Netiyi Eni Pol Apostol Punora Oveteme Rom 8:34 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

³⁴ It iyi Nōbū yemokū kos tanepo; mē iyi mori anūwi memagkū noworepatevi (irant)? Iyi Iesū Krĭstō yimas, kō mōmū, dūmūtori sah marugi nemas, mori umante ra nokoven mevis eni Nōbū, miyi umnesenigi sugkū nisekont.

Netiyi Eni Pol Apostol Punora Oveteme Rom 8:34 ပူးပေါင်းရင်းမြစ်များ

Matiyu 20:28

sugkū Netni eni neteme, iyi yivelum metūmokū ōveteme wontorugat iran, kō yemokū iyi ontorugat iranda, mampugi nomūrep eni nĭpmi nevasĭgi nĭsekonda ōveteme sikat.

Mark 16:19

Miyi Narisah pol sugkū yemenūwi aveni punora yeti nevĭsah ūnpokūp, mō metesep ra nokoven meves eni Iehōva.

Yoane 14:19

Nempugon virok ĭm nemap otūōmagkesi yaū; kō, kimi kūmagkos yaū; popōwo ya umnomūrep kĭmi sugkū kwamūrep.

Yoane 16:23

Ra nempugon mori kĭmi kūtu-ontagkoloyaū sī. Itnesog, ĭtnesog ya umanūwi pugkūm, memagkū, sīsesī kĭmi kwonesenĭgi Itemen magkū ra nin enyaū, iyi ampugkūm.

Ovun Apostol 2:24

Mori Nōbū yoĭmtori sah memsūli worĭt ugi nemas iran; popowo tawi faneteme worurūleki iyi.

Netiyi Eni Pol Apostol Punora Oveteme Rom 14:13

Aremai kos keletū ūrian irant ūnōwant mōmū indowi: kō mōmū aremai kos kelen tarū memagkū, ma tawi sai neteme antipe woretakeli ra selat eni avin sai isen,

Netiyi Eni Pol Apostol Punora Oveteme Rom 14:9

Popōwo ugi imo pe Kristo, yimas, mōmōmūrep, ma iyi ante Narisah enirora ōvun nemas mōvun nomūrep sugkū.

Netiyi Eni Pol Apostol Punora Oveteme Rom 4:25

iyi mori dūmū tinimpe sokomulep tīwi ugi sat sū enugkos, ĭm dūmūtori marugi nemas ma kos kel et tanepoyes ugi.

Netiyi Eni Pol Apostol Punora Oveteme Rom 8:1

Popōwo pe sugkū tawi sī murian iranda umante ūndū Iesū Krĭsto.

Netiyi Eni Pol Apostol Punora Oveteme Rom 8:27

ĭm iyi mori umnesorugi tarū ūnowanda oveteme umagkili nakiugi isen Naviat Aremī, popōwo iyi umnesenigi nisekonda ōveteme aremī sugkū nam alam eni Nōbū.

Kolose 3:1

Im nagkū kūmūvsorasah dal Kristo, ūsorugi siame ūnpokūp, ĭya Kristo umante, umantesep ra nokoven meves eni Nōbū.

Hibru 1:3

mori yemeti nilasilaswi nūsian aremi isen, ĭm safi sīteven ĭtnesog ra iyi, ĭm yemefĭnte siame omwisū ugi nam horog isen, pol sugkū yemsendumsi irant marugi sat ugi nemas isen, yemetesep ra nokoven meves eni Nōbū ūnēī;

Hibru 7:25

papōwo pe sugkū iyi faneteme worumkorēyōwaraves irora mori ūnampelum pugi Nōbū ugi ra iyi, popōwo iyi umamūrep ĭndowi woresenigi nisekonda.

Hibru 9:24

Im Krĭstō yetūtorĭmpe ra mumpon nūrū tumpora dumumpi ugi nokoven neteme, sugkū ugi mori ĭtnesog, woresūratumpene yemtorĭmpe ūnprokop ĭtnesog, woretūratumpene ūnipmi Nōbū nisekont;

I. Piter 3:18

Popōwo ĭt iyi Krĭstō yempī nesorū nempugon sīteven wokon tīwi sat sū, neteme tanepo nisekonda ōvun narekisat, memagkū iyi ontorokos pugi Nōbū; dūmūtalugi nokolisiran, kō yōmomūrep ra naviat;

I. Piter 3:22

miyi yive ūnpokop memante ra nokoven mevis eni Nōbū; ĭm ōvun nagelo ĭm ōvun tantevakepe mōvun horog umante ra mumpon nokoven isen.

Reveleson 1:18

yaū neteme mampūm, ĭm yaū neteme ra nisah, ĭm iyi mori Amūrep; ĭm yaū meti nemas, ĭm yaum amūrep ūvūm nevi sū indowi, ĭm umante tovūn yaū ki ra nemas ĭm ra Hēdes.