Netiyi Eni Pol Apostol Punora Oveteme Rom 1:16 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁶ It voatūm narumprum ugi nam navos-avos ĭt iyi horog eni Nōbū worumkorēyōwara omwisū umentavnirigi; nisekonda lō Yūda, ĭm nisekonda, lō Krik sugkū.

Netiyi Eni Pol Apostol Punora Oveteme Rom 1:16 ပူးပေါင်းရင်းမြစ်များ

Mark 8:38

Popōwo pe, iyi sī mori onarumprum ugi yaū, ĭm nam enyaū ūnĭpmi imo palsi satindi im tampalaū; Netni eni neteme onarumprum ugi iyi, pol sugkū iyi ampelum ra nilasilaswi eni Itemen dal ōvun nagelō tumpora.

Nam Navosavos Eni Luk 9:26

It iyi sī onarumprum ugi yau, im nam sorug, Netni isen neteme onarumprum ugi iyi pol sugku iyi onampelum ra nilasilaswi isen, im isen itemen misenda ovun agelo tumpora.

Yoane 7:35

Mōveteme Isrēel dūmūsepen tagkelora, mūmōkū, Iyi mori ampēa ma kos keletūagesi? Iyi ampe punora umnaseviokonda ra nūrūsū enirora ōveteme Krik, montavsokonda oveteme Krik, kū? Tie imo Iyi onūwi mokū ugi,

Ovun Apostol 3:26

Nōbū yemtorisah Iesu Netni isen memtamūli iyi pugkūm mampūm, miyi yipmandūn nevīeves kĭmi polekū iyi yemandūntorokūm omwisū marugi sat sū soremi.

Netiyi Eni Pol Apostol Punora Oveteme Rom 10:17

Popōwo tavniri umampelum ugi norĭgi, ĭm norĭgi ra nam eni Kristo.

Netiyi Eni Pol Apostol Punora Oveteme Rom 15:19

ĭm numpūrak, ugi horog ra ōvun safi ĭm navlugi, ra horog eni Naviat Tumpora; ma sugkū marugi Yerūsalem, ĭm magkaū ugi Illerikum, yoim torenūwi sū nam navosavos eni Krĭstō;

Netiyi Eni Pol Apostol Punora Oveteme Rom 15:29

Im yakum magkili polsugkū ya ampelum pugkum, ya ampelum ra horog ra nevaieves eni Kristo.

Netiyi Eni Pol Apostol Punora Oveteme Rom 2:9

umante nisekonda naraki, norigumpūnū, nesorūves, iranda ūnōwanda ōveteme omwisū ūmnumpi satindi, ra irora lō Yūdia ĭm lō Kris sugkū;

Netiyi Eni Pol Apostol Punora Oveteme Rom 4:11

worumpi ūnam tanepoves ugi tavniri isen ra nimpugon yetū vī surkumsisen: ma iyi ante itemenda omwisū dūtū vī surkumsisen, kō dūmū tavnirĭgi;

I. Korint 15:2

yaū, ya magkū ugi pe nam nokowo mori yaū menūwi ugi pugkūm imo nam, nagkū kwoneravsivsi kĭmi, kū entawi kūmū tavniri wokon.

I. Korint 2:2

Popōwo ya onūwi unōwag ugi naviat sorūg omwisū ma ya otūm nakiugi worekili sī entie sī dal kĭmi, Iesū Krĭsto wokon, ĭm nemas isen ra neumparum.

I. Korint 2:4

Im ōvun nam enyaū, ĭm torenūwi enyaū tawi irora ugi ōvun nam nesūlives ugi nelekon, kō ugi pe nenūatumpene eni Naviat,

I. Korint 9:12

Nagkū ūmante isenda nugkon ūmnari irami ugi ime kam mōmūgo kū? Kō ka kūtū atekisah ugi imo siame enugkam ugi tanepo; kō ka kim letūnūwi nam iran sī kam, ma sugkū ka kel etū sompat nam navosavos eni Krĭsto.

I. Korint 9:18

Magkū, imo pe nokowo polekū ya ontorenūwi nam navosavos ya otū ampi nĭmpi ugi, ma sugkū ya otū ampi ugi omwisū enyaū ugi ĭtnesog ra nam navosavos.

II. Korint 2:12

Pol ya ovelum ra Troas ugi nam navosavos eni Krĭstō, ĭm yemsūli selat nsekūg Novsuromon,

II. Korint 4:4

iranda mori nōbū ra imo nemap yemseni tarū sū isenda ōvun netū tavniri, ma nilara nam navosavos nilasilaswi eni Kristo, iyi mori safi eni Nōbū, otū oselī iranda.

II. Korint 9:13

popōwo ugi numpūvsok irami ugi imo numpūrakeves enugkĭmi irora ūmnumpi nilasilaswi iran Nōbū popōwo ugi sendiokives tavnirigi ugi navosavos eni Krĭsto, ĭm popōwo ugi itemas paū horog enugkimi punora, ĭm punora ōveteme omwisū;

Kalesia 1:7

kō ĭtnesog imo tawi nam navosavos pe sī: ko nugkon ōveteme ūnmakīugi woreyompelĭgi nōwami momumpi nagkaū nam navosavos eni Kristo.

I. Teselonia 2:13

Im popōwo pe sugkū ka kĭm lumpalugi pugi Nōbū ĭndowi, ma pol sugkū kĭmi kūmūvī marugkam nam nempasewugi, nam eni Nōbū, kūmūvĭ tawi sugkū nam eni neteme kō sugkū oti ugi itnesog, nam eni Nōbū, mori umnumpi horog ūnōwami mori ūmentavniri.

I. Timote 1:11

sugkū nam navosavos aremī wokon eni Nōbū nevieves, dūmūtipe irag worefinte.

II. Timote 1:12

Im popōwo po ugi imo ya okevi norigumpūnū imo sū: kō ya otum narumprum; popōwo yakum mentavnirigi iran, ĭm yakum magkilives ma iyi faneteme worefinte aremī ima mori ya otipe tovuni ugi dan mori.

II. Timote 1:16

Togesoveli eni Novsūromon iranda ran temne eni Onesiforus; popōwo yemorūn elintokoyaū ĭm pīēves yaū, miyi yetū narumprum popōwo ugi nevat nēiti irag;

II. Timote 1:8

Popōwo pe etū arumprum ugi nam numpūvsok eni Novsūromon woresūli pe, kū ugi yaū neteme isen, dūmēiti: kō evī nesorū ugi angelaū ra nam navosavos sugkū ugi horog eni Nōbū;

Hibru 4:12

It amūrep nam eni Nōbū, ĭm faneteme, ĭm mōmū nako ra naūĭtuga um nako nugkon ĭm nugkon umesē mpwap mōĭmtavlugi nōwan ĭm naviat, im nelumpwon ĭm nĭgakū ĭm faneteme worokili ōvun tarū ĭm ōvun nakĭgi ūnōwant.

I. Piter 4:16

kō nagkū sī ampi nesorū popōwo iyi neteme eni Krĭstō, aremī iyi otū onarumprum ugi; kō aremī iyi onumpalugi iran Nōbū tamas ugi pe.