Yakobo 3:13 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹³ Mē iyi mori irami nointanwi ĭm numpun nelekon? aremī iyi osesi ugi netavarū aremī isen ōvun numpūrak isen ugi nemolsep ĭm noĭntanwives.

Yakobo 3:13 ပူးပေါင်းရင်းမြစ်များ

Matiyu 11:29

Uvĭ woresūrie enyaū ra nōwami mūkili tovun yaū; ĭt yaū nomolsep im noramel ūnōwag; ĭm kĭmi kwampĭ nemĭndog nĭsekon naviat sū enugkĭmi;

Matiyu 21:5

Unūwi pugi ĭtnumpūkon eni Sĭon magkū, Pah, Fan lō enugkĭk umampelum pugkĭk; miyi oti noramel, mōmumprokotesep ran tan as, ĭm netni eni netni as woruriuki gĭn tan.

Matiyu 5:5

Nevĭeves ōvun noramel, ĭt irora wampĭ nemap enirora.

Matiyu 7:24

Miyi sĭ umandĭgi imo nam enyaū menumpi sugkū, ya anūwi magkū iyi sugkū neteme nelekon mori yemetipe nimo eni ra vetūnam; yemebĭp memetepū nōisap;

I. Korint 6:5

Ya kum manūwi imo ma kĭmi kwonarumprum ugi. Itnesog kū, ma tawi sī neteme nelekon nointanwi dal kĭmi, faneteme woretaseasie nesesaū enirora ravĭnsieme isen,

II. Korint 10:1

Im yaū Pol yaum manūwi pugkūm ugi nemolsep ĭm ninparata eni Kristo, yaū mori neteme norumkor ra nokolisirag ūnĭmetemi,

II. Korint 8:24

Popōwo pe sugkū ūsesi punora kĭmi ūnĭmĭnda ōvun kalesia numpūvsok ra nelĭntugi enugkimi, ĭm nam navos enyaū ugi natekisah enugkimi.

Kalesia 5:23

nemolsep, neteteven: ĭm iranda sugkū imosū itnesog tawi nam alam,

Kalesia 6:1

Ravugsieme, nagku sī neteme umnumpi sie sī ūr kū sat watekisah woretori iyi kĭmi mori kūmante ra Naviat Tumpora; nefinte kĭk kū entawi ontapmi kĭk sugkū.

Kalesia 6:4

Kō aremī ōveteme omwisū wonampesog ōvun numpūrak isenda ma irora wonavos ugi irora pe irora, ĭm tawi ugi ōveteme nilpon sī.

Efesus 4:2

ra nemolsep ĭm neteteven omwisū ĭm togesoveli, ĭm ninparata tarū ves ra nelintugi pugkum kĭmi;

Filipi 1:27

Kō aremī netevarū enugkĭmi ante aremī sugkū ra mumpon nam navosavos eni Krĭstō: ma nagkū ya ampelum magkosekūm kū ya ante ra nūrū sī, ya andegi nokowo kūm mante kĭmi, ma kĭmi kūmantūr ūnam ra naviat sīteven ĭm nowami sīteven ĭm ugi natekisah horog ugi tavniri ra nam navosavos;

Kolose 3:12

Popōwo pe, ōvun tampoli eni Nōbū, ōvun tumpora nelĭntugi paū, ūvīugi nowami nelĭntugi paū nisekonda ōveteme, nelĭntugi, nemolsep, nemlū, nefielĭntugi;

I. Timote 4:12

Tawi sī neteme usendūkiye iram popōwo kĭk neviarep; kō aremi kante safi nisekonda ūmentavniri, ugi nam, ugi netevarū enugkĭk, ugi nelintugi, ugi tavniri, ĭm ugi sentevives.

I. Timote 6:11

Kō kĭk, Ah neteme eni Nōbū, alō marugi imo sū ōvun siame; ĭm ūri tanepoves, sesieves iran Nōbū,

II. Timote 2:25

ĭm horog ugi tavsokonda ōveteme, mōĭmtogesovelora ōveteme, ĭm sūlives ugi nemolsep punora mori ūmnumpi sendūkiye; kū entawi Nōbū ampunora wontorileki ūnōwanda worokili aremī nam itnesog,

Tītus 3:2

ĭm woretavesves worūmpūrak ra ōvun numpūrak aremī omwisū, woretūnūwi nam ūr iran sī kū sī neteme, woretūwaūor, worete nemolsep, moĭmsesieves aremī iranda ōveteme omwisū.

Hibru 13:5

Utūtarūgi ūtūrigi sat ugi muni: kō ūte aremī ugi siame enugkĭmi kūmūvisū, pcpōwo iyi pe iyi yemenūwi, memokū, ya ontarūwonkūm pe nokowo, ĭm ya otū owi kĭmi indowi.

Yakobo 1:21

Popōwo pe otafugi ōvun nelilūō omwisū ĭm ōvun nareki umeselug, mōimūvi ugi nemolsep ĭm nimparata nam ūnōwami nemolsep mori faneteme worumworēvōwara ōvun naviat enugkimi.

Yakobo 2:18

Kō, nigoi sī anūwi, magkū, kĭko tavniri, kō yaum numpūrak: sesi po yaū tavniri wokon enugkĭk kĭmetū torugat, ĭm yaū ya onesesi punok tavniri enyaū ugi numpūrak enyaū.

Yakobo 3:1

Ravūsīeme, ūtūte ōvun tavsogi sikat, popōwo kū mūkili kos kwampi irant nūrian nugkugko mōmūgo.

Yakobo 3:17

Kō nelekon mori umamne marugi pokop oti sentevives mampum, penūri iyi ninparata ĭm nemolsep, umandigi pe itnum, ĭm ūvwarugi nelĭntugi ĭm umamampūō ugi nowan aremī, ĭm tawi tarūtaru isen, ĭm tawi nimpiri.

I. Piter 1:15

kō sugkū iyi mori yemovrugkum oti tumpora, ūte tumpora kĭmi ra ōvun netevarū sū enugkimi omwisū;

I. Piter 2:12

wumpi netevarū aremī kĭmi ūniminda ōvun nelevokevat; ma irora, pol sugkū irora wagesi ōvun numpūrak aremī enugkimi, wampīeves Nōbū ugi imo siame irora dūmūtavūntan sat irami ugi pe, ra nempugon nilara ampelum punora.

I. Piter 2:9

Kō kĭmi ōveteme lō dūmūtampolekūm, ōvun tavsogi horogesah, lō tumpora, ĭm netevokontū nisekon Nōbū, ma kĭmi kwosesi aremi wokon isen iyi mori yemtorokūm marugi nelevokevat ra nūsian nilara, navlugi isen;

I. Piter 3:4

kō ugi nevīugi ūnōwame, sugkū ugi naviat ninparata ĭm tanepos, ĭt imo aremī wokon ūnipmi eni Nōbū.