Yoane 13:1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im pol sugkū dūtūumpi narigari Paska, Iesū yemokili ma nempugon eni okovelum, miyi awi nemap, mampe pugi Itemen; Iyi yemelintokonda mori eni ra nemap, miyi yemelintokonda mafeli ra nisah.

Yoane 13:1 ပူးပေါင်းရင်းမြစ်များ

Matiyu 26:45

Miyi yōĭmpelum punora ovun nūrie eni mōmenūwi punora memokū, Walēepō marima mūvenukūm; nempugon mori okovelum, umnempirĭgi Netni eni neteme ra nokovenda ovun numpindi.

Matiyu 28:20

mūtavso-konda woralekoleki omwisū mori yaū mempasewugkūm; ĭm yaū dal kĭmi dan sū dan sū, afeli ra nisah.

Nam Navosavos Eni Luk 22:53

Pol sugkū yaū dal kimi dansū ūnisog nimo tumpora kĭmi kūtūtipe nokopmime irag; kō imo nempugon soremi ĭm horog ra nelebokevat.

Nam Navosavos Eni Luk 9:51

Im pol sugkū yemumpotipot nempugon worevīsah iyi, iyi yemevoli nipmi, memokū ampe ra Yerūsalem; memtainūlora ōvun tandeko worōbūm iran.

Yoane 11:55

Paska enirora ōveteme Isrēel yemumpotipot; ĭm sikat mori dūmne ra nimotesū dūmūsah ra Yerūsalem worevī sentevives pol sugkū nempugon paska yetūvelum.

Yoane 12:23

Im Iesū yemenūwi punora, memokū, Okovelum nempugon woretipe nilasilaswi iran Netni eni neteme.

Yoane 13:29

memokū, Evasi nīsekont nĭmsĭn narĭgari, kū, dūmōkū iyi ampunora ōvun narumkor nugkon.

Yoane 13:3

Iesū yemo kili ma iyi Itemen yemovugi tiamesū ra mumpon nokoven eni, ĭt Iyi yivelum yemne ra Nōbū mōmontorĭleki pugi Nōbū,

Yoane 13:34

Sī nempasewugi ĭtevaū, ya umampugkūm, Usepen nelintugkūm. Ya um-nelintugkūra, ūsepen nelintugkūm sugkū.

Yoane 14:28

Nagkū kĭmi polintokoyaū, kĭmi pavos popōwo ya onūwi, mokū, ya umampe pugi Itemen; popōwo iyi Itemene yaū, mōmū horog irag.

Yoane 14:31

Kō, ma Nemap wagkili ma ya umnelintugi Itemen; ĭm ya umnumpi sugkū Itemen yempasewokoyaū, Utūok; kos kelampe.

Yoane 16:28

Yaūĭmpelum memne ra Itemen, mempelum ra nemap; ĭm ya awi nemap mōmampe pugi Itemen.

Yoane 17:1

Iesū yemenūwi imosū memelasah ra pokōp memenūwi, memokū, Nate, nempugon okovelum; umpi nilasilaswi iran Netum ma Netum onumpi nilasilaswi iram;

Yoane 17:16

Irora dūtūmne ra nemap, sugkū yaū metūmne ra nemap.

Yoane 17:26

Im yaū raenūatumpene nin enugkĭk punora; ĭm ya ōmanūatumpene; ma sugkū nelintugi mori kĭmelintokoyaū ugi antendōwi ūnisog irora, ĭm vaū ra mumpon irora.

Yoane 17:5

Im marima, Ah Nate, umpi nilasilaswi irag ūndū kĭk, ugi nilasilaswi mori yaū mepĭmpĭ irag ūndū kĭk, pol sugkū tawi natipotnin nemap.

Yoane 18:4

Im popōwo Iesū yemokili siamesū mori wampelum iran, Iyi yivelah memtagkelora, memokū, kumnesorugi niē? Irora dūmūnūwi mūmōkū, Iesū neteme Nasaret.

Yoane 19:28

Penūri imo Iesū yemokili ma Iyi yemokompelisū siamesū, memokū onekompeli imo nam ra mumpon ōvun netiyi tumpora, miyi yemenūwi, memokū, Ya umampiumnōk.

Yoane 2:13

Paska enirora oveteme Isrēel yemumpotipot, ĭm Iesū yivesah ra Yerūsalem,

Yoane 6:4

Paska, sī narĭgari enirora oveteme Isrēel, yemumpotipot.

Yoane 7:30

Mirora dūmosorūgi mūmōkū wandūleki, kō tawi yemelekavi Iyi, popōwo nempugon eni yetūvelum.

Yoane 7:6

Iesū yemenūwi punora, memokū, Nempugon enyaū otūvelum; kō nempugon enugkĭmi ĭndōwi.

Yoane 8:20

Imosū Iesū yemenūwi ūnisog nimo woretaivnepon, pol sugkū yemtavsogi ra tempel: ĭm tawi sī neteme yemetipe nokoven iran; popōwo yetūvelum nimpugon isen,

Netiyi Eni Pol Apostol Punora Oveteme Rom 8:37

Kō kos faneteme, ĭm kos kelen tantevakepe ra imo sū siame omwisū ugi iyi yemelĭntugkos.

I. Korint 1:8

mori onumpi kĭmi ūnam ran dan sū, ma otū anti sĭentie sī worūrian irami ran dan eni Iesū Kristo Novsūromon enugkos.

Hibru 3:14

popōwo kos kelevī sīteven ūndū Kristo nagkū kos kel ante ūnam ra tavniri mampūm enugkos mafeli ra nisah: ra nempugon pol sugkū wanūwi magkū,

Hibru 3:6

kō Kristo sugkū netni isen, ĭm horog ra nimo eni; ĭm kos nimo isen, nagkū kos kel ante ūnam ra nam horog aremī, ĭm lesūlives nam mori mafeli ra nisah siame mori kos kĭm lentevetūwi ugi.

Hibru 6:11

Im ya um nakiugi ma kwonatekisah worumpi imo natevarū aremi kĭmi mōmumpūvsok ratevetūwi nakiugi aremi mafeli ra nisah eveni;

I. Piter 1:13

Popōwo ūaiti avsivsi netoetigi ūnōwami, ūfinte netevarū enugkimi, ūratevetūwi ugi tarū sīteven ra itemas paū mori ampelum pugkūm polsugkū Iesū Krĭstō anturatumpene;

I. Yoane. 4:19

Kos kemnelintugi, popōwo iyi yemlintugkos mampūm.

Reveleson 1:5

potnimpūtūō eni; ĭm marugi Iesū Krĭstō, numpūvsok tanepo, mori oti nevsorasah yipmovūm marugi nemas,