Reveleson 3:11 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹¹ Ya ampelum marima; ravsivsi imo mori kovai, ma tawi ampai kraūan enugkĭk.

Reveleson 3:11 ပူးပေါင်းရင်းမြစ်များ

I. Korint 9:25

Im ōveteme omwisū mori ūmagkū ontantevakepe ra ōvun nalō ves mori umafinte aremī nokolisiranda mometū sompeli nevag mamoneki. Im irora Emnumpi imo worevi kraūan mori ametū; kō kos kem lumpi worevi kraūan otū ametū indowi.

Filipi 4:5

Aremi ōveteme omwisū wagesi nemolsep enugkimi. Novsūromon umbotipot.

II. Timote 2:5

Nagkū sai siame ra nemap; ma iyi onumpalugi iran iyi mori neteme ontapmi woretantevakepe ra nalō, ra rēs, kō otū ampi nimpewavekor nagkū iyi yetū alō tanepo sugkū nam alam ugi.

II. Timote 4:8

popōwo pe umantipe nisekūg nĭmpewavekor tnepoves, mori Novsūromon, neteme nūrian tanepo, ampoyaū ran dan mori: ĭm tawi nisekūg wokon kō nisekonda omwisū sugkū ūmnavos ugi nivelum eni.

Yakobo 1:12

Nevieves neteme mori umnatekisah polsugkū ampelum tapmi iran: popōwo nagku iyi umentantevakepe ran tapmi iran, iyi ampi kraūan ra nomurep, mori Novsūromon yemeuūwi memagkū, iyi ampun ora mori umnelintugi iyi.

Yakobo 5:9

Utūalekoi pugkūm kĭmi, ravūgsīēme, ma otū onūrian irami: urigi neteme nūrian umantūr ra nugon selat.

Reveleson 1:3

Nevaieves iyi mori umaspi, ĭm irora mori ūmandigi ōvun nam mori yepmenūwi, momefinte tiame umnetaiyi ra mumpon netaiyi mori: popōwo umpotipot nempugon mori.

Reveleson 16:15

(Pah, ya ampelum sugkū neteme numprok. Nevaieves iyi mori um navlis, ĭm afinte nemas isen, kū entawi iyi onavan wokon, ĭm irora wagesi narumprum eni.)

Reveleson 2:10

Etumtitugi tiame norigumpūnū mori wampelum iram: antipi nugkon ra kĭmi ra mumpon nimo nugkugko Tiabolo; woretapmi kĭmi; ĭm kĭmi kwandigi norigumpūnū ōvun dan omwisū ten. Eti ūnam ūnōwam ra tavniri kĭk, ĭm ya amponok krown nomūrep ūvrūni.

Reveleson 2:13

yaum magkili nete enugkĭk, mori iye umante potnumpūtūo eni Setan: kō kĭk umeravsivsi nin enyau, ĭm kĭm eti unam ra tavniri irag, ran dan mori dūmūtalugi Antipas dal kĭmi, iye mori Setan umante, kō iyi yeti neteme numpūvsok tanepo enyau.

Reveleson 2:25

Kō ūravsivsi ima mori kūmūvai sū mafeli nimpugon ya ampelum.

Reveleson 22:12

Pah, ĭtnesog, ya ampelum ĭtnum; ĭm umante nipmi enyaū nisekon neteme, worevon ora ōveteme omwisū sugkū numpurak enirora.

Reveleson 22:20

Iyi mori umentesūwai ima siame umagkū, Itne ya ampelum marima. Amen: elum, Novsūro Iesū.

Reveleson 22:7

Pah, Itnesog, ya ampelum ĭtnum marimago. Nevaieves iyi mori umafinte aremai ōvun nam ūnūatumpene ra imo netaiyi.

Reveleson 3:3

Nenteme nokowĭ kĭk kĭmpai nam nem origi; aremai ravsivi, momen uatumpeni ūnōwam. Nagkū kĭk otū woravelis, ya ampelum sugkū neteme numprok, ĭm kotū agkili nempugon mori ya ampelum iram.

Reveleson 4:10

wamol ūnipmi isen mori emantesep ra potnumpūtūō ōvun elder twenty-for mori, eni irora wontevita iran iyi mori emamūrep indowi indowi, ĭmirora wontafugi ōvun kraūan isenda ūnipmi potnumpūtūō, mōmenūwi memagkū,

Reveleson 4:4

ĭm nōmitar mori, yeti sugkū naviat emerald. Im yeti potnumpūtūō twenti-for magkūwugi potnumpūtūō mori; ĭm ōvun elder twenti-for dūmūtesep ra potnumpūtūō mori, ĭm dūmūvaiugi irora ugi ōvun nemas nesebo; ĭm yemeti ōvun kraūan kold ra numpūnda.