Teselonia 3:4 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁴ Im yakum tavniri ra Novsūromon ugi kĭmi, memagkū, kĭmi umnumpi siame yaū menūwi ugi pugkūm ĭm ma kĭmi kwonnumpi sugkū.

Teselonia 3:4 ပူးပေါင်းရင်းမြစ်များ

Matiyu 28:20

mūtavso-konda woralekoleki omwisū mori yaū mempasewugkūm; ĭm yaū dal kĭmi dan sū dan sū, afeli ra nisah.

Netiyi Eni Pol Apostol Punora Oveteme Rom 15:14

Im yaū pe yaū sugkū yakum magkili ugi kĭmi, ravūgsaieme, ma kĭmi pe kĭmi oti ūvwarugi numpeleves, ūvwarugi ōvun nelekon omwisū, ĭm faneteme woresitū irami kĭmi ugi nam aremai.

Netiyi Eni Pol Apostol Punora Oveteme Rom 15:18

Popōwo ya otū atekisah worenūwi ugi siame sie sai kō pe imosū mori Kristo yemupi ugi numpūrak mori yakum numpi, nimsin tavniri isenda ōvun lō pelah sai, ugi torenūwi pe nam,

Netiyi Eni Pol Apostol Punora Oveteme Rom 2:7

punora ūmnatekisah ugi natekisah nemolsep ra numpi isenda memesorugi nilasilaswi ĭm sesie ĭm otū avtar, nomūrep ūvrūni:

I. Korint 14:37

Nagkū sī neteme umagkū iyi sī profet, kū magkū umante ūnōwan Naviat Tumpora, aremī iyi ontarū ves ugi ōvun siame ya umnetīyi ugi pugkūm, ma irora nani alam eni Novsūromon.

I. Korint 7:19

Worumpi namon nĭndevavū, ĭm woretū umpi namon nĭndewavo; kō aremī pe woralekoleki nam eni Nōbū.

II. Korint 2:3

Yaū metīyi imo pe nam, ma nagkū pol sugkū ya ampelum, ya otū ampi noiĭgumpūnū morokonda mori it aremi ma ya ampi navos ugi irora; ya um tesūwī irami kĭmi sū, ma navos enyau navos enugkimi omwisū.

II. Korint 2:9

Popōwo pe ugi imo yaū metīyi, ma ya agkili numpūvsok ugi kĭmi, memagkū kĭmi umalekoleki ra siame sū kū.

II. Korint 8:22

Im ya umtamūli avūgsī worūrora, mori yaū morun okili tarū isen ra siame sikat, ĭm marima tarū isen ugi kĭmi oti tamas mōmū popōwo ugi tavniri eni irami.

Kalesia 5:10

Yakum mintesūwo irami ra Novsūromon, memagkū kūtū ampi si momu tarū ūnōwami kĭmi: kō iyi sī kū sī mori onumpi nēyōĭmpeli ra tairū enugkimi ampī nūrian iran iyi.

Filipi 1:6

ĭm ya um tavniri ugi tavniri ĭtnesog ugi imo pe siame, memagkū, iyi mori yematipotni numpūrah aremī irami ĭtnesog iyi onumpi ĭndowi afeli dan eni Iesū Krĭstō:

Filipi 2:12

Popōwo pe ravūgsĭeme paū enyaū, sugkū mori kūmalekoleki ĭndowi mori, tawi wokon pol sugkū yaū dal kĭmi, kō marima mōmūgo pol sugkū yakum mante isūt, ūsorugi siame nēyōwara nisekomi ugi nemtitugi ĭm nevekūrakūra;

I. Teselonia 4:10

ĭm itnesog kĭmi kumumpi sugkū nisekonda ravetsīeme omwisū ūmante Masedonia omwisū. Kō yakum manūwi pugkūm, ravūgsīeme, ma kĭmi kwonumpi mōmūgo tamas;

Teselonia 3:12

Kō yakum manūwi punora mori ūmnumpi sugkū, memeyevora ra Iesū Krĭstō Novsūromon, ma irora wanteteven menumpūrak, meneni nevag enirora.

Teselonia 3:6

Im, ravūgsīēme, yakum manūwi ugi nam horog pugkūm, ra nin eni Iesū Krĭstō Novsūromon enugkos, ma kwante isūt kĭmi marokonda raveteme mori ĭt ōr ĭm nagkū numpūrak enirora, ĭm tawi sugkū nam alam mori dūmūvī marokoyaū.

Filimon 1:21

Ya umentavniri ma kĭk konalekoleki nam enyaū, ĭt ya umagkili kĭk konumpi mūmūgo ra imo mori ya umanuwi.