Reveleson 2:23 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²³ Im ya ontalokonda ovunyan eni ugi nemas; ĭm ōvun nielepon sai lō omwisū wagkili magkū yaū iyi mori yaum mesorugi tarū ūnōwanda ōveteme ĭm netevarū enirora: ĭm ya onūrian irami sugkū numpurak enugkimi kĭmi.

Reveleson 2:23 ပူးပေါင်းရင်းမြစ်များ

Matiyu 16:27

It iyi Netni eni neteme ōmampelum ra nilasilaswi eni Itemen eni mōvun agelō eni dal; miyi ontampenĭgi iranda ōveteme omwisū ugi numpūrahsū enirora. Itnesog, ya umanūwi pugkūm memagkū,

Nam Navosavos Eni Luk 16:15

Miyi yemenūwi punora, memokū, Kĭmi kūmasepen numpi kimi tanepo ūnimĭnda oveteme, kō, Nōbū umagkilisū ūnōwami; ĭt imosū oveteme ūmagkū aremi wokon, nelĭlūo sat ūnĭpmi isen Nōbū.

Yoane 21:17

Iyi yōimtagkeli nempugon desel, Sīmon netni eni Yōna, kemnelintokoyaū tamas, kū? Piter yemorigi sat popōwo yemtagkeli, nempugon desel, memokū, Kemnelintoko yaū tamas, kū? miyi yōmenūwi pugi, memokū, Novsūromon, kĭk emagkili siamesū; kemagkili ya umnelintugkĭk tamas. Iesū yōmenūwi pugi memokū, Avugunora ōvun pugipugi enyaū.

Yoane 4:16

Iesū yōmenūwi pugi, memokū, Eve movrugi asūm, mōmūvelum Igko.

Ovun Apostol 1:24

Mirora dūmūfwaki memokū; Ah, Novsūromon kīk e magkili tarū isenda ōveteme omwisū, sesi pugkam itokowo ra irora dūrū, koko tampoli.

Netiyi Eni Pol Apostol Punora Oveteme Rom 14:12

Im popōwo pe sugkū kos kelanūatumpeni sat sū enugkos pugi Nōbū, kos sū,

Netiyi Eni Pol Apostol Punora Oveteme Rom 8:27

ĭm iyi mori umnesorugi tarū ūnowanda oveteme umagkili nakiugi isen Naviat Aremī, popōwo iyi umnesenigi nisekonda ōveteme aremī sugkū nam alam eni Nōbū.

II. Korint 5:10

kos kim lenakĭugi worete aremī ra Novsuromon. Popōwo ĭtnesog kos omwisū kos kel antūratumpene ra potnumpūtūo eni Krĭsto; ma wampi omwisū nurian, sī ĭm sī sugkū yemumpi ra nokolisiran, sugkū netevarū aremī kū netevarū ūr enirora.

Kalesia 6:5

Popōwo ōveteme wampi nurian enirora sī ĭm sī.

Hibru 4:13

Im nugkugko woreseni sie sī murugi iyi: umeselevlevi wokon tamas ōvun siame omwisū ūnipmi iyi mori umnesorugi numpurak enugkos.

I. Piter 1:17

Im nagkū kĭmi kūmatovnin magkū Itemen enugkimi, mori umnūrian iranda ōveteme omwisū sugkū numpūrak enirora, ūte ugi nimtitugives ran dan sū enugkimi omwisū: kumagkili dūtū umkūmēyōwara ugi siame amtimti,

Reveleson 2:11

Iyi mori ĭm telugon eni wororigi, aremai iyi andigi sie mori Naviat Tumpora umanūwi pun ora nielōpon sai lō tumpora. Iyi mori umatikesah ūnōwan indowi ra tavniri ōtū umpi sie iran nemas dūrūgi mori.

Reveleson 2:7

Iyi mori ĭm telugon wororgi, aremai iyi andigi nam mori Naviat Tumpora umanūwi pun ora ōvun nielepon sai lo tumpora. Iyi mori aremai wokon, ya ampugi iyi woreni ra nē nomurep, mori umante ra Paradais eni Nōbū.

Reveleson 20:12

Im yaū mokosora ōvun nemas ōveteme horog ĭm irora ōveteme wokon, ūnipmi potnumpūtūwo; ĭm dūmūselevlevi ōvun netaiyi; ĭm dūmūselevlevi sai mōmū netaiyi, mori netaiyi ugi nomurep ūvrūni; ĭm dūmūrian iran da ōvun ne mas sugkū tiame dūmūtaiyi ra mumpon ōvun netaiyi, sugkū ugi ōvun numpūrak enirora.

Reveleson 20:13

Im tok yemtenimpe ōvun nemas ra mumpon iran iyi; ĭm nemas ĭm Hēdes dūmūtinimpe ōvun nemas mori dūmūte ra irora: ĭm dūmūrian iranda ōveteme omwisū sugkū ugi ōvun numpūrak enirora.

Reveleson 22:12

Pah, ĭtnesog, ya ampelum ĭtnum; ĭm umante nipmi enyaū nisekon neteme, worevon ora ōveteme omwisū sugkū numpurak enirora.

Reveleson 6:8

Im yaū mokesi, ĭm pah, sai hors nemri: ĭm nin eni iyi mori yemesesep ran tan Nemas; ĭm Hēdes yemūri iyi. Im dūmūvunora horog ra nevlugkon saiteven marugi nevlugkon for ra nemap, woretalugi ugi naūitūga, ĭm ugi temas, ĭm ugi nemas, ĭm ugi ōvun nūrah nagon ra nemap.