Reveleson 16:5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁵ Im yaū morigi nagelo ra ōvun nū, yemenūwi memokū, Kĭk tanepo, mori kĭk emante ĭm kĭm mante, Kĭk Tumpora wokon;

Reveleson 16:5 ပူးပေါင်းရင်းမြစ်များ

Reveleson 11:17

ĭm dūmūteveta iran Nōbū, dūmūnūwi, mūmokū, Ka kĭm umpalug iram, Ah Novsūromon Nōbū, Tantevakepe, mori umante ĭm yemete popōwo kovai horog nūsian enugkĭk, ĭm kĭm ari.

Reveleson 1:8

It yaū Alfa ĭm yaū Omeka, yaū mori Novsūromon Nōbū, mori yemeti, umanti, ĭm ampelum, mori Tantevakepe.

Reveleson 1:4

Yōane pun ora nilepon sai lō tu pora seven ra Esya. Itemas paū pugkum ĭm ninparata, marugi iyi mori umante ĭm yemeti imo ampelum; ĭm morokonda ōvun Naviat seven mori ūmanti ūnipmi

Reveleson 4:8

Im yeti sikis nivlokonda, sai ĭm sai, ōvun nūrah amūrep mori, ĭm sikat niminda ūnisog ĭm agkaūiranda: ĭm tawi sai nemindog enirora dan ĭm pūmrok, kō ūmanūwi indowi, memagkū, Novsūromon Nōbū oti tumpora, tumpora tumpora, iyi Tantevakepe, iyi mori yemete emante ĭm ampelum,

Netiyi Eni Pol Apostol Punora Oveteme Rom 2:5

kō sugkū nugkugko ĭm netū tavnirĭgi nowan kĭm tavenepon naraki nisekom ran dan naraki nagkū anūatumpene nūrian tanepo isen Nōbū;

Reveleson 16:7

Im yaū morigi sai ra nefate, yemenūwi memokū, Itnesog, Kĭk tanepo ĭm ōvun nūrian omvisū enugkĭk nogkoves indowi, Ah Novsūromon Nōbū, Tantevakepe.

Netiyi Eni Pol Apostol Punora Oveteme Rom 3:5

Im kontantevakepe nagkū irora wonesorugi netevani enugkĭk. Kō nagkū popōwo ugi netū tanepo enugkos ko kelesesi tanepo eni Nōbū, kol lanūwi sie? Nōbū tawi tanepo mori umnūrian ugi naraki kū? (Yakum manūwi sugkū neteme.)

Reveleson 19:2

popōwo Itnesog ĭm nogko netevarū isen iran neteme; popōwo iyi yemūrian nasiven tore nūsian, mori yemumpi ūr nemap ugi tampalaū isen, ĭm yemūrian tampenigi de enirora ōvun lĭvsaū eni iran iyi.

Reveleson 16:4

Im nagelo deselugi yemwosiligi bēson eni ra ōvun nintelep ĭm ra ōvun navūanda nū; ĭm yetepū de.

Yoane 17:25

Ah Nate tanepōves nemap ūtūmagkilok; kō, ya umagkilok; miroramo ūmagkili ma kĭmtamūli yaū.

Reveleson 6:10

popōwo ugi numpūvsok mori dūmumpūvsokugi: ĭm irora dūmasor ugi nasor tamas mūmūnūwi, mūmokū, Nempugon deve, Ah Narisah, tumpora tanepo, ĭm kĭk otū onūrian ĭm umpi nampon iranda ūmante ra nemap popōwo ugi de enugkam? Im dūmūvun ora irora sū sai nemas nataūsep nesebo; ĭm dūmūnūwi pun ora magkū woremindog lap virok, mafeli nugkon ōvun lorugat dal irora ĭm ravenssaieme isenda, mori wontalokonda sugkū, sugkū dūmūtalokonda wonekompeli saiteven.