Matiyu 6:6 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁶ Kō pol sugkū kemnufwaki eve ūnisog selebōk enugkĭk, sumpat pūketampet, mufwaki iran Itemen e kĭk mori vamon, miyi Itemen e kĭk mori umagesi vamon ontampenĭgi iram amsok.

Matiyu 6:6 ပူးပေါင်းရင်းမြစ်များ

Matiyu 14:23

Im pol sugkū iyi yemtamūlora ōvun numpūn lō, yive, iyi ko sĭ, ra numpūo worufwaki; yemalebōkwi, miyi yūi, iyi ko sĭ.

Matiyu 6:18

kō Itemen enugkĭk mori vamon; ĭm Itemen enugkĭk mori umagesi vamon ontampenĭgi iram amsok.

Matiyu 6:4

ma ovun numpeleves enugkĭk aropon amon, ĭm Itemen enugkĭk mori umagesi vamon ontampenĭgi iram amsok.

Yoane 1:48

Natanael yemtagkeli memokū, kĭk emagkili yaū ugi mē? Iesū yemtamsi memenūwi pugi memokū, Pol sugkū Fĭlĭp otūvrug kĭk nempugon kĭk ra mumpon nē fik ya okesok.

Yoane 20:17

Iesū yemenūwi pugi, memokū, Etūsugkori yaū, ĭt ya otūsah pugi Itemen yaū. Eve punora ravūgsĭeme menūwi punora, mokū, Ya umesah pugi Itemen enyaū, ĭm Itemen enugkimi, ĭm Nōbū enyaū, ĭm Nōbū enugkimi.

Ovun Apostol 10:30

Im yakum mentagkolokūm, kūm nesorokoyau ugi sie nam? Im Kornilius yemenūwi memokū, Nowinag yaū mufwaki mafeli imo nempugon ra dan, ĭm poarap yaū mufwaki ūnisog nimo sorūg,

Ovun Apostol 10:9

Im rat mran polekū irora dūmavan mūmumpro keve potipot sĭti, Piter, yemete ran tan nimo worefwaki, poakas poakas.

Ovun Apostol 9:40

Im Piter yemtamūlora sū ratilat, miyi yemseumpūneterin memufwaki, miyi yemtopotnemi nokolisiran memen ūwi memokū, Tabisa, Etūok. Miyi yemelampe; ĭm pol sugkū yemokesi Piter yemtūok metesep.

Netiyi Eni Pol Apostol Punora Oveteme Rom 8:5

Irora mon ūmnakīugi siame ra nokolisiran ūmnumpi sugkū nokolisiran; kō irora mori ūmnakīugi siame ra naviat ūmnumpi sugkū naviat.

Efesus 3:14

Popōwo pe sugkū ya umnumpūneterin iran Itemen Iesū Krĭstō Novsūromon enugkos,