Netiyi Eni Pol Apostol Punora Oveteme Rom 12:12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹² ūratevetūwi ugi navosavos; ūte ugi nemolsep ra nesorū norĭgumpūnū; wofwaki ĭndowi;

Netiyi Eni Pol Apostol Punora Oveteme Rom 12:12 ပူးပေါင်းရင်းမြစ်များ

Matiyu 5:12

Wavos mūvokotekat, ĭt nĭpmi enugkĭmi ūnpokūp tamas; ĭt irora dūpmampīĭndi ōvun profet sugkū, mori dūm-mūbūm irami.

Nam Navosavos Eni Luk 10:20

Kō, ūtūavos ugi imo, popōwo ōvun naviatindi ra mumpon kĭmi; wavosavos popōwo yemetīyi nin soremi ūnpokōp.

Nam Navosavos Eni Luk 8:15

Im imo ra nemap aremi; irora mori gi nōwanda ĭtne, sog ĭm aremi, dūmūrĭgi nam, mūmnafĭnte, mōmampūo, mūmnatekisah.

Ovun Apostol 1:14

Irora sū ugi tarū siteven dūmatikisah ugi nufwaki mesenigi movasiven dal sugkū, ĭm Mēri dineme isen Iesu, ĭm dal ravensieme isen.

Ovun Apostol 12:5

Piter ūnisog nimo nugkugko; kō semsimak dūmūsenigi Nōbū mūmatekisah popōwo ugi iyi.

Ovun Apostol 2:42

Mirora dūmatikesah ugi nam tavsogi isenda ōvun apostol mūmūtavsemokonda ugi norusevi yōūp mugi nufwaki.

Ovun Apostol 6:4

Im ka kelenatekisah ugi nufwaki ĭm len torenūwi sah nam.

Netiyi Eni Pol Apostol Punora Oveteme Rom 15:13

Im Nōbū ugi ratevetūwi umpi ūvūwarugi nōwami ugi navosavos ĭm ninparata ra tavnirigi, ma kwon nenum ugi ratevetūwi, ra horog eni Naviat Tumpora.

Netiyi Eni Pol Apostol Punora Oveteme Rom 15:4

Popōwo tiame sū dūmūtaiyi ĭtetūwai dūmūtaiyi nimsin woretavsogkos, ma nagkū ugi nemolsep ra nakaiugi ĭm nelugelugives ugi ōvun netaiyi tumpora, kos kwampai ratevet ūwi ūnōwant.

Netiyi Eni Pol Apostol Punora Oveteme Rom 2:7

punora ūmnatekisah ugi natekisah nemolsep ra numpi isenda memesorugi nilasilaswi ĭm sesie ĭm otū avtar, nomūrep ūvrūni:

Netiyi Eni Pol Apostol Punora Oveteme Rom 8:25

Kō nagkū kos kilentevetūwi nimsin ima mori kos kĭmletokesi, kos kĭm lentevetūwi ugi, nemolsep.

I. Korint 13:13

Kō marima umante tavniri, umĭntevetūwi, nelĭntugi, irora desel; kō nelintugi siteven umentantevakepe iranda.

II. Korint 12:8

Yaū mesenigi Novsūromon nempugon desel ma imo norĭgumpūnū owi yaū.

Filipi 3:1

Im imo aveni, ravūgsīeme, wavos kĭmi ra Novsūromon. Ya otūm nimrū woretīyi imo nam sīteven pugkūm, ĭm imo siame aremī nisekomi. Ufinte kĭmi marugi ōvun kūri, ūfinte kĭmi marokonda umnumpi numpūrah sat,

Filipi 4:4

Wavos ra Novsūromon indowi kĭmi: ĭm ya moĭmanūwi memagkū, Wavos kĭmi.

Kolose 1:11

woreti torugat omwisū, sugkū ugi horog narĭgi isen, memagkū kunumpi nemolsep ĭm nelintugi ugi navos; mumpalug pugi Itemen,

Kolose 1:27

punora pe Nōbū yemokū iyi anūwi sie nūsian aremī nilasilaswi ugi imo nam yemetiumpeni punora lō pelah sī mori oti Krĭstō ūnisog kĭmi, ratevetūwi nilasilasewi:

Kolose 4:12

Epafaras, neteme enugkimi, livsaū eni Iesū Kristo, emagkū kĭmi paū, ĭt iyi umnatekisah ĭndowi nisekomi ugi nufwaki isen, ma kimi kwante tanepoves ĭm ūnam ĭndowi aremī ra nakiugi omwisū eni Nōbū.

