Netaiyi eni Jūd 1:20 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁰ Kō ūte ūnam kĭmi, ravūgsaieme, ra tavniri enugkimi aremai indowi,

Netaiyi eni Jūd 1:20 ပူးပေါင်းရင်းမြစ်များ

Ovun Apostol 15:9

Miyi yemokū kos mirora sugkū siteven, mem sendumsi ves nōwant sū ugi tavniri.

Ovun Apostol 26:18

Woretīpelah niminda, worevoli marugi nĭlebokevat ra nilara, marugi horog eni Sētan ra Nōbū, mampi nefielentugi sat sū, ĭm nūrū dal irora mori dūmnumpi irora tumpora ugi tavniri ra yaū.

Ovun Apostol 6:7

Im nam eni Nōbū yemteli; movnūrie dūmū tandamsah tamas ra Yerūsalem; ĭm sikat ra irora ōveteme sokowar dūmūsendiuki nam tavniri.

Ovun Apostol 9:31

Movun semsimak dūmūte ra ninparata ra nūrū sū Yūdia ĭm Kalĭli ĭm Sameria mūmūteli horog. Im pol sugkū dūmavan ra nimtetugi ves Novsūromon ĭm nelintugi eni Naviat Tumpora mūmūtendam.

Netiyi Eni Pol Apostol Punora Oveteme Rom 15:2

Aremai ma kos sū kos kelen umpalug iranda ōvun numpūnarant ugi imo mori aremai,

Netiyi Eni Pol Apostol Punora Oveteme Rom 8:15

Popōwo kūmūtū vī naviat nagalaū nugkugko ra nemetet; ko kūmū vī naviat nemolsep sugkū umentorora, ōvala laū memagkū kos kel anūwi ĭm lagkū, Aba, Etemen kam.

I. Korint 1:8

mori onumpi kĭmi ūnam ran dan sū, ma otū anti sĭentie sī worūrian irami ran dan eni Iesū Kristo Novsūromon enugkos.

I. Korint 10:23

Tawi dūtūnūwali siame sū; kō tawi aremī worumpi siame sū. Dūtū ūnūwali siame sū; kō siame sū otū umpi aremī ugi nesitū, tawi.

I. Korint 14:15

Im se imo sī? Ya onūfwaki ugi naviat, ĭm ya onūfwaki ugi nelekon sugkū: ya onesemsi narūfo ugi naviat, ĭm ya onesemsi ugi nelekon sugkū.

I. Korint 14:26

Irasie imo, ravugsieme? Pol sugkū kĭmi kūmesem simugkūm, sī umagkū iyi osemsi narūfo, sī umagkū iyi ontavsogi nam, sī umagkū iyi anūwi ra nam nūrū sī, sī umagkū iyi anūwi nam sesi, sī umagkū iyi osūli fan nam. Aremī wumpi siame sū omwisū sugkū woretavsokonda ūnōwanda ōveteme.

Kalesia 4:6

Im popōwo kĭmi ōvun netnime isen Nōbū yemetipe Naviat eni Netni isen ūnōwami, umnasorasah, memagkū Nate, Itemen.

Efesus 4:12

memagkū worumpi aremī ĭndowi ōveteme aremi, woretorugat ra nam,

Efesus 4:16

ugi iyi ōvun sie ra nimo omwisū umnumpalug sīteven ugi nesitū sī ĭm sī, sugkū ugi numpi isenda sĭtevengo omwisū, umnumpi worenug nokolisiran ĭm horogesah ugi nelĭntuigi ūnōwant nisekont.

Efesus 4:29

kō imo nam mori umnumpi aremī neteme, momumpi nemolsep ĭm aremī nowanda mori ūmandegi.

Efesus 6:18

ĭm nufwaki omwisū ĭm nesenigi ūfwaki ra ōvun nempugon omwisū ugi Naviat, ĭm ūfĭnte worefwaki ugi natekisah ĭndowi ĭm nesenĭgi nisekonda ōveteme aremī omwisū,

Kolose 2:7

ūte ūnam iran, ĭm ra tavniri enugkĭmi, ĭtnesog sugkū dūmūtavsogkūm ugi pe, mōmumpalug ugi tamas.

I. Teselonia 5:11

Popōwo wumpi nemolsep ūnowami, mōmavorokūm kĭmi, sugkū kĭmi kūm mumpi.

I. Timote 1:4

ĭm woretūrĭgi nam nagkaūĭntan sebet nam ĭm ninda ōvun ūvūmle ra nator, ĭt imo siame natipotni naūor ūr, ĭm tawi nesitū imo mori amamne ra Nōbū ugi tavniri; ĭm ya magkū sugkū punok marima.

II. Timote 1:5

pol sugkū dūmūnūwi poyaū tavniri ĭtnesog enugkĭk; yepmovūm mete ra Lois novūm, ĭm iran dinum Yūnisi; ĭm yakum mentavnirigi, magkū umante iram sugkū.

Tītus 1:1

Pol livsaū eni Nōbū ĭm apostol eni Iesū Krĭstō, popōwo ugi tavniri enirora ōveteme tampoli eni Nōbū, ugi sesie ra Nōbū, ĭm ugin tavniri ugi nomūrep ūvrūni,

Yakobo 2:22

Kĭk okesi, memagkū tavniri isen yemtorugat ugi numpūrak, ĭm ugi numpūrak yemumpi aremī wokon tavniri;

II. Piter 1:1

Simon Piter, livsaū ĭm apostol eni Iesū Krĭstō, punora mori dūmūvi tavinri aremī sugkū kam ra tanepo eni Nōbū im Iesū Krĭstō novsūromon enugkos ĭtemas paū

I. Yoane. 5:4

Irora sū mori dūmumprokomol ugi Nōbū ūmentantevakepe iranda ōvun tiame sū ra nemap: ĭm imo mori umnumpi kos woretantevakepe iranda ōvun tiame ra nemap, mori tavniri enugkos.

Netaiyi eni Jūd 1:3

Ravūgsaiemo pau, pol sugkū yaū ĭm atekisah tamas woretaiyi pugkūm ugi nomūrep avrūni nisekonda oveteme omwisū, yaū mokū ūnōwag ma ya onetaiyi pugkūm woreyevekūm woratekisah ugi tavniri yetin temimpe nempugon sativen indowi pun ora ōvun tampoli.

Reveleson 13:10

Im nagkū sai ĭm iyi nimsin norūleki, aremai iyi ampe sugkū ugi norūleki iran: Im nagkū sai ontalugi ugi naūitūgo, aremai wontalugi iyi sugkū ugi naūitūga. Imo oti nivnak ĭm tavniri isenda ōvun tanepo.