Reveleson 8:8 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁸ Im yemneli nagelo dūrūgi, ĭm sugkū sai numpūō horog yemetni ugi nom ĭm dūmūtafugi ran tok: ĭm yetin de nugkon tok saiteven ra nugkon desel,

Reveleson 8:8 ပူးပေါင်းရင်းမြစ်များ

Mark 11:23

Popōwo itnesog yakum manūwi pugkūm, Ma iyi sī anūwi pugi imo numpūo, Etpe parugi, etin tafugi sep kĭk ran tok; metū tavrivri ūnōwan eni, kō ontavnirĭgi ma nam sū mori iyi omanūwi wantepū sugku; iyi ampĭ sie sĭ mori iyi amanūwi.

Reveleson 11:6

Im dūmūvunora iroromo mori woresompat pokop, memagkū, otū ampip ra ōvun dan sū mori polekū irora ūmesūli nam: ĭm irora dūmūvai horog iranda ōvun nū woretampolora sugkū de, ĭm woretai nemap ugi neliliki omwisū, ĭm dan sugkū, sugkū irora ūmna-kaiugi.

Reveleson 12:4

Im yemnesemperi ra novlaiven isen nugkon saiteven ra nugkon desel iranda ōvun mosi ūnpokop, ĭm yemtafugi irora re nemap; ĭm drakon mori yemetor ūnipmi nasiven mori yempotipot worevai nitni, ma sugkū amol sū, iyi oneni.

Reveleson 8:7

Im iyi mori mainpūm yemneli ĭm yemampip sugkū hēl ĭm nom, ĭm yetin sumpelūlye iranda ugi de, im dūmūtafugi irora ra nemap: ĭm nugkon nemap omwisū saiteven marugi nugkon desel yaaū, ĭm nugkon sai ra nugkon desel ōvun ne dūmetū, ĭm ōvun novlovsi telemte omwisū yaaū sugkū.

Reveleson 9:15

Im dūmūsul ora ōvun nagelo devat mori, mori dūmūtipe irora, nimsin ugi aūor ĭm dan ĭm itais ĭm nevi, mori dūmokū wontalokonda nugkon saiteven ra nugkon deselugi ra ōveteme.

Reveleson 9:18

Im ugi imosū ōvun nesorū nūsian desel, mori nom ĭm nugon nom ĭm brimston—ugi iraro dūmūtalokonda nugkon sai ra nugkon desel ra ōveteme omwisū, mori yemne marugi nūgonda.