Kolose 4:2

Ute horog ūnam ra nufwaki, mūfinteves mumpalug ugi;

I. Teselonia 1:3

metūmawi worenteme numpurak tavniri enugkĭmi ĭm torugat nelintugi ĭm nemolsep ratevetūi ra Iesū Krĭsto Novsūromon, ūnĭpmi Nōbū Itement;

I. Teselonia 5:8

Kō aremī kos mori ōvun nilara, kos kelefĭnte ōvun numpi enugkos, mūvīugi nemendogont woresenĭgi ugi tavniri ĭm nelintugi; ĭm nimsin helmet, mori ratevetūwi nēyōwara ugi.

Teselonia 1:4

ĭm popōwo yakum manuwi kĭmi ugi navos punora nilpon sī lō eni Nōbū popōwo ugi ratevetūwi ĭm tavniri enugkimi ra ōvun nugkugko ĭm ōvun norĭgumpūnū kĭmi kūmūvī;

Teselonia 3:5

Im aremī Novsūromon onesitū irami, ma kwonelĭntugi Nōbū ūnōwami, mōmūte ugi nemolsep ūnōwami eni Krĭstō.

I. Timote 6:11

Kō kĭk, Ah neteme eni Nōbū, alō marugi imo sū ōvun siame; ĭm ūri tanepoves, sesieves iran Nōbū,

II. Timote 3:10

Kō kĭmūri aremī tavsogi enyaū, ĭm numpūrak enyau ĭm tarū,

Tītus 2:13

nōĭmtevetūwi nevīēves mori ĭm netūratumpene ra nilasilasiwi eni Nōbū nūsian aremī ĭm Iesū Krĭstō Nēyōwara enugkos;

Tītus 3:7

ma, popōwo yemumpi kos tanepo ugi ĭtemas-paū isen, kos kel ete ovunyan isen ĭm lentevetūwi nomurep ūvrūni.

Hibru 10:32

Kō wenteme kĭmi nempugon mori, polekū penūri kūmūvīsū nam nile kūmivi norĭgumpūnū ugi nesesau tamas;

Hibru 10:36

It aremī nisekomi woreti ugi nemolsep, ma, polsugkū kwonekompeli sū sugkū tarū eni Nōbū kĭmi kwampi imo mori aremī dūpmūnūwi ugi.

Hibru 12:1

Im popōwo umafeafe irant ōvun numpūvsok netevokontū tamas ūmtopotneme irant, aremi kos kelen tafugi marugkos ōvun nokelar omwisū umesompatamtugkos,

Hibru 3:6

kō Kristo sugkū netni isen, ĭm horog ra nimo eni; ĭm kos nimo isen, nagkū kos kel ante ūnam ra nam horog aremī, ĭm lesūlives nam mori mafeli ra nisah siame mori kos kĭm lentevetūwi ugi.

Hibru 5:7

It iyi pol sugkū yemete ra nemap, yemefwaki ĭm mesenigi ugi nageri tamas ĭm nesorūves pugi iyi mori faneteme woresemsempari ira marugi nemas, ĭm yemūrĭgi iyi popōwo ugi sesie aremī isen, ĭt iyi Netni,

Hibru 6:12

ūtūte netromora kĭmi, kō uri nampūn noanda mori umampi siame dūpmūnūwi ugi, popōwo wugi tavniri ĭm nemolsep enirora.

Hibru 6:15

Im sugkū, popōwo yemete ugi nemolsep ūnōwan, yemlōpisū sie mori yetin nenūwi ugi.

Yakobo 5:7

Im popōwo pe sugkū, ravūgsĭēme, ūte ugi nemolsep kĭmi mafeli nivelum eni Novsūromon. Ukisi netovarū eni neteme nasemūk, ĭm iyi umentevetūwiugi nōvwan aremī ra nemap, ĭm umante ugi nemolsep ugi pe, mafeli ampi ran nebib mroi it mampum ĭm sī ra nisah.

I. Piter 4:13

popōwo kĭmi kūm mavremūgi ōvun nesorū eni Krĭstō, ma sugkū ra nempugon antūratumpeni nilasilaswi isen kĭmi kwampi sugkū navosavos nūsian tamas.

I. Piter 4:7

Kō umumbotibot aveni siame sū marima; Im popōwo pe sugkū ūtarū ves ūnōwami, wumpi netevani aremī mūmūfwaki:

II. Piter 1:6

ĭm ra nelekon enugkĭmi ugi netevani aremī; ĭm ra netevarū aremī ugi nemolsep; ĭm ra nemolsep enugkĭmi ugi sesie iran Nōbū;

Reveleson 13:10

Im nagkū sai ĭm iyi nimsin norūleki, aremai iyi ampe sugkū ugi norūleki iran: Im nagkū sai ontalugi ugi naūitūgo, aremai wontalugi iyi sugkū ugi naūitūga. Imo oti nivnak ĭm tavniri isenda ōvun tanepo.