Yoane 12:26 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁶ Nagkū sī umagkū iyi ontorugat irag, aremī iyi onampelesi irag; ĭm ra nūrū yaū yūi, iyi lĭvsaū enyaū yūi sugkū. Im nagkū sī olĭvsaū irag, Itemene yaū antipe nilaswi iran. Marima naviat enyaū umandĭgi sat.

Yoane 12:26 ပူးပေါင်းရင်းမြစ်များ

Kalesia 1:10

Ya otūm nakiugi nani nemolsep eni neteme, kō isen Nōbū wokon: ya otum nakiugi narigi isen neteme; nagkū ya umnumpi ĭndowi irag nam paū eni neteme, tawi yaū lĭvsaū eni Kristo.

Kolose 3:24

popōwo kĭmi kūmagkili kwampi nipmi marugi Novsūromon ugi nevīugi aremī nisekomi:

Netiyi Eni Pol Apostol Punora Oveteme Rom 1:1

Pol sī lĭvsaū eni Iesu Krĭstō, dūmovrugi woreti sī apostol, dūmūtampoli ugi nam navosavos eni Nōbū,

Yoane 17:24

Nate, ya umagkū aremī ma irora mori kĭmovoyaū wante dal yaū ra nūrū ya antewi, ma irora wagesi nilasilaswi enyaū, mori kĭmovo yaū; it kĭmelintokoyaū pol sugkū tawi natipotnin nemap.

Yoane 10:27

Sugkū ya onūwi pugkūm, mokū, Ovun pugipugi enyaū umandĭgi naviag, ĭm ya umagkilora, mirora ūmnūri yaū;

II. Korint 5:8

kos kim lenatekisah, ĭm kos kĭm lenakĭugi woretinĭmpe imo ūvrok, ĭm lantĭndowi ūndū Novsūromon.

Netaiyi eni Jūd 1:1

Yaū Jūd, lĭvsaū eni Iesū Krĭstō, ĭm avinsai eni Yakobo, pun ora mori dūmūvrokonda, ōvun tampolives eni Nōbū Itemen, ōvun nefinte nisekon Iesū Krĭstō:

I. Yoane. 5:3

Im nelintugi enugkos pugi Nōbū oti imo, ma kos kwonalekoleki ōvun nempasewugi isen: ĭm ōvun nempasewugi isen tawi nugkugko.

II. Piter 1:1

Simon Piter, livsaū ĭm apostol eni Iesū Krĭstō, punora mori dūmūvi tavinri aremī sugkū kam ra tanepo eni Nōbū im Iesū Krĭstō novsūromon enugkos ĭtemas paū

II. Korint 4:5

Popōwo ya otū torenūwi yaū, kō Iesū Krĭstō Novsūromon, ĭm yaū sugkū lĭvsaū wokon enugkimi popōwo ugi Iesū.

Netiyi Eni Pol Apostol Punora Oveteme Rom 14:18

Popōwo iyi mori umentorugat iran Krĭstō sugkū imo ūnipalug ūnipmi Nōbū, ĭm umanuwi aremai ugi oveteme.

Yoane 15:20

Wuntemi nam mori ya onūwi pugkūm, mokū, sī lĭvsaū, tawi mōmū horog ra narisah eni. Nagkū irora dūmūvĭesisat yaū irora wampĭesisat kĭmi. Nagkū irora dūmalekoleki nam enyaū, irora wonalekoleki nam enugkĭmi sugkū.

Nam Navosavos Eni Luk 6:46

Im kimi kūmamperoko yaū, mūmagkū, Novsūromon, Novsūromon, irasie? ĭm kūtūmnumpi sugkū ya umanūwi pugkūm.

Filipi 1:23

Sī tarū endūrū enyaū, yakum nakīugi woreve worete dal Krĭstō; popōwo imo mōmū tamas aremī ĭndowi:

Yoane 14:3

Im nagkū ya ampe woresiman sī nūrū nisekomi, ya umampelum mampi kimi dal yaū;

Yoane 13:16

Itnesog, ĭtnesog, ya umanūwi pugkūm, memgkū, sī lĭvsaū tawi mōmū horog ra Narisah eni, ĭm sī tandeko tawi mōmū horog ra Iyi mori yemtamūli.

Nam Navosavos Eni Luk 9:23

Miyi yemenūwi punora sū, memokū, Nagkū, sī umagkū iyi onūri yaū, aremi iyi asepenōwi sep iyi mandiuki nēūmparum isen dansū, memnūri yaū.

Matiyu 25:21

kemumpi tanepō ugi virok, ya antipe kĭk worivūo ugi sikat, elum ūnisog navos ūndū Narisah enugkĭk.

Reveleson 14:4

Im irora ima mori dūtū umpi irora ūr ugi ōvasiven; popōwo irora ōvun nefi sentevives wokon. Im irora ima mori ūmnūri Lam ia ĭm ia mori iyi emagkū emampewi. Im dūmūvasi irora tampoli morokonda ōveteme, woreti novwan ĭtmampūn pugi Nōbū ĭm pugi Lam.

Kolose 4:12

Epafaras, neteme enugkimi, livsaū eni Iesū Kristo, emagkū kĭmi paū, ĭt iyi umnatekisah ĭndowi nisekomi ugi nufwaki isen, ma kimi kwante tanepoves ĭm ūnam ĭndowi aremī ra nakiugi omwisū eni Nōbū.

Yoane 21:22

Iesū yemenūwi pugi, memokū, Nagkū ya umagkū iyi antendōwi mafeli nempugon ya umampelum, Tie imo iram? Kampelesi irag.

Yoane 14:15

Nagkū kĭmi kūmnelintoko yaū, walekoleki ōvun nempasewugisū enyaū.

Mark 8:34

Im pol sugkū yemovrokonda netevokoptū pugi, ĭm ōvun nūrie eni, yemenūwi punora memokū, Iyi sī mori umagkū worūri yaū, aremi iyi metū magkū ugi tiame nakīugi isen, mandeūki nēūmparum eni mō mūri yaū.

Matiyu 16:24

Im Iesū yōmenūwi punora ōvun nūrie eni memokū, Nagkū sĭ kū sī emagkū worūri yaū, aremi iyi asepen ōwisep iyi memandiuki nēumparum eni memūri yaū.

Nam Navosavos Eni Luk 12:37

Nevĭeves ōvun lĭvsaū mori, pol sugkū Novsūromon ōmampelum agesora ūmuntevetūi iyi. Itnesog, ya umanūwi pugkūm, memagkū, iyi asepen netōetĭgi iyi, monumpi irora woretesĭgi, mampelum, montorugat iranda.