memokū, Kĭk tanepo, mori kĭk emante ĭm kĭm mante, Kĭk Tumpora wokon;