Yakobo 4:8 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁸ Uve botipot Nōbū kĭmi ĭm iyi ampelum botipot irami. Usendomsi ōvun nokumpi, kĭmi ōvun narekisat; mūsendumsi nōwami, kĭmi ōvun nōwami endūrū.

Yakobo 4:8 ပူးပေါင်းရင်းမြစ်များ

Matiyu 12:33

Wumpi nō aremī ĭm novūan eni aremī; kū wumpi nē ūr ĭm novūan ūr; umagkili nē ugi novūan isen.

Matiyu 15:2

Ovun nūrie enugkĭk ūmnareki nam enirora ōvun ūvūmle, irantie? ĭt irora ūtūmampūm marakilen pol sugkū amagkū woneni yōūp.

Matiyu 27:24

Im Pĭlat pol sugkū yemokesi ma iyi yematekĭsah wokon, im yematipotni nesesaū, yivi nū, morokilen ūnimĭnda numpun lō, mōmenūwi memokū, Ya otū warepatevi ugi de eni imo neteme tanepo wokon: enugkĭmi kimi.

Ovun Apostol 15:9

Miyi yemokū kos mirora sugkū siteven, mem sendumsi ves nōwant sū ugi tavniri.

II. Korint 7:1

Ravugsieme, umante tovunekos imo sū ōvun nam dūmūnūatumpene, popōwo pe sugkū aremī kos kele sendumsi ves irant marugi ōvun neliūo omwisū ra nokolisirant ĭm naviat enugkos, mō mumpi netevarū aremī indowi memtetugi ves Nōbū.

I. Timote 2:8

Im popōwo pe sugkū yakum nakiugi ma irora ĭtovateman wonūwaki ra nūrū sū, wampisah nokovenda tumpora, ĭm tawi naraki ĭm tawi nam ra mumpon nam.

Hibru 10:22

aremī kos kel ampe botibot ōnowant ĭtnesog, ĭm ugi tavniri omwisū, mampi setevives ūnisogkos ugi norowugi marugi tarūsū sat enugkos, ĭm sendumsives nokolisirant ugi nū sentevives wokon;

Hibru 7:19

ĭm popōwo ugi nindevavū isen, popōwo nam alam yeti umpi sī sie sī aremi wokon, kō yematipotni siame mōmū aremi mori kos kem lentevetūwi, mugi pe kos kelivelum pugi Nōbū.

Yakobo 1:8

dūrū tarū ūnōwan imo neteme, ĭm umintavelavel ōvun netevarū omwisū eni.

Yakobo 3:17

Kō nelekon mori umamne marugi pokop oti sentevives mampum, penūri iyi ninparata ĭm nemolsep, umandigi pe itnum, ĭm ūvwarugi nelĭntugi ĭm umamampūō ugi nowan aremī, ĭm tawi tarūtaru isen, ĭm tawi nimpiri.

I. Piter 1:22

Im popōwo kūmūsendomsi nowami ugi sendiokives nam aremī ugi nelintugi ĭtnesog nisekonda ravinsīeme,

I. Piter 3:21

safi baptisma mori yemūmkūmēyōwara, tawi ugi sendumsi marugi nililūō ra nokolisiran, kō pe nisorugi nōwan aremī pugi Nōbū, ugi nevsorasah eni Iesū Krĭstō;

I. Yoane. 3:3

Im irora sū mori ūmūntevetūwi iyi ūmūsendomsi irora, sugkū iyi sentevives ĭndowi.