Reveleson 3:21 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²¹ Iyi mori umtantevakepe ugi natekisah ra imo nam aremai, ya ampugi iyi woretesep ūndū yaū ra potnumpūtūō enyaū, ra potnumpūtūō isen.

Reveleson 3:21 ပူးပေါင်းရင်းမြစ်များ

Matiyu 19:28

Im Iesū yōmenūwi punora mememokū, ĭtnesog, yaumanūwi pugkūm memagkū, Kĭmi mori kūmūri yaū, ra nempugon netevūraves, pol sugkū Netni eni neteme antesep ra potnumpūtūo nilasiĭaswi eni, kĭmi sugkū kwantesep ra ōvun potnumpūtūo twelv monūrian iranda ōvun savūta twelv ra Isrēel.

Matiyu 25:21

kemumpi tanepō ugi virok, ya antipe kĭk worivūo ugi sikat, elum ūnisog navos ūndū Narisah enugkĭk.

Matiyu 28:18

Im Iesū yivelum memenūwi punora memokū, Yemovo yaū horog omwisū ūnpokūp mūnemap,

Nam Navosavos Eni Luk 22:30

memagkū kĭmi kwoneni mamoneki ra nevlok sorūg, ra lō sorūg, mantesep rantan ōvun potnumpūtūo monūrian iranda ovun savūta twelv ra Isrēel.

Yoane 13:32

Nagkū umnumpi nilasilaswi iran Nōbū ugi Iyi, Nōbū onumpi nilasilaswi iran ra Iyi pe Iyi. Monokowo; marimago Iyi onumpi nilasilaswi iran.

Yoane 16:33

Ya onūwi imo pugkūm ma kĭmi kwampi ninparata ra mumpon yaū. Kĭmi kwampi nevīesesat ra nemap; kō, wavosūwi; ya oke-tantevakepesū nemap.

II. Timote 2:12

nagku kos kim livī ūr kos kel amūrep ūndū iyi: nagkū kos kĭmletūvi iyi, iyi otū ampi kos sugkū: nagkū kos ōvun tavniri nĭmpiri,

Reveleson 1:6

ĭm narisah iranda ōvun fan lō ra nemap. Pugi iyi mori yemorowugkos marugi sat sū enugkos ugi de isen; ĭm yemumpi kos woreti ōvun fan lō ĭm ōvun tavsogi tumpora pugi Nōbū ĭm Itemen isen: pugi iyi anti mante nilasilasewi ĭm narisah ūvūm nevi sū indowi indowi. Amen.

Reveleson 12:11

Kō irora dūmūtantevakepe iran popōwo ugi de eni Lam, ĭm popōwo ugi nam numpūvsok enirora; ĭm irora dūtūasiugi nomūrep enirora, kō dūmumpūvsok indowi, ĭm dūmas ugi numpūvsok enirora.

Reveleson 17:14

Im irora wonavakat iran Lam, Kō Lam ontantevakepe iranda, popōwo iyi Narsah iranda ōvun narisah, ĭm Fan lō iranda ōvun fan lō; ĭm irora mori ūmante dal iyi wontantevakepe sugkū, mori dūmūvrokonda ōvuntampoli ōvun tanepo.

Reveleson 2:7

Iyi mori ĭm telugon wororgi, aremai iyi andigi nam mori Naviat Tumpora umanūwi pun ora ōvun nielepon sai lo tumpora. Iyi mori aremai wokon, ya ampugi iyi woreni ra nē nomurep, mori umante ra Paradais eni Nōbū.

Reveleson 20:4

Im yaū mokesi ōvun potnumputūwo ĭm irora mori dūmūtesepwi iranda, ĭm dūmūtipe irora worūrian iranda ōveteme: ĭm yaū mokesi naviat enirora mori dūmūtantevi numpūnda popowo ugi numpūvsok enirora ra Iesū, ĭm popōwo ugi nam eni Nōbū, ĭm irora sugkū dūtūtevetá ra nūrah nagon mori, kū safi eni, ĭm dūtū vai safi mori ra nafininda ĭm ra nokovenda; ĭm irora dūmamūrep, ĭm dūmari dal

Reveleson 20:6

Nevaieves Im aremai iyi mori isen dal irora ra imo nevsorasah mampūm: popōwo iranda, iroro mo, nemas dūrūgi tawi faneteme worumpi sie; kō irora wante ōvun lĭvsaū tumpora eni Nōbū ĭm isen Krĭstō, ĭm irora wonari ūndū iyi nevi sū wan taūsan.

Reveleson 5:10

ĭm savetasū ĭm nūrū ĭm nam sū, ĭm ōvun lĭvsaū tumpora; ĭm irora wonari ra nemap.

Reveleson 6:2

yemenūwi ugi navian sugkū yowar, memokū, Elum. Im yaū mokesi, ĭm pah, sai hors nesebo ĭm iyi mori yematesep ran tan yivai nefani; ĭm dūmūvugi sai kraūan: ĭm yivelum ĭm tar ĭm melesor mem tantevakepe iranda.

Reveleson 7:17

popōwo Lam mori ileboteven potnumpūtūō anti shepherd enirora, ĭm iyi ontoror ra ōvun nū itakeli nomūrep: ĭm Nōbū osentevi marugi niminda ōvun nūlipmi omwisū.