Reveleson 8:3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

³ Im saimōmū nagelo yivelum ĭm yemetūr ra nakoren nefati, ĭm yivai ra nokoven sai nūrah kold; ĭm dūmūvugi ra mompon nūsian nempeneves, ma iyi ampai pe ĭm esiugi ra ōvun nesenug enirora ōvun tanepo omwisū ra nefate kold mori emante ūnipmi potnumpūtūō.

Reveleson 8:3 ပူးပေါင်းရင်းမြစ်များ

Nam Navosavos Eni Luk 1:10

Im semsimak omwisū ra ov netevokontū dūmūfwaki ilat ra nempugon netnasūsah.

Netiyi Eni Pol Apostol Punora Oveteme Rom 8:34

It iyi Nōbū yemokū kos tanepo; mē iyi mori anūwi memagkū noworepatevi (irant)? Iyi Iesū Krĭstō yimas, kō mōmū, dūmūtori sah marugi nemas, mori umante ra nokoven mevis eni Nōbū, miyi umnesenigi sugkū nisekont.

Hibru 7:25

papōwo pe sugkū iyi faneteme worumkorēyōwaraves irora mori ūnampelum pugi Nōbū ugi ra iyi, popōwo iyi umamūrep ĭndowi woresenigi nisekonda.

Hibru 9:4

yemete ra mumpon nefate kold nimsin woratni siame nempenevees, ĭm lō ark ra nam ūnam mori dūmumpalug rantan mori ugi kold, ĭm yemete ra mumpon pot vesel worevi mana, im worsentūr eni Eron mori yemsavsar ĭm ō ōvun nevat mori nitīyi nam ūnam tumpora,

Reveleson 10:1

Im yaū mokesi sai nōmū nagelo horog yemyep marugi pokop, yemevai iyi ugi nakūp; ĭm yivaiugi nunipūn ugi nūmitar, ĭm nipmi eni yeti sugkū nipminen, ĭm nowon sugktū ōvun netūrtūr nom; ĭm yivai ra nokoven sai netaiyi virok selevlevi:

Reveleson 14:18

Im sai mōmū nagelo yivelum marugi nefati, iyi mori okovai horog iran nom; miyi yemasor ugi navian horog pugi iyi mori yivai sikel naiyoh, memenūwi memokū, Vai sikel naiyoh enugkĭk, ĭm semsimugi ōvun nifir vain ra nemap; popōwo novwan isen umumkaives.

Reveleson 5:8

ĭm paiparugi nokoven mevis eni iyi mori yematesep ra potnumpūtūō. Im pol sugkū yempai netaiyi mori, ōvun nūrah nomūrep for mori ĭm ōvun elder twenti-for dūmumol ūnipmi Lam mori, ĭm dūmūvai sai harp ra nokovenda irora sū,

Reveleson 6:9

Im pol sugkū yemtaipelah woresompat sūkrimugi, yaū mokesi ra netegon nefati naviat isenda mori dūmūtalokonda popōwo ugi nam eni Nōbū, ĭm

Reveleson 7:2

Im yaū mokesi sai nōmū nagelo isah marugi nūrū mori nipminen umprokesah, ĭm pivai woresompat eni Nōbū nomūrep: ĭm yem asor ugi navian horog pun ora ōvun nagelo devat, mori dūmūvun ora worumpi ūr nemap ĭm tok, yemenūwi,

Reveleson 8:4

Im nempeneves yisah sugkū nugon nom marugi nokoven eni nagelo, ĭm ōvun resenug enirora ōvun tanepo sugkū ūnipmi eni Nōbū.

Reveleson 8:5

Im nagelo yivai ra nefate, ĭm yitafugi ra nemap: ĭm yemūri imosū yowar, ĭm ōvun navianda, ĭm torepis, ĭm nomiok.

Reveleson 9:13

Im nagelo sūkrim mesikaiugi, yemneli, ĭm yaū marigi sai navian marugi ōvun nepati ra nefate kold mori emanti ūnipmi Nōbū,