Netiyi Eni Pol Apostol Punora Oveteme Rom 4:17 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁷ mori ĭtemen enugkos omwisū (sugkū dūmūtĭyi, Ya kumpi kĭk ĭtemenda ōvun lō sikat) ūnĭpmi eni mori yetūnūwi iran, iyi Nōbū, mori umnumpi nomurep ōvun nemas, mō menūwi nam ugi siame umanteumpeni sugkū nagkū dūrnūvī ateumpeni.

Netiyi Eni Pol Apostol Punora Oveteme Rom 4:17 ပူးပေါင်းရင်းမြစ်များ

Matiyu 3:9

mūtūsepen enūwi pugkūm tuagkū, Ebraham ĭtemen enugkos; ĭt ya umanūwi pugkūm memagkū, Nōbū faneteme wore-vitūohsah ōvuu netnime iran Ebraham marugi imo nevat sū.

Yoane 5:21

It iyi Itemen umentororasah ōvun nemás memafēokondugi nomūrep; Iyi Netni sugkū umampugi sī kū sī nomūrep mori Iyi umagkū ugi.

Yoane 5:25

Itnesog, ĭtnesog, ya umanuwi pugkum, memagkū, nempugon umampelum, otanepugon marima, pol sugkū ōvun nemás wandigi navian eni Netni eni Nōbū, mirora mori umandigi wamūrep.

Yoane 6:63

Iyi Naviat umampugi nomūrep; fan, pe fan wokon Nam mori ya umanūwi pugkūm, naviat ĭm nomūrep.

Ovun Apostol 15:18

Novsūromon mori onumpi imo sū yemenūwi sugkū. Nōbū umagkili ovnumpūrak sū eni omwisū marugi ra nobūm.

Netiyi Eni Pol Apostol Punora Oveteme Rom 3:29

It iyi Nōbū, Nōbū isenda oveteme Yudia wokon kū? kū Nōbū isenda ōvūn lō ĭtepelah sugkū? Aremi, Nōbū isenda lō pelah sugkū:

Netiyi Eni Pol Apostol Punora Oveteme Rom 4:18

Iyi mori yematekisah mimtavnirĭgi isūtitūgo ugi nakiugi isen, ma iyi ante ĭtemenda ōvun lō sikat, sugkū dūmūtīyi ugi memokū, Ante sugkū novsen sorum.

Netiyi Eni Pol Apostol Punora Oveteme Rom 4:2

Pot nagkū Ebraham yeti tanepo ugi nalekoleki nam alam, umante tovuni narigi eni ugi; kō tawi ūnipmi eni Nōbū.

Netiyi Eni Pol Apostol Punora Oveteme Rom 8:11

Ko nagkū umantindowi iram Naviat eni iyi mori yemtori Iesū marugi nemas, iyi mori yemtori Iesū Krĭstō marugi nemas, onumpi nokolisirami netromoro nomūrep sugkū ugi Naviat mori umantĭndowi ūnisog kĭmi.

Netiyi Eni Pol Apostol Punora Oveteme Rom 9:11

popōwo pol sugkū ovunyan dūtū umprokomol lap, ĭm tawi dūtū umpi sī sie sī aremī ku ūr, ma tarū eni Nōbū ante ūnam ugi tampoli isen,

Netiyi Eni Pol Apostol Punora Oveteme Rom 9:26

Im anti sugkū, ma ra nūrū mori dūmūnūwi pun ora. Kĭmi tawi oveteme enyaū, Yūi wonatovninda ōvun netni ĭtnateman, isen Nōbū nomūrep.

I. Korint 1:28

ĭm Nōbū yemtampoli ōvun netromoro ra nemap, ma iyi onumpi narumprum iranda ōvun torugat; yemtampol ora ōvun nurumkora ra nemap, ĭm irora mori umagesi sat iranda, Nōbū yemtampol ora, ĭm ĭtnesog siame mori nĭndewavū, ma iyi onumpi nĭndewavū siame horogsah;

I. Korint 15:45

Yetin netiyi sugkū memokū, Adam mampum yemotepū neteme naviat nomūrep. Adam ra nisah yeti miyi yemtalokugi naviat-nomurep punora ōveteme.

I. Timote 6:13

Yakum manu wavsugkik ūnipmi eni Nōbū, mori umamūrep siame sū ugi iyi, ĭm Iesū Krĭstō mori yemumpūvsok numpūvsok aremī ūnipmi Pontius Pīlet;

Hibru 11:12

ĭm popōwo pe sugkū dūmne marugi neteme sīteven, miyi yeti sugkū neteme mas ōveteme sikat, tamas wokon sugkū ōvun mosi ra pokop, ĭm sugkū narevin ran telugon tok, nugkugko wosepi.

Hibru 11:3

Ugi tavniri kos kemlagkili, memagkū, ōvun nemap omwisū yemetepū ugi nam eni Nōbū, ĭm popōwo pe siame umagesi dūtū umpi irora marokonda siame umantepū ūnimint.

Hibru 11:7

Ugi tavniri Noa, mori Nōbū yemeviwos pugi ugi siame dūtokesi lap, yemorigi ugi tavnirives ĭm nemitugives ūnōwan, memumpi lō woresempempari iranda ōveteme eniwe mugi imo netūvarū isen yemtavsokonda memūrian iranda ōveteme ra nemap, momevi nisekon imo narigi aremī memagkū, ĭt tanepo netevarū enirora ōveteme ugi tavnirigi enirora.

I. Piter 2:10

ĭt kĭmi etūwī tawi ōveteme isen, kō marima kĭmi ōveteme isen Nōbū: dūtū—afielintugkūm, kō marima umnelintugkūm.

II. Piter 3:8

Kō, ravūgsīeme paū, ūtūtavrivri imo sie sīteven kĭmi, memagkū, ma dan sīteven sugkū nevisū wan taūsan ūnipmi eni Novsūromon ĭm nevisū wan taūsan sugkū dan siteven.