Netiyi Eni Pol Apostol Punora Oveteme Rom 8:28 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁸ Im kos kim lagkili ma siame umnumpi aremī ugi nisekonda mori ūmnelĭntugi Nōbū, nesekonda pe dūmūvronkonda sugkū nesepentarū eni.

Netiyi Eni Pol Apostol Punora Oveteme Rom 8:28 ပူးပေါင်းရင်းမြစ်များ

Mark 12:30

Im kĭk onelintugi Iehōva Nōbū enugkĭk ugi nōwam omwisū, im naviat enugkĭk omwisū, mugi nelekon enugkĭk omwisū, mugi faneteme enugkĭk omwisū:

Ovun Apostol 13:48

Mōveteme nĭlevōkevat mori dūmūrigi imo dūroavos ūwi mōmūvietevisep nani eni Novsūromon; Mirora mori Nōbū yepmenūwi mokū wampi nomūrep ūvrūni dūmutavnirĭgi.

Netiyi Eni Pol Apostol Punora Oveteme Rom 11:29

Popōwo Nōbū otū mentarū tarū ugi ōvun itemas paū isen ĭm ōvun novrugi iranda ōveteme.

Netiyi Eni Pol Apostol Punora Oveteme Rom 8:30

ĭm irora mori yemĭmtamūlora, yemovrokonda sugkū: ĭm irora mori yemovrokonda, yemenūwi tanepo isenda: mirora yemenūwi tanepoves, yemovun ora sugkū nūrū ves nilasewi.

Netiyi Eni Pol Apostol Punora Oveteme Rom 9:11

popōwo pol sugkū ovunyan dūtū umprokomol lap, ĭm tawi dūtū umpi sī sie sī aremī ku ūr, ma tarū eni Nōbū ante ūnam ugi tampoli isen,

I. Korint 1:2

Nōbū ĭm Sosetens avĭt sī, pun ora nilpon sī lō tumpora eni Nōbū ra Korint, iroromo ōveteme aremī ra Iesū Krĭstō, dūmūtampolora ōvun tanepo, dal irora sū ra nūrū sū mori umprugi nin eni Iesū Krĭstō Novsūromon enugkos, Novsūromon enirora menugkos:

I. Korint 1:24

kō pun ora dūmovrokonda, pun ora lō Yūdia ĭm lō Krik, Krĭsto horog eni Nōbū, ĭm nelekon Nōbū.

I. Korint 1:9

It iyi Nōbū ĭtnesog, ugi iyi dūmovrugkūm worete dal Netni isen, Iesū Krĭsto Novsūromon enugkos.

I. Korint 2:9

kō sugkū yetin netīyi, Siame dūtokesi ugi nĭmĭnda, ĭm telegunda dūtūrīgi, Im yetūtorĭmpe ūnōwan neteme, Ovun siame sū Nōbū yemsiman nisekonda mori umnelintugi iyi.

II. Korint 5:1

Kos kim lagkili ma nagku wontalepasi nimo noko lisirant, umante nisekont nimo marugi Nōbū, nimo ūtūni numpi ugi nokovenda ōveteme, ūnam indowi, unpokop.

Kalesia 1:15

Kō pol sugkū yeti aremī iran Nōbū, mori yemtampoli yaū, marugi nempugon nomprokomol enyaū,

Kalesia 1:6

Ya um navlugi popōwo kĭmi kūmūwi itnum iyi mori yemovrugkūm ugi ĭtemas paū eni Krĭstō ra nam navosavos sī;

Kalesia 5:8

Imo siame tavsogi yetūmne marugi iyi yemtorugkūm.

Efesus 3:11

yepmenūwi ĭtnempris ra Iesū Krĭstō Novsūromon enugkos:

Efesus 4:1

Ya umnesenugkūm, yaū mori neteme isen Novsūromon dūmūti yaū, memagkū ūtĭndowi aremī kĭmi sugkū dūmūvrugkūm ugi,

Filipi 3:14

yakum mandekĭepe ugi tiame unĭmtūg, yakum nelesi ugi nūrū yūi nōorōora ves umamprokoyaū ugi Nōbū ra Iesū Kristo mori yemne ūnpokop.

I. Teselonia 5:9

Popōwo Nōbū yemtipe kos nĭmsĭn naraki irant, kō worevi neowara ugi Iesū Krĭstō Novsuromon enugkos,

II. Timote 1:9

iyi mori yemumkosēyōwara, memovrugkos ra novrugi aremī, yetū umpi popōwo ugi numpūrak enugkos, kō sugkū ugi tarū isen ĭm itemas paū eni, mori yemevugkos ra Iesū Krĭstō ra nempugon mori etūwĭ tawi nemap,

II. Timote 2:19

Kō umantendowi ūnam natipotnin Nōbū yemetipe, umetiyi ugi memagkū, Novsūromon umagkilora ōveteme isen: ĭm, Irorasū omwisū mori ūmanuwī nin eni Novsūromon aremī waūwi numpūrak satindi enirora.

Hibru 9:15

Im popōwo ne sugkū it iyi neteme woretipe nimparata ugi nam alam ītevaū, ĭt iyi yimas woreti sakrefis woresīpelah sat mori dumumpi ra nimpugon mori yemete nam alam mampum, mamegkū irora mori dūmovrokonda wampi ūvūm nevisū sie sie mori dūpmūnūwi ugi.

Yakobo 1:12

Nevieves neteme mori umnatekisah polsugkū ampelum tapmi iran: popōwo nagku iyi umentantevakepe ran tapmi iran, iyi ampi kraūan ra nomurep, mori Novsūromon yemeuūwi memagkū, iyi ampun ora mori umnelintugi iyi.

Yakobo 2:5

Urigi, ravūgsīeme paū; kĭmi kūmagkili ma Nōbū yemtampolora mori ovunnorumkor ra siame ra nemap woreti ōvun nōēte ra tavniri, ĭm woreti ōvun tampenum ra lō mori yepmenūwi ugi nisekonda mori ūmnelintugi iyi.

I. Piter 2:9

Kō kĭmi ōveteme lō dūmūtampolekūm, ōvun tavsogi horogesah, lō tumpora, ĭm netevokontū nisekon Nōbū, ma kĭmi kwosesi aremi wokon isen iyi mori yemtorokūm marugi nelevokevat ra nūsian nilara, navlugi isen;

I. Piter 3:9

ĭm ūtū wumpi nampon ra sat, mūtū tavūntan ra tavuntan; kō pe ūnūwi pe nevieves; popōwo dūmūtampolekūm ugi imo, ma kwampi tampenum nevieves enugkimi.

I. Piter 5:10

Im Nōbū ĭtemas paū omwisū mori yemtorokūm ra nilasilaswi unam indowi ra Krĭstō, kō mampūm kwandigi lap nesorū nempugon virok, iyi pe iyi amkūmēyōekūm, menumpi kĭmi horog ĭm ūnam ra tavniri.

I. Yoane. 4:10

Im ime, pe nelintugi itnesog, tawi ma kos ĭm nelintugi Nōbū, kō ma iyi yemelĭntugkos, memtamūli Netni paū eni tampenum taiwi sat sū enugkos.

I. Yoane. 4:19

Kos kemnelintugi, popōwo iyi yemlintugkos mampūm.

Reveleson 3:19

Irora sū mori ya um nelintokonda, ya um mesūli pun ora mūyavora: atekisah tamas kĭk, memenūatokili satindi enugkĭk ĭm paieves nowan.