Reveleson 20:12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹² Im yaū mokosora ōvun nemas ōveteme horog ĭm irora ōveteme wokon, ūnipmi potnumpūtūwo; ĭm dūmūselevlevi ōvun netaiyi; ĭm dūmūselevlevi sai mōmū netaiyi, mori netaiyi ugi nomurep ūvrūni; ĭm dūmūrian iran da ōvun ne mas sugkū tiame dūmūtaiyi ra mumpon ōvun netaiyi, sugkū ugi ōvun numpūrak enirora.

Reveleson 20:12 ပူးပေါင်းရင်းမြစ်များ

Matiyu 11:22

Kō ya umanūwi pugkūm memagkū, Anti mōmū virok iran Tĭrus ĭm Sĭdon ran dan nūrian ĭm mōmū tamas irami.

Matiyu 16:27

It iyi Netni eni neteme ōmampelum ra nilasilaswi eni Itemen eni mōvun agelō eni dal; miyi ontampenĭgi iranda ōveteme omwisū ugi numpūrahsū enirora. Itnesog, ya umanūwi pugkūm memagkū,

Nam Navosavos Eni Luk 10:20

Kō, ūtūavos ugi imo, popōwo ōvun naviatindi ra mumpon kĭmi; wavosavos popōwo yemetīyi nin soremi ūnpokōp.

Ovun Apostol 24:15

Im ya kum mentametemetugi ra Nōbū, mirora ūmentevetūī sugkū, mumampelum nivsorasah marugi nemas, mōveteme tanepo, mōvun nareki sat wontūok.

Netiyi Eni Pol Apostol Punora Oveteme Rom 2:6

mampunora oveteme amwisū sugkū numpūrak enirora:

I. Korint 4:5

Popōwo pe ūtū ratevetūwi woresorugi sī isen neteme, afeli Narisah ampelum, mori anūatumpene siame umūseni ra nelebokevat, mōĭm sūli ves tarūsū ūnōwanda ōveteme, ĭm Nōbū anūwi ugi tanepo nilasilaswi en ōveteme.

II. Korint 5:10

kos kim lenakĭugi worete aremī ra Novsuromon. Popōwo ĭtnesog kos omwisū kos kel antūratumpene ra potnumpūtūo eni Krĭsto; ma wampi omwisū nurian, sī ĭm sī sugkū yemumpi ra nokolisiran, sugkū netevarū aremī kū netevarū ūr enirora.

Filipi 4:3

Im ĭtnesog yakum nesenugkĭk sugkū, kĭk nesitū irag itnesog, averora ovasiven mori, popōwo irora dūmūtorugat ra nam navosavos, ĭm Klement sugkū, ĭm irora oveteme nugkon dūmūtorugat dal yaū mori ōvun ninda ūmante ra netiyi nomūrep.

Reveleson 11:18

Im lō sū ra nemap dūmakan, ĭm narakai enugkĭk yivelum, ĭm nempugon worūrian iranda ōvun nemas, ĭm nempugon worevunora ōvun profet ōvun levsaū enugkĭk nelintugi isenda, ĭm pun ora ōvun tanepo, ĭm pun ora ūmnelintugivee nin enugkĭk ōveteme wokon, ĭm ōveteme horog; ĭm worumpi nugkugko iranda mori ūnumpi nugkugko ra nemap.

Reveleson 13:8

Im lō sū omwisū ra nemap wonteveta iran, ĭm irora sū omwisū mori dūtū taiyi sū ra netaiyi nomūrep eni Lam mori dūmūtalugi iyi ra nempugon etūai mori ĭm tawi nemap.

Reveleson 17:8

Nūrah mori kĭm mokesi yemete, ĭm tawi iyi faneteme marima; ĭm iyi ampelum mōmū marima marugi nokol numpoū impwap isūt, ĭm umampe ra niswate. Im wonavlugi irora mori ūmante ra nemap, mori irora mori dūtūtaiyi ninda ra netaiyi nomūrep marugi natipotnin nemap, pol sugkū irora wagesi nūrah mori, ma yemete, ĭm tawi iyi marima, ĭm momampelum.

Reveleson 19:5

Im sai navian yivelum marugi potnumpūtūwo, memenūwi memokū, Uvugi Nōbū enugkos numpeleves, kĭmi sū ōvun lĭvsaū isen, kĭmi mori kūmamtetugi iyi, kĭmi mori ōveteme wokon ĭm ōveteme horog.

Reveleson 2:23

Im ya ontalokonda ovunyan eni ugi nemas; ĭm ōvun nielepon sai lō omwisū wagkili magkū yaū iyi mori yaum mesorugi tarū ūnōwanda ōveteme ĭm netevarū enirora: ĭm ya onūrian irami sugkū numpurak enugkimi kĭmi.

Reveleson 20:11

Im yaū mokesi sai nūsian potnumpūtūō nesebo, ĭm iyi mori yemetesep ran tan, ĭm nemap ĭm pokop dūmalo marugi nipmi isen; ĭm yetūte sai nūrū mōmū nisekonda.

Reveleson 20:13

Im tok yemtenimpe ōvun nemas ra mumpon iran iyi; ĭm nemas ĭm Hēdes dūmūtinimpe ōvun nemas mori dūmūte ra irora: ĭm dūmūrian iranda ōveteme omwisū sugkū ugi ōvun numpūrak enirora.

Reveleson 20:15

Im irora sū mori dūtūtaiyi irora ra mumpon netaiyi nomurep ūvrūni, dūmūtafugi irora ra mumpon nūrū nimsin nom.

Reveleson 21:27

ĭm ūtū entorimpe yūi ra mumpon sie sai nililūwo, kū sai umnumpi sai entie sai umagesindi ugi pe, kū umnamlai: kō irora wokon dumūtaiyi irora ra netaiyi nomūrep ūvrūne eni Lam.

Reveleson 22:12

Pah, ĭtnesog, ya ampelum ĭtnum; ĭm umante nipmi enyaū nisekon neteme, worevon ora ōveteme omwisū sugkū numpurak enirora.

Reveleson 3:5

Iyi moru ummatēkisah wonevaiugi iyi ra nemes nesebo; ĭm ĭtnesog ya otū oiyoiki nin isen marugi netaiyi nomūrep, kō ya anūatumpen nin eni ūnipmi eni Nate enyau, im ūniminda ōvun nagelo isen.