Matiyu 25:31 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

³¹ Pol sugkū Netni eni neteme ōmampelum ra nilasilaswi eni, mōvun agelō tumpora omwisū dal, iyi antesep ran tan potnumpūtūo nilasilaswi eni,

Matiyu 25:31 ပူးပေါင်းရင်းမြစ်များ

Matiyu 16:27

It iyi Netni eni neteme ōmampelum ra nilasilaswi eni Itemen eni mōvun agelō eni dal; miyi ontampenĭgi iranda ōveteme omwisū ugi numpūrahsū enirora. Itnesog, ya umanūwi pugkūm memagkū,

Matiyu 19:28

Im Iesū yōmenūwi punora mememokū, ĭtnesog, yaumanūwi pugkūm memagkū, Kĭmi mori kūmūri yaū, ra nempugon netevūraves, pol sugkū Netni eni neteme antesep ra potnumpūtūo nilasiĭaswi eni, kĭmi sugkū kwantesep ra ōvun potnumpūtūo twelv monūrian iranda ōvun savūta twelv ra Isrēel.

Matiyu 25:6

Yetūnemes pūmrok dūmasora mūmōkū, Asūon umamprokovelum, ūve worevtet iran.

Matiyu 26:64

Iesu yemenūwi pugi memokū, kĭk onūwi. Im ya umanuwi pugkūm memagkū kimi kwagesi Netni eni neteme umantesep ra nokoven meves ugi horog, mōmampeltim ra ovun numpūaū ra pokūp.

Mark 14:62

Im Iesū yemenūwi memokū yaū sugkū; ĭm sugkū kĭmi kwagesi iyi Netni neteme antesep ra nokoven meves ra horog, mō mampelum ra ōvun numpūaū ūnpokūp.

Mark 8:38

Popōwo pe, iyi sī mori onarumprum ugi yaū, ĭm nam enyaū ūnĭpmi imo palsi satindi im tampalaū; Netni eni neteme onarumprum ugi iyi, pol sugkū iyi ampelum ra nilasilaswi eni Itemen dal ōvun nagelō tumpora.

Nam Navosavos Eni Luk 22:69

Marugi nempugon marima Netni isen neteme antesep ra nokoven meves ra horog isen Nōbū.

Nam Navosavos Eni Luk 9:26

It iyi sī onarumprum ugi yau, im nam sorug, Netni isen neteme onarumprum ugi iyi pol sugku iyi onampelum ra nilasilaswi isen, im isen itemen misenda ovun agelo tumpora.

Yoane 1:51

Miyi yōmenūwi pugi, memokū, Itnesog, itnesog, ya umanūwi pugkūm memagkū, Kimi kwagesi pokūp ontĭpelah, mōvun agelō eni Nōbū wandūuevesah mōmandūnyep iran Netni eni Neteme.

Ovun Apostol 1:11

Mirora dūmūnūwi mutnokū, Oveteme Kalili, irantie kūmantūrū mumuntopotneme ūnpokōp? Iesū mori okevīsah iyi ūnpokōp marugkūm umampelum sugkū kokesi iyi okeve ĭm sah ūnpokōp.

I. Teselonia 3:13

sugkū ka kĭm mumpi pugkūm; memagkū iyi onumpi ūnam nowami tanepoves ĭm aremī wokon ōnĭpmi Nōbū Itement, pol sugkū Iesū Novsūromon enugkos ampelum dal ōveteme omwisū aremī isen.

I. Teselonia 4:16

Popōwo iyi pe iyi Novsuromon oyep marugi pokop, iyi onasorasah ugi nasor tamas, ĭm navian nagelo horogesah, ĭm ugi tovwi eni Nōbū: ĭm ōvun nemas ra Iesū wamsorasah mampūm:

Hibru 1:8

kō ugi Netni isen iyi umagkū, Potnumpūtūo enugkĭk, Ah Nōbū, oti indowi indowi; Im nugko netevarūsū enugkĭk ra potnumpūtūo enugkĭk.

Hibru 9:28

ĭm sugkū, dūmūsakrerīs Krĭstō nempugon sīteven, memagkū, iyi ante nipmi tĭwi satsū isenda ōveteme sikat, kō iyi omampelum nempugon simōmū, punora, ūmenteveteme iyi worumkorēyōwara ugi nomurep ūvūni, ĭm otū ante sat iran.

Netaiyi eni Jūd 1:14

Im pun ora Inok, mori sukrim dūrūgi marugi Adam, yemevsemevseugi, memokū, Urigi, Nov sūromon yivelum ĭm dal iyi ten taūsan ōvun tanepo eni, worūrian iranda oveteme omwisū,

Reveleson 1:7

Urigi, iyi ampelum ra numpūaū