Reveleson 12:9 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁹ Im dūmūtafugi ilat drakon horog mori, mori neskil italam, iyi mori ūmatovnin magkū Diabolo ĭm Setan, mori emnumpiri iranda ōveteme omwisū ra nemap; dūmūtafugi iyi ra nemap, ĭm dūmūtafugi irora ōvun nagelo isen ūndū iyi.

Reveleson 12:9 ပူးပေါင်းရင်းမြစ်များ

Matiyu 13:39

ĭm novsen sat ōvun netnime eni Sētan; ĭm novsen nakan mori yemōwi orora Sētan; ĭm nempugon wampūo dan nisah;

Matiyu 24:24

popōwo ōvun krĭstō nempiri wampelum, mōvun profet nempiri sugkū, mirora wonumpi ōvun nokosĭnpūp navlugi worempiriwokonda ōveteme, mōvuntampoli nagkū irora faneteme.

Matiyu 25:41

Miyi anūwi punora ra nokoven moor eni magkū, Uve pelah marokoyaū, kĭmi ōvun navoret, ra nom ĭndōwi, mori yepĭmsiman nĭsekon Sētan mōvun agelō eni;

Matiyu 4:1

Miyi Naviat mori yemtori Iesū ra nūrū wokon ma sugkū Diabolō ontapmi iran.

Matiyu 4:10

Iesū yomenūwi pugi memokū, Eve pelah Sētan; ĭt yepmetīyi memokū Iehōva Nōbū enugkĭk konteveta iran, miyi wokon kontorugat iran.

Matiyu 4:5

Im Diabolō yemtōri iyi ra sĭti tumpora memetipe iyi ran tan nevlokon nimo tumpora,

Matiyu 4:8

Im Diabolō yōemtōri iyi memsah ra sĭ numpūo tantevakepe memsesi pugi lōsū lōsū ĭm tiamesū nilasilaswi enirora, momenūwi pugi memokū,

Nam Navosavos Eni Luk 10:18

Miyi yemenūwi punora, memokū, Ya okesi Sētan umol sugkū turepis marugi pokōp.

Nam Navosavos Eni Luk 13:16

Im imo netni itnasiven isen Ebraham, mori Sētan yēiti nevisū etin, tawi aremi woresuli imo worīt iran ra danemindog, kū?

Nam Navosavos Eni Luk 22:3

Im Sētan yive iran Yūdas nalĭg isen Iskariot, sī ra irora Twelv,

Nam Navosavos Eni Luk 22:31

Miyi Novsūromon yemenūwi memokū, Sīmon, Sīmon, origi, Sētan osorugkĭk nisekon memagkū onugkerok sugkū whit ra sĭv;

Nam Navosavos Eni Luk 8:12

penūri, Diabolo umampelum, mumpĭpelah nam marugi nowanda, memagkū nagkū ontavnirigi wamkorēōwara.

Yoane 12:31

Nūrian ugi imo nemap marima; marima ontevelĭguni narisah ra imo nemap.

Yoane 14:30

Penuri imo ya otūanūwi nam tantop pugkūm; popōwo iyi Narisah ra imo nemap umampelum miyi otūagesi sīsesī eni ūnisog yaū.

Yoane 16:11

mugi nurian, popōwo yūrian iran Narisah ra imo nemap. Sikat mōmū nam enyaū worenūwi pugkūm,

Yoane 8:44

Kĭmi kūmne ra ĭtemen enugkĭmi Sētan, ĭm kimi kūmnakiugi worumpi sugkū ōvun nelasivian eni ĭtemen enugkĭmi. Iyi umentalokonda ōveteme marugi ra nōbūm, miyi yetūatekĭsah ugi ĭtnesog popōwo tawi ĭtnesog ūnisog iyi. Pol sugkū sī umanuwi namlī iyi umasepen nenūwi mori eni iyi popōwo iyi neteme namli, im ĭtemen eni sugkū.

Ovun Apostol 26:18

Woretīpelah niminda, worevoli marugi nĭlebokevat ra nilara, marugi horog eni Sētan ra Nōbū, mampi nefielentugi sat sū, ĭm nūrū dal irora mori dūmnumpi irora tumpora ugi tavniri ra yaū.

Ovun Apostol 5:3

Im Piter yemenūwi pugi memokū, Ananĭus irasie Sētan ovūwara ūnōwam ma kempirigi Naviat Tumpora memasiugi nugkon nĭmpi nūrū mori?

Netiyi Eni Pol Apostol Punora Oveteme Rom 16:18

Popōwo irora mori umnumpi sugkū ūtūm torugat iran Krĭstō Novsūromon enugkos, kō irora ūmuntorugat ra netnint enirora, wokon: ĭm popōwo nam nemolsep nimpiri enirora ūmumpiriwokona nowanda ōvun nemlū.

Netiyi Eni Pol Apostol Punora Oveteme Rom 16:20

Im Nōbū ninparata ontasoso Sētan marima ra mumpon nowomi kĭmi. Itemas paū eni Iesū Krĭstō Novsūromon ante mante dal kĭmi.

II. Korint 11:14

Im mē onavlugi ugi imo? popōwo oragi Sētan umagkū iyi sī nagelo nilara.

II. Korint 11:3

Kō ya um amtītugi, kū entawi sī unumpi ūr nowami worūwi netevarū ĭtnesog enugkimi ugi Krĭstō, sugkū neskil yemimpirigi Iv.

II. Korint 12:7

Im ma ya otū ontarū ūnōwag magkū yaū sī horog, ugi siame sesi sikat, dūmūtipe nisekūg nagesaū ra nokolisirag, lĭvsaū eni Sētan woretī yaū, ma ya otū ontarū horog ūnōwag.

II. Korint 2:11

ĭt kos kĭm lagkili ōvun nimpiri isen.

II. Korint 4:4

iranda mori nōbū ra imo nemap yemseni tarū sū isenda ōvun netū tavniri, ma nilara nam navosavos nilasilaswi eni Kristo, iyi mori safi eni Nōbū, otū oselī iranda.

Efesus 4:14

ma kos kel letū ante mōmū ovunyan, umĭntorora ōvun nemetagi omwisū, ugi numpi isenda ōveteme, ugi nimpiri, ĭm ōvun numpi nagkaū ĭm namli;

Teselonia 2:3

Afinte ma tawi sī neteme ampiriugwugkūm ra sī entie sī: popōwo otū ampelum dan mori, nagkū ōveteme ūtū ampūmtorileki marugi tavniri, ĭm antūratumpene numpĭndi mori netni nūrah sat,

I. Timote 2:14

dūtūompirigi Adam, kō dūmumpiriwugi itnasiven, miyi yumol ugi nareki nam:

II. Timote 3:13

Kō wantepū tamas wokon sat isenda ōvun nareki sat ĭm ōvun nĭmpiri, irora wampiriwokonda ōveteme ĭm wonempiriwokonda sugkū.

Hibru 2:14

Im popōwo pe sugkū ĭtnesog umante fan ĭm de isenda ovunyan isen, iyi sugkū yivi imo siame sugkū iran; memagkū iyi onumpi nendewavū iyi mori faneteme worumpi nemas, mori, Setan;

I. Piter 5:8

popōwo novsin nakan enugkimi, Diapolo, umnavanavan, sugkū, līon umnasora memeserokonda ōveteme worokinora:

I. Yoane. 5:19

Kos kemlagkili ma kos isen Nōbū, kō ōveteme omwisū ra nemap ūmante dal iyi mori narekisat.

Netaiyi eni Jūd 1:9

Kō Maikel, nagelo nūsian, pol sugkū yemyevi ugi natekisah Diabolo ugi nokoliūran eni Moses, kō yememtitugi worenūwi nam nugkugko iran, kō yemokū, Narisah onūrian iram.

Reveleson 12:12

Popōwo pe avos, Ah pokop, ĭm kĭmi mori kūmante ūnpokop. Owai irami mon ūmante ra nemap ĭm rantok: popōwo diabolo okoyep ran nemap pugkūm, ĭm nūsian nakan isen, popōwo iyi emagkili ma umpotipot nempugon isen.

Reveleson 12:3

Im dūmokesi sai mōmū safi ūnpokop; ĭm pah, sai nūsian drakon navilar, ĭm yeti numpūn seven iran ĭm nimpati ten, ĭm yemevaiugi ōvun numpūn ugi seven kraūan.

Reveleson 12:7

Im dūmumpi navakat ūnpokop: Maikel ĭm ōvun nagelo isen dūmūve woravakat iran drakon;

Reveleson 12:8

ĭm iyi drakon yematekisoh memavokat endal irora ōvun nagelo isen; kō tawi, irora dūtūfaneteme woretantevakepe, ĭm tawi sai nūrū ūnpokop nisekonda nempugon sai mōmū.

Reveleson 13:14

Im iyi emumpiriwokonda morimori ūmante ra nemop popōwo ugi ōvun navlugi yetin avugi worumpi ūnipmi nūrah mori, miyi yeniokū pun ora ōveteme ūmante ra nemap, memagkū irora wonumpi safi nūrah mori yivai nampon naūitūga, mōimamūrep.

Reveleson 16:14

popōwo irora ōvun naviatindi ōvun natmas, ūmnumpi ōvun safi; mori ūmarnpe pun ora ōvun fanlō ra nemap omwisū, woresemsimokonda saiteven ra navakat ra dan nūsian eni Nōbū, Tantevakepe mori.

Reveleson 18:2

Im iyi yemenūwi, memokū, Umol Babelon nūsian mori umol, ĭm iyi nūrū nisekonda ōvun naviatindi, ĭm nimo nugkugko nisekonda ōvun naviat nililūwo omwisū, ĭm nimo nisekonda ōvun menūōk nililūwo ĭm nokosindi.

Reveleson 18:23

ĭm ūtū selai nilarara sai lamp mōmū indowi ra mumpon kĭk; ĭm ūtū wan digi navianda nateman ĭm nasiven ra nempokelah nempugon sai mōmū ra kĭk; popōwo ōveteme sevasi enugkĭk dūmūte ōvun natemonok nōēte ra nemap; popōwo ugi sokowar dūmumpiriwokonda lō sū ra nemap.

Reveleson 19:20

Im dūmūlekavi nurah nagon mori, ĭm dal iyi profet nimpri mori yemumpi ōvun nokesinapūp ūnipmi eni, mori ugi ima pe yemempiriwokonda mori dū mūvai safi eni nūrah iranda, ĭm irora mori ūmenteveta ra safi isen:

Reveleson 2:13

yaum magkili nete enugkĭk, mori iye umante potnumpūtūo eni Setan: kō kĭk umeravsivsi nin enyau, ĭm kĭm eti unam ra tavniri irag, ran dan mori dūmūtalugi Antipas dal kĭmi, iye mori Setan umante, kō iyi yeti neteme numpūvsok tanepo enyau.

Reveleson 2:24

Kō yaum manuwi pugkūm, ĭm pun ora ra Thaiataira, pun ora omwisū mori dūtūvai tavsogi mori, ūtūmagkili tiame numpōū impwap eni Setan, sugkū irora ūmanūwi: ya otū antipe irami sai mōmū numpokentum.

Reveleson 2:9

mmokū, yaum magkili ōvun norineteme noete, ĭm yaum magkili nam sat tamas enirora, mori ūmagkū irora ēveteme Yūdia, kō tawi, kō irora ōvun nufwaki tavniri eni Setan.

Reveleson 20:10

Im dūmūtafugi setan mori yempiriwokonda ra nūrū nemsin nom ĭm narukas, ĭm yūi sugkū ūmante nurah nagon mori ĭm profet nimpiri; ĭm irora wantindowi ra sokomūlep nūsian wokon dan ĭm pūmrok ūvum nevisū indowi indowi.

Reveleson 20:8

ūmante ra ōvun novlūtnin devat ra nemap, ōveteme Kok ĭm ōveteme Makok, woresemsimokonda saiteven woravakat: irroa tamas wokon sugkū ōvun narevin ran tok.

Reveleson 3:9

Urigi, ya ontorora nugkon morokonda mori irora umentevita iran Sētn, ĭm irora ūmagkū irorairora ōveteme Yūdia, kō irora tawi, kō ūmnamlai; ūrigi, ya ontoror pe nokowo, ĭm irora wampelum wonteveta ra pot nowomi ĭm worokili memagkū ya um nelintugkĭk.

Reveleson 9:1

Im nagelo sukrimugi yemelni, ĭm yaū mokesi sai mosi morugi pokop ĭm yemomol ra nemap: ĭm dūmūvugi ki ra nokol numpooū,

Reveleson 9:20

Im nugkon ra iora ōveteme, mori dūtūtalokonda ugi ōvun nugkugko imosū, dūtūlōrileki ūnōwanda ugi ōvun numpūrak, ma irora ūtū ontevita iranda ōvun natemas ĭm ōvun natemas ra kold, ĭm silver, ĭm bras, ĭm nevat, ĭm nē; mori tawi irora faneteme worokesi, kū wororigi, kū woravan: