Yoane 14:26 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁶ Miyi Nempari nevĭeves, Naviat tumpora, mori Itemen ontamūli ra nin enyaū, Iyi mori ontavsokūm ugi siamesū, menumpi kĭmi worentemi siamesū ya umanūwi pugkūm.

Yoane 14:26 ပူးပေါင်းရင်းမြစ်များ

Matiyu 1:18

Numprokomol eni Iesū Kristo sugkū imo: ĭt iyi Mēri dĭneme eni Yōsef yemeteventorugi, Im pol sugkū dūtūsemsimokonda iroran dūrū yokesiwi tandiokumpōk ugi Naviat Tumpora;

Matiyu 1:20

Im polekū iyi yeumeveleveli ugi imo sū, sĭ nagelō eni Novsūromon yivelum pugi ra nemeviak memenūwi memokū, Yōsef netni eni Dēvĭd, etūmtetugi worevi Mēri retepmi; ĭt imo mori otepū ūnisog iyi ugi Naviat Tumpora;

Matiyu 28:19

Uve mumpi lō sū lō sū, ōvun nūrie enyaū; wumbaptiso iranda ra nin eni Itemen ĭm Netni, ĭm Naviat Tumpora;

Matiyu 3:11

Ya umbaptiso irami ugi nū wokon ma kĭmi kwampĭeves nōwami; kō iyi mori umampelum penūri yaū mōmū horog irag, yaū tawi aremī mamsi woravan eni ra nōwon; iyi ambaptiso irami ugi Naviat Tumpora ĭm nom;

Mark 12:36

It iyi Dēvĭd yemenūwi ugi Naviat Tumpora memokū, Iyi Narisah yemenūwi pugi Narisah enyaū memokū, Etesep ra nokovūg meves mafeli nĭmpugon ya antipe ōvun novsen nakan enugkĭk ra mumpon noam.

Mark 13:11

Im pol sugkū wontorokūm woretipe kĭmĭ ūnimĭnda ūtū evelevi ugi nam mori kĭmi kwanūwi; nam mori anti novugkūm worenūwi ra nimpugon mori, Unūwi pe mori, ĭt popōwo tawi kĭmi mori ūmanūwi, iyi Naviat Tumpora.

Nam Navosavos Eni Luk 1:15

Miyi anti nūsian ūnĭpmi isen Novsūromon. Miyi otūamoneki win kū kava, mampūarugi Naviat Tumpora marugi netnĭn dineme isen.

Nam Navosavos Eni Luk 1:35

Miyi nagelō yemtamsi memenūwi pugi memokū, Naviat Tumpora ampelum iram, im horog isen Tantevakepe onamolen iram, im popowo anti sugkū, wanūwi magkū ugi imo tumpora kĭkanti, NETNI ISEN NOBU.

Nam Navosavos Eni Luk 1:41

Im pol sugkū Elĭsabet yemorigi nam paū isen Mēri, nalaū yemwīok ūnetnĭn isen,

Nam Navosavos Eni Luk 1:67

Im Sakarīas, itemen isen yemovūarugi Naviat Tumpora, memenūwi memokū;

Nam Navosavos Eni Luk 11:13

Im nagkū kĭmi, ōvetemendi, kūmagkili ōvun ĭtemas aremī worevunora ōvun netnime soremi, Iyi momu, Itemen mori unpokop, ampunora mori umnesenigi Naviat Tumpora, ku?

Nam Navosavos Eni Luk 2:25

Sī neteme ra Yerūsalem, nin isen Sĭmion, miyi tanepo mementemives iran Nōbū; memtametugives nam navosavos nisekonda lō Isrēel, im Naviat Tumpora nandū iyi.

Nam Navosavos Eni Luk 24:49

Im ūrĭgi, ya umentamūli nievūos isen Itemen sorūg irami; kō kĭmi ūtendōwi ra sĭti Yerūsalem afeli nempugon kimi kwonevakūmūgi horog marugi pokōp.

Nam Navosavos Eni Luk 3:22

ĭm Naviat Tumpora yemyep iran ugi nokolesiran sugkū nagkū ūmpon, ĭm sī navian yemne ra pokūp, memenūwi memokū, Kĭk nētūg paū, ya umampeotoat ugi Kĭk.

Yoane 1:33

Im yaū metūsepen nokili Iyi; kō, Iyi mori yemtamūli yaū worum baptiso ugi nū, Iyi mori yemenūwi po yaū memokū, Neteme mori kĭk agesi Naviat iyep manten-dōwi iran, Iyi mori, Iyi umumbaptiso ugi Naviat Tumpora.

Yoane 12:16

Mōvun nūrie eni, ra nempugon mori, dūmūmgīugi imo; kō, pol sugkū Iesū yōmĭntorĭmpe ra nilasilaswi eni irora dūmuntemi nam yemetīyi, memokū sugkū ugi Iyi; mirora dūmumpi imosū nisekon.

Yoane 14:16

Im ya onesenĭgi Itemen, miyi ampugkūm sī mōmū Nempari nevĭeves woretendowi dal kĭmi ūvūm nevisū.

Yoane 14:25

Ya umanūwi imo pugkūm nempugon yaū dal kĭmi.

Yoane 15:26

Kō pol sugkū Iyi mori onesitū irami ampelum, mori ya ontamūli pugkūm marugi Itemen, mori Naviat itnesog, mori umamne marugi Itemen, iyi onumpūvsok ugi yaū.

Yoane 16:7

Kō, ya umanūwi pugkum itnesog, memagkū, aremī nisekomi ma ya umampe: ĭt nagkū ya otū ampe Iyi Nempari nevĭeves otū ampelum irami;

Yoane 2:22

Im pol sugkū iyi yemevsorasah marugi nemás ōvun nūrie eni dūmūntemi ma Iyi yemenūwi imo punora; mirora dūmūtavnirĭgi ōvun netīyi tumpora ĭm nam mori Iesū yemenūwi.

Yoane 20:22

Im pol sugkū Iyi yemenūwi imo, Iyi yelĭmsora ugi nesumsah, memenūwi punora memokū, Uvī Naviat tumpora; satsū enirora mori kĭmi kūmafielintokonda, afielintokonda;

Yoane 6:45

Imo nam ra mumpon ōvun netiyi isenda ōvun Profet, Nōbū ontavsokondasū. Miyi umandĭgi mementavsogi ugi Itemen mori, umam pelum poyaū;

Yoane 7:39

Iyi yemenūwi imo memokū ugi Naviat mori irora wampī ūmūntavnirĭgi Iyi; ĭt Iyi Naviat tumpora yetuvelum iranda ra nempugon mori, popōwo Iesū yetūomentorĭmpe ra nilasilaswi eni.

Ovun Apostol 1:2

Mafeli dan mori yempĭ sah iyi kō mampum ugi Naviat Tumpora iyi yempasiwokonda ōvun apostol mori iyi yimtampol ora;

Ovun Apostol 1:4

Im ra nempugon mori iyi dal irora dūmūsemsimokonda, iyi yempasiwokonda memokū irora ūtū awi Ierūsalem, kō wantevetwi nievĭwos nam isen Itemen, iyi yemenūwi memokū mori kĭmūrĭgi yaū mepmenūwi pugkūm memokū ugi.

Ovun Apostol 1:8

Kō kĭmi kwampi horog nempugon Naviat Tumpora ampelum irami; ĭm kĭmi ōvun numpūvsok kwonumpūvsok ugi yaū ra Ierūsalem, ĭm Iūdia orawisū, ĭm Samēria ĭm ra nūrū sū nūrū sū.

Ovun Apostol 11:16

Im yaū mentime nam eni Novsūromon, mori iyi yemenūwi memokū, Yōane yemumbaptiso ugi nū; kō ambaptiso irami ugi Naviat Tumpora.

Ovun Apostol 13:2

Im polekū irora dūmūtorugat iran Novsūromon mūtovokom, Naviat Tumpora yemenūwi memokū, Utipe nisekūg Barnabas ĭm Sol worumpi numpūrah yaū movrokonda ugi.

Ovun Apostol 13:4

Mirora, pol sugkū, Naviat Tumpora yimtamulora, dūmūyep ra Selusia, dūmūwi nūrū yūi ra lō mūmūve ra Siprus.

Ovun Apostol 15:28

Popōwo Naviat Tumpora yemokū, aremi, ĭm kam sugkū woretū tipe sī nevar numpohentom irami, imo sū wokon aremi kĭmi kwanalekoleki.

Ovun Apostol 15:8

Im Nōbū mori umagkili nowanda sū yemumpūvsok ugi irora ĭt iyi yōmovunora Naviat Tumpora sugkū kos.

Ovun Apostol 16:6

Im Pol sugkū irora dūmavan ra nūrū sū Frukia ĭm Kalasia ĭm Naviat Tumpora yemenūali punora woram ra Asia;

Ovun Apostol 2:33

Popowo imō sugkū yometipe sah iyi ra nokoven mevis eni Nōbū Iyi yivi nievūos isen Itemen mori Naviat Tumpora miyi ovugisū imo mori kūmagesi mūmandigi.

Ovun Apostol 2:4

Dūmūvūara omwisū ugi Naviat Tumpora mirora dūmati potni worenūwi ugi ōvun navianda lōsū sugkū Naviat Tumpora yemovun ora nam.

Ovun Apostol 20:28

Popōwo imo sugkū, ūfinte kĭmi, ĭm semsimak omwisū mori Naviat Tumpora yemetipe kĭmi worafĭnte irora semsimak eni isen Nōbū mori iyi yempasi ugi de isen Iyi.

Ovun Apostol 20:35

Yaū morūn nesesi pug kūm siamesū ugi nokowo kĭmi kwandūn numpūrak sugkū worumpeleves iranda ōvun netūrumuro, memninteme nam eni Novsūromon Iesū mori iyi yemenūwi memokū, mōmū nevīeves worevugi ra imo, worevi.

Ovun Apostol 28:25

Im pol sugkū dūtū mokū ugi tarū siteven, dūmūve pelah, ĭm Pol yemenūwi aveni memokū, Naviat Tumpora yemenūwi ves ugi Iseya profet pun ora retemindeme,

Ovun Apostol 5:3

Im Piter yemenūwi pugi memokū, Ananĭus irasie Sētan ovūwara ūnōwam ma kempirigi Naviat Tumpora memasiugi nugkon nĭmpi nūrū mori?

Ovun Apostol 7:51

Ovun nugkugko, dūtū umpi namon irami, numpindi otum mentipelah nipmi ūnisog kĭmi, kū telugomi: sugkū retemime sugkū kĭmi.

Ovun Apostol 7:55

Kō iyi yemovūwarugi ugi Naviat Tumpora, miyi yemtopotneme unpokop memokesi nilasilaswi eni Nōbū ĭm Iesū yemetūrū ra nokoren meves eni Nōbū,

Netiyi Eni Pol Apostol Punora Oveteme Rom 14:17

popōwo tanepo eni lō eni Nōbū tawi woreni (nevag) ĭm woremoneki, kō tanepoves ĭm ninparata ĭm navosavos ra Naviat Tumpora.

Netiyi Eni Pol Apostol Punora Oveteme Rom 15:13

Im Nōbū ugi ratevetūwi umpi ūvūwarugi nōwami ugi navosavos ĭm ninparata ra tavnirigi, ma kwon nenum ugi ratevetūwi, ra horog eni Naviat Tumpora.

Netiyi Eni Pol Apostol Punora Oveteme Rom 15:16

ma ya ante lĭvsaū eni Iesū Kristo pun ora lō Ityentail, worenūatokeli nam navosavos eni Nōbū, ma sakrefais—memagkū Ityentail—ante aremai, popōwo ugi numpūrak eni Naviat Tumpora.

Netiyi Eni Pol Apostol Punora Oveteme Rom 5:5

ĭm tawi otū ampī narumprum ugi tevetūwi; popōwo nowant ūmovwarugi naviat eni Nōbū ugi Naviat Tumpora dūmūvugkos.

I. Korint 12:3

Im popōwo pe ya umesūli aremī imo siame pugkūm, memagkū, nagkū sī kū sī umanuwi nam ugi Naviat eni Nōbū, iyi otū magkū Iesū nowarepatevi tawi; ĭm tawi sī faneteme worenūwi memagkū, Iesū oti Novsūromon, kō ugi Naviat Tumpora.

I. Korint 6:19

Kū kūmūtūkili ma nokolisirami oti nimo eni Naviat Tumpora mori umante ūnisog kĭmi, mori kūmūvī marugi Nōbū? ĭm kĭmi tawi enugkimi;

II. Korint 13:14

Itemas paū eni Novsūromon Iesu Krĭstō ĭm nelintugi eni Nōbū, ĭm navos ūnōwami ra Naviat Tumpora ante mante dal kĭmi. Amen.

II. Korint 6:6

ra sentevives ūnōwag, ra nelekon, ra nelintugi, ra itemas paū ugi Naviat Tumpora, ra nelintugi anōwag tawi nĭmpiri,

Efesus 1:13

ra iyi kĭmi sugkū, kūmūrĭgi nam tanepo, mori nam navosavos ranēyōwara enugkimi,—ra iyi, kĭmi kūmū tavnirigi, kūm ampelesi iran ra Naviat Tumpora ugi ratevetūwi,

Efesus 1:17

ma Nōbū eni Novsūromon Iesū Krĭsto enugkos, Itement nilasilaswi, ampugkūm naviat nointanwi ĭm sesi worokili ugi iyi;

Efesus 4:30

Im ūtū umpi nesorū ra Naviat Tumpora eni Nōbū, ra iyi mori dūmūtampolekūm mafeli nempugon mori yemumkūmēyōwara.

I. Teselonia 4:8

Popōwo pe iyi mori umesendoekiye, otū sendoekiye neteme, kō Nōbū, mori umampugkūm Naviat Tumpora isen.

II. Timote 1:14

Kafinte aremī siame aremī ugi nesitū Naviat Tumpora mori umante ūnisog kos.

Tītus 3:5

kō tawi popōwo numpūrak tanepo enugkos, mori kos kĭm lumpi pe kos, kō popōwo ugi ĭtemas-paū isen yemumkosēyōwara ugi norowugi umesendumsives ĭm ugi numpi ĭtevaū ugi Naviat

Hibru 10:15

Im iyi Naviat Tumpora umampūvsokugi pe pugkos: popōwo penūri yemenūwi,

Hibru 2:4

ĭm Nōbū sugkū yemumpūvsok dal irora, ugi ōvun safi ĭm ōvun navlugi, ĭm ugi ōvun numpūrak nugkugko sikat, mugi ōvun ĭtemasepaū eni Naviat Tumpora, sugkū nesepen tarū isen iyi pe iyi.

Hibru 3:7

Popōwo pe sugkū Naviat Tumpora umanūwi, Ire nagkū kūmandegi navian,

Hibru 9:8

ĭt Naviat Tumpora yemenūwi ugi imo netevani, memokū, dūtūnūwi aremī selat woreve ūnisog nūrū tumpora ra nempugon pol sugkū yemetelap nimo tumpora mampūm;

I. Piter 1:12

Dūmūyevūwos punora, ma tawi punora kō pugkum, irora dūmūtalokugi imo ōvun siame, mori marima umantūratumpene pugkūm ugi irora mori dūmūtorenūwisah nam navosavos pugkum ugi Naviat Tumpora yetin tamūli marugi pokop; ĭm ōvun nagelo ūmnakīugi worokesi imo ōvun siame.

II. Piter 1:21

Popowo dūtūvī ĭmpelum wokon ōveteme nam ōvun profet dūmūnūwi: kō ōveteme eni Nōbū dūmūnūwi sugkū Naviat Tumpora yemetipe ūnōwanda.

I. Yoane. 2:20

Kō yemumpalug irami Iyi mori tumpora aremai, ĭm kĭmi kumagkili tiamesū omwisū.

I. Yoane. 2:27

Kō ugi kĭmi, umantindowi ūnisog kĭmi nesovelives mori yemumpi irami, ĭm tawi ma saimōmū ontavsogkūni; kō sugkū tavsogi nesovelives isen umentavsogkūm popōwo ugi siame sū, ĭm ĭtnesog, ĭm tawi namlai, ĭm sugkū umentavsogkūm, kūmantindcwi ūnisog iyi.

I. Yoane. 5:7

Im Naviat Tumpora umampūvsok ugi iyi, popōwo ĭtnesog Naviat Tumpora.

Netaiyi eni Jūd 1:20

Kō ūte ūnam kĭmi, ravūgsaieme, ra tavniri enugkimi aremai indowi,

Reveleson 2:11

Iyi mori ĭm telugon eni wororigi, aremai iyi andigi sie mori Naviat Tumpora umanūwi pun ora nielōpon sai lō tumpora. Iyi mori umatikesah ūnōwan indowi ra tavniri ōtū umpi sie iran nemas dūrūgi mori.