Netaiyi eni Jūd 1:1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Yaū Jūd, lĭvsaū eni Iesū Krĭstō, ĭm avinsai eni Yakobo, pun ora mori dūmūvrokonda, ōvun tampolives eni Nōbū Itemen, ōvun nefinte nisekon Iesū Krĭstō:

Netaiyi eni Jūd 1:1 ပူးပေါင်းရင်းမြစ်များ

Matiyu 10:3

Fĭlĭp, ĭm Bartolomū; Tomas, ĭm Matĭyū, mori lĭvsaū nalekon; Yakōbō, netni eni Alfius; ĭm Lebēus, nalĭg eni Tadius;

Matiyu 13:55

Iyi netni eni karpenter kū? Nin dĭneme eni Mēri, kū? Im ravensĭeme Yakōbō, Im Yoses, ĭm Sīmon, ĭm Yūdas, kū?

Mark 3:18

Im Andrū, ĭm Bartolomū, ĭm Matĭyū, ĭm Tomas, ĭm Yakōbō netni eni Alfius, ĭm Tadeus ĭm Simon netni eni Kena,

Mark 6:3

Imo oti karpenter mori kū? ĭm netni Mēri, ĭm avinsī Yakōbō, ĭm Yoses, ĭm Yūda, ĭm Simon, ĭm ōvun veven eni umante ĭgkodal e kos. Im irora dūmalakoi pugi.

Nam Navosavos Eni Luk 6:16

Yūdas, avensi isen Yakobo, ĭm Yūdas Iskariot, mori yempirĭgi iyi.

Yoane 12:26

Nagkū sī umagkū iyi ontorugat irag, aremī iyi onampelesi irag; ĭm ra nūrū yaū yūi, iyi lĭvsaū enyaū yūi sugkū. Im nagkū sī olĭvsaū irag, Itemene yaū antipe nilaswi iran. Marima naviat enyaū umandĭgi sat.

Yoane 14:22

Yūdas, tawi Iskariot, yemenūwi pugi memokū, Novsūromon, kĭk asepen sesi kĭk pugkam, ĭm tawi punora ra nemap, nokowo imo sugkū?

Yoane 15:16

Kĭmi kūtūtampoli yaū, yaūĭmtampoli kĭmi memtamūlokūm memokū kwampe, mōmampūo, ĭm ma novūan enugkĭmi wantendowi; ma sĭsesī kĭmi kwonesenĭgi Itemen magkū ra nin enyaū, Iyi ampugkūm.

Yoane 17:15

Ya otūmnesenugkĭk memagkū kampī irora marugi nemap, ya umagkū kafĭnte irora marugi sat sū.

Yoane 17:17

Umpi irora sentevives wokon ūnōwanda ugi nam itnesog enugkĭk; nam enugkĭk itnesog.

Yoane 17:19

Ya umasepen numpi yaū tumpora popōwo ugi irora; ma irora wanti tumpora sugkū ra ĭtnesog.

Yoane 6:39

Im imo tarū eni Iyi Itemen mori yemtamūli yaū, emagkū, ya otūampiugki sī marugi omwisū mori Iyi yemovoyaū, kō, ontōrisah marugi nemás ran dan nisah.

Ovun Apostol 1:13

Im pol sugkū dūmintorimpe dūmūsah ūnisog silebok imelūo dūmūte Piter ĭm Yakobo ĭm Yoane ĭm Andrū, Filip im Tomas Bartolomū ĭm Matīyū, Yakobo netni eni Alfius, ĭm Sīmon Selotes, Yūdas avinsĭ eni Yakobo.

Ovun Apostol 20:32

Im marima ravūgsīeme, ya kum magkū kwampe pugi Nōbū ĭm nam ugi ĭtemas-e-pau isen mori horog worumpi kĭmi worenug nampug kim nūrū ves dal irora mori yemumpi irora sentivives.

Ovun Apostol 27:23

Popōwo yemetūrū ra nakorig pūmrok sī nagelo isen Nōbū mori yaū isen ĭm ya kum mintorugat iran,

Netiyi Eni Pol Apostol Punora Oveteme Rom 1:1

Pol sī lĭvsaū eni Iesu Krĭstō, dūmovrugi woreti sī apostol, dūmūtampoli ugi nam navosavos eni Nōbū,

Netiyi Eni Pol Apostol Punora Oveteme Rom 1:6

ugi sendiokives ra tavniri dal irora lō sū popōwo ugi nin eni: kĭmi dal irora, dūmovrugkūm woreti isen Iesū Krĭstō:

Netiyi Eni Pol Apostol Punora Oveteme Rom 16:18

Popōwo irora mori umnumpi sugkū ūtūm torugat iran Krĭstō Novsūromon enugkos, kō irora ūmuntorugat ra netnint enirora, wokon: ĭm popōwo nam nemolsep nimpiri enirora ūmumpiriwokona nowanda ōvun nemlū.

Netiyi Eni Pol Apostol Punora Oveteme Rom 6:22

Kō marima popōwo dūmū tĭnepe kĭmi marugi sat, ĭm kūmūte ōvun lĭvsau eni Nōbū, kūmūvī novwan mori umnumpi aremī ugi, ĭm ra nisah nomūrep ūbrūni.

Netiyi Eni Pol Apostol Punora Oveteme Rom 8:30

ĭm irora mori yemĭmtamūlora, yemovrokonda sugkū: ĭm irora mori yemovrokonda, yemenūwi tanepo isenda: mirora yemenūwi tanepoves, yemovun ora sugkū nūrū ves nilasewi.

Netiyi Eni Pol Apostol Punora Oveteme Rom 9:24

mri yemovrugkos sugkū, tawi marugi ōveteme Yūdia wokon, kō morokonda ōvun Yentīĭlĭs?

I. Korint 1:2

Nōbū ĭm Sosetens avĭt sī, pun ora nilpon sī lō tumpora eni Nōbū ra Korint, iroromo ōveteme aremī ra Iesū Krĭstō, dūmūtampolora ōvun tanepo, dal irora sū ra nūrū sū mori umprugi nin eni Iesū Krĭstō Novsūromon enugkos, Novsūromon enirora menugkos:

I. Korint 6:11

Im kūmūte sugkū nugkon kĭmi: kō dūmūsendumsi kĭmi, ĭm dūmumpi kĭmi aremī, ĭm dūmumpi kĭmi tanepo ra nin eni Iesū Krĭstō Novsūromon, ĭm ugi Naviat eni Nōbū enugkos.

Efesus 5:26

ĭt iyi yemumpi tumpora, yemsendumsi ugi norowugi ra nū ra nam alam,

I. Teselonia 2:12

mūyevekūm, mōmesitū irami, moĭmsūlives, pugkūm, ma sugkū kĭmi kwanavan aremi ugi Nōbū, mori yemovorugkūm ra lō ĭm nilasilaswi isen.

I. Teselonia 5:23

Im iyi pe iyi Nōbū ninparata onumpi kĭmi tumpora ĭm aremī ĭndowi; ĭm aremī naviat enugkimi ĭm nowami ĭm nokolisirami wantĭndowi aremī ĭndowi, ĭm tawi sie sī pol sugkū Iesū Krĭstō Novsūromon enugkos ampelum.

II. Timote 1:9

iyi mori yemumkosēyōwara, memovrugkos ra novrugi aremī, yetū umpi popōwo ugi numpūrak enugkos, kō sugkū ugi tarū isen ĭm itemas paū eni, mori yemevugkos ra Iesū Krĭstō ra nempugon mori etūwĭ tawi nemap,

II. Timote 4:18

Im Novsūromon osemsempari yaū marokonda ōvun numpūrak ūr omwisū, miyi ampeyōwara irag ra lō ūnpokop isen pugi iyi ante mante nilasilaswi ūvūm nevi sū indowi indowi. Amen.

Hibru 3:1

Popōwo pe, ravūgsĭēme sorūg aremī, dūtampolekūm ra siame ūnpokōp, ūtarūgi Iesū Kristo, kĭmi, mori Apostol ĭm Potnin Sakrifis ra nufwaki enugkos;

Yakobo 1:1

Yaū Yakobo, lĭvsaū eni Nōbū ĭm eni Iesū Krĭstō Novsūromon, pun ora ōvun savetasū twel mori ūmante sītevengo ra nūrū sū nūrū sū, ya magkū kĭmi paū.

I. Piter 1:2

ugi nesepen nokili eni Nōbū Itemen ugi tumporoves eni Naviat ugi nalekoleki nam ĭm ugi navokūm ugi de eni Iesū Krĭstō Itemas paū pugkūm ĭm ninparata antin tandamsah.

I. Piter 1:5

mori ugi horog eni Nōbū umesemsempari irami ugi tavniri ra neviēyōwara umentavesves woresese ra nimpugon aveni.

I. Piter 2:9

Kō kĭmi ōveteme lō dūmūtampolekūm, ōvun tavsogi horogesah, lō tumpora, ĭm netevokontū nisekon Nōbū, ma kĭmi kwosesi aremi wokon isen iyi mori yemtorokūm marugi nelevokevat ra nūsian nilara, navlugi isen;

I. Piter 5:10

Im Nōbū ĭtemas paū omwisū mori yemtorokūm ra nilasilaswi unam indowi ra Krĭstō, kō mampūm kwandigi lap nesorū nempugon virok, iyi pe iyi amkūmēyōekūm, menumpi kĭmi horog ĭm ūnam ra tavniri.

II. Piter 1:1

Simon Piter, livsaū ĭm apostol eni Iesū Krĭstō, punora mori dūmūvi tavinri aremī sugkū kam ra tanepo eni Nōbū im Iesū Krĭstō novsūromon enugkos ĭtemas paū

Netaiyi eni Jūd 1:21

ĭm mūsenigi ugi Naviat Tumpora, ūte tamas ugi nelintugi eni Nōbū, mūratevetūwi nelintugi horog eni Iesū Krĭstō Novsūromon enugkos tovune nomurep mūvrūni.

Netaiyi eni Jūd 1:3

Ravūgsaiemo pau, pol sugkū yaū ĭm atekisah tamas woretaiyi pugkūm ugi nomūrep avrūni nisekonda oveteme omwisū, yaū mokū ūnōwag ma ya onetaiyi pugkūm woreyevekūm woratekisah ugi tavniri yetin temimpe nempugon sativen indowi pun ora ōvun tampoli.