Reveleson 18:2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

² Im iyi yemenūwi, memokū, Umol Babelon nūsian mori umol, ĭm iyi nūrū nisekonda ōvun naviatindi, ĭm nimo nugkugko nisekonda ōvun naviat nililūwo omwisū, ĭm nimo nisekonda ōvun menūōk nililūwo ĭm nokosindi.

Reveleson 18:2 ပူးပေါင်းရင်းမြစ်များ

Reveleson 1:15

ĭm nipmi isen sugkū nelūwamen nom, ĭm nowon sugkū bras dūmūsentevi aremai wokon, sugkū nagkū dūmūsentevi ugi nom nusian; ĭm navian sugkū nūsian tok intan.

Reveleson 10:3

ĭm yemasor ugi nevian sah, sugkū laion umnasor: ĭm pol sugkū yemasor ōvun yowar seven dūmasor.

Reveleson 11:8

Im ūmnale nokolisiranda ra selat ra siti nūsian, mori umnatovnin ugi nam nugkaūintan, Sodom im Ityep, yūi sugkū dūmūtalugi Novsūromon enugkos ra ne ūmparom.

Reveleson 14:15

Im sai mōmū nagelo yivelum marugi tempel, ĭm yemasor ugi navian horog pugi iyi mori yematesep ra numpwaū, memenūwi memokū, Vai sikel enugkĭk ĭm tantevi popōwo novwan ra nemap popōwo nempugon woralekon okevelum, ĭm um umkaives wokon.

Reveleson 14:8

Im sai mōmū nagelo, mori dūrūgi, yemūri, memeūwi memokū. Umol Babelon, Itnesog umol nusian nūrū mori, mori yemumpi nugkugko iranda lōsū omwisū woremoneki wain narakai ugi tampalaū isen.

Reveleson 16:13

Im yaū mokos ora naviatindi nililūwo desel, dūmūvelum marugi nūgon drakon, mĭ marugi nūgon nūrah mori, ĭm marugi nūgon profet namlai, ĭm irora sugkū wevlah:

Reveleson 16:19

Im yetevavi siti nūsian mori ra nilpon desel, ĭm dūmomol ōvun siti ra ōvun lō: ĭm Nōbū yementeme Babelon nūsian mori, ma iyi ampugi woromoneki kup wain ra narakai nūsian isen.

Reveleson 17:5

mori tiame nililūwo ra tampalaū isen ĭm ra nafinen dūmūtaiyi nin sai, memagkū, Tiame natiumpene,

Reveleson 18:10

ĭm irora wantur isūt popōwo ugi nemetet sokomulep, ĭm irora, wanūwi mu-magkū, Owe, owe, pah! Sĭti nūsian, Babelon, siti horog! Popōwo ra auor saiteven wokon narian enugkĭk okovelum iram.

Reveleson 18:21

Im sai nagelo faneteme yivai sai nevat sugkū milston tamas, ĭm yitafugi ran tok, memenūwi memokū, Sugkū sū imo wontafugisep Babelon ugi nugkugko, mori siti nūsian, ĭm ūtū agesi iyi nempugon sai mōmū indowi.

Reveleson 5:2

Im yaū mokesi sai nagelo horog yemasor ugi navian horog memenūwi, memokū, Mē fanete me woreselelevi imo netaiyi ĭm woresūli woresompat iran?