Reveleson 14:1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im yaū im topotnemi, mokesi, Lam mori yemetūr ra numpūō Saion, ĭm nandū iyi ōveteme wan hunder im forte-for taūsan, dūmūtaiyi ra nafinen enirora nin eni Itemen isen.

Reveleson 14:1 ပူးပေါင်းရင်းမြစ်များ

Nam Navosavos Eni Luk 12:8

Iyi sī ontorenūwi yaū ūnimĭnda Oveteme, Netni isen neteme sugkū, ontorenūwi iyi mori ūnimĭnda ōvun agelō isen Nōbū.

Netiyi Eni Pol Apostol Punora Oveteme Rom 9:33

sugkū dūmūtĭyi memokū, Pah yakum mantine ra Sīon sī nevat ĭtakeli ĭm vetūnam okosĭndi: Im sī kū sī mori ontavnirigi iran otū onarumprum.

Reveleson 14:14

Im yaū mokesi, ĭm pah, sai numpwaū nesebo; ĭm yaū mokesi ĭm sai yemiatesep ran tan numpwaū mori ĭm iyi sugkū netni eni neteme, ĭm yemevaiugi kraūan kold ra numpūn, ĭm ra nokoven sai sikel naiyoh,

Reveleson 14:3

ĭm irora ūcesemsi sugkū nagkū narūfo itevaū ūnipmi potnumpūtūo, ĭm ūniminda ōvun nurah nomūrep devat ĭm ūniminda ōvun elder: ĭm tawi sai neteme faneteme worokili narūfo mori kō irora mori wan hunder ĭm forte-for-taūsan, mori irora pe mori dūmūsevasi irora murugi nemap.

Reveleson 15:5

Im penūri imo sū ĭm yaū mokesi, ĭm pah, nefati ra nimo tumpora ra numpūvsok ūnpokop yetin taipelah:

Reveleson 22:4

ĭm irora wagesi nipmi isen; ĭm ante nin isen ra nafininda.

Reveleson 3:12

Iyi mori umatekisah mōmentantevakepe, ya onumpi iyi woreti sai pĭlar netūrtūr ra nimo tumpora eni Nōbū enyaū, ĭm otū ampe ilat marugi nempugon sai mōmū; ĭm ya onetaiyi iran nin eni Nōbū enyaū, ĭm nin eni sĭti eni Nōbū enyaū, mori Yerūsalem ĭtevaū, mori ampelum marugi ūnpokop marugi Nōbū enyaū, ĭm ya onetaiyi iran nin ĭtevaū enyaū—nin enyaū peyaū.

Reveleson 4:1

Im penūri imo tiame, yaū mokesi, ĭm pah sai poketampet ra pokop ĭtaipelah, ĭm yaū morigi nivian, nivian ĭtonampūm, sugkū tovū, yemenūwi poyaū memokū, Sah pelum igko, ĭm ya kosesi pun ok tiame, mori antepū penūri lap.

Reveleson 6:8

Im yaū mokesi, ĭm pah, sai hors nemri: ĭm nin eni iyi mori yemesesep ran tan Nemas; ĭm Hēdes yemūri iyi. Im dūmūvunora horog ra nevlugkon saiteven marugi nevlugkon for ra nemap, woretalugi ugi naūitūga, ĭm ugi temas, ĭm ugi nemas, ĭm ugi ōvun nūrah nagon ra nemap.