Reveleson 1:18 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁸ yaū neteme mampūm, ĭm yaū neteme ra nisah, ĭm iyi mori Amūrep; ĭm yaū meti nemas, ĭm yaum amūrep ūvūm nevi sū indowi, ĭm umante tovūn yaū ki ra nemas ĭm ra Hēdes.

Reveleson 1:18 ပူးပေါင်းရင်းမြစ်များ

Matiyu 11:23

Im kĭk Kapernaum mori yemetipesah mefeli ra pokūp ontalepasi sep ra neswate; popōwo ōvun numpūrah horog umnumpi irami nagkū pūpmumnumpi sugkū ra Sodom, petendōwi mafeli imo dan;

Matiyu 16:19

Im ya ampunok ōvun ki ra lō ūnpokūp;

Nam Navosavos Eni Luk 24:5

mirora dūmtetugi mūtelasep; dūmūnūwi punora ōvasiven mūmōkū, Kūmnesorugi iyi mori umnomūrep dal ōvun nemás, kū?

Yoane 11:25

Iesū yōmenūwi pugi, memokū, Nevsorasah marugi nemás, ĭm nomūrep, ūmamne ra yaū; iyi sī umentavnirĭgi yaū, nagkū iyi okomas, kō, iyi ōmamūrep.

Yoane 14:19

Nempugon virok ĭm nemap otūōmagkesi yaū; kō, kimi kūmagkos yaū; popōwo ya umnomūrep kĭmi sugkū kwamūrep.

Netiyi Eni Pol Apostol Punora Oveteme Rom 6:9

ĭm kos kĭm lagkili ma Krĭsto yevsorasah marugi nemas ĭm popōwo iyi otū amas mōmū; nemas otū ontantevakepe mōmū iran.

II. Korint 13:4

popōwo dūmūtalugi iyi ra ne ūmparum ugi netromoro isen, kō iyi umamūrep ugi horog eni Nōbū. Ya umandromoro ra iyi, kō ya amūrep dal iyi ugi horog eni Nōbū pugkūm.

Kalesia 2:20

Yaū mepmas ra nē umparum ūndū Krĭsto; ĭm ya umamūrep: ĭm tawi yaū mori umamūrep, kō Krĭstō umamūrep ūndū yaū: ĭm imo nomūrep mori yakum nomūrepwi marima ra nemap ya um amūrep ra tavniri, tavniri mori iran Netni eni Nōbū, mori yemelĭntokoyaū, ĭm yem espen tenimpe iyi nisekūg.

Kolose 3:3

Kūmūmas, kō yetiumpene nomurep enugkimi tovuni Kristo ra Nōbū.

Hibru 1:3

mori yemeti nilasilaswi nūsian aremi isen, ĭm safi sīteven ĭtnesog ra iyi, ĭm yemefĭnte siame omwisū ugi nam horog isen, pol sugkū yemsendumsi irant marugi sat ugi nemas isen, yemetesep ra nokoven meves eni Nōbū ūnēī;

Hibru 12:2

ĭm imo sat omampelat irant, ĭm maloves ugi natekisah, res mori umantipe ūnimint, ĭm lintopneme iran Iesū iyi mori natipotni tavniri enugkos yemekompeligi, mori popōwo ugi navosavos dūmūtipe ūnipmi eni yevi nemas iran ra neumparum, metokū sie ugi norumprom ugi pe, ĭm iyi umantesep ra nugkon meves ra potnimpūtūwō eni Nōbū.

Hibru 7:16

mori dūtūtipe iyi sugkū nam alam ra nemap, kō ugi horog eni nomūrep ūnam Indowi;

Hibru 7:25

papōwo pe sugkū iyi faneteme worumkorēyōwaraves irora mori ūnampelum pugi Nōbū ugi ra iyi, popōwo iyi umamūrep ĭndowi woresenigi nisekonda.

Reveleson 10:6

ĭm yemenūwi nam ūnam ugi iyi mori emamūrep indowi indowi, iyi mori yemumpi pokop ĭm tiame ra mumpon, ĭm nemap ĭm tiame ra mumpon, ĭm tok ĭm tiame ūnisog, memagkū otū anti nempugon sai mōmū:

Reveleson 15:7

Im sai ra irora ōvun nūrah nomūrep yemevun ora ōvun nagelo seven, ōvun beson kold seven ūvwarugi narakai eni Nōbū, mori amūrep indowi indowi.

Reveleson 2:8

Im konetaiyi pugi nagelo eni nielepon sai lō ra Smerna, memagkū, yemenūwi imo tiame iyi mori yeti neteme yĭpmovūn, ĭm ra nisah, mori yetin mas, yōĭmomūrep,

Reveleson 20:13

Im tok yemtenimpe ōvun nemas ra mumpon iran iyi; ĭm nemas ĭm Hēdes dūmūtinimpe ōvun nemas mori dūmūte ra irora: ĭm dūmūrian iranda ōveteme omwisū sugkū ugi ōvun numpūrak enirora.

Reveleson 20:14

Im dūmūtafugi nemas ĭm Hēdes ra mumpon nūrū nimsin nom. Imo oti nemas dūrūgi, mori nūrū nimsin nom.

Reveleson 3:7

Im pugi nagelo ra nilepon sai lō tumpora Filadelpea konetaiyi, memagkū; Iyi mori tanepo, iyi mori umafinte Ki eni Dēvĭd, iyi umentaipelah ĭm tawi sai waneteme woresompat, mōīm sompat ĭm tawi sai faneteme woretaipelah;

Reveleson 4:9

Im pol sugkū ōvun nūrah amūrep mori wanūwi nilasilaswi ĭm narigi ĭm umpalugi pugi iyi mori emantesep ra potnumpūtūō, pugi iyi mori emamūrep indowi,

Reveleson 5:14

ĭm lō sū ūvum nevi sū indowi indowi. Im ōvun nūrah nomūrep devat mori dūmūnūwi, mūmokū, Amen. Im ōvun alder dūmomol ra nemap ĭm dūmūtevita.

Reveleson 6:8

Im yaū mokesi, ĭm pah, sai hors nemri: ĭm nin eni iyi mori yemesesep ran tan Nemas; ĭm Hēdes yemūri iyi. Im dūmūvunora horog ra nevlugkon saiteven marugi nevlugkon for ra nemap, woretalugi ugi naūitūga, ĭm ugi temas, ĭm ugi nemas, ĭm ugi ōvun nūrah nagon ra nemap.

Reveleson 9:1

Im nagelo sukrimugi yemelni, ĭm yaū mokesi sai mosi morugi pokop ĭm yemomol ra nemap: ĭm dūmūvugi ki ra nokol numpooū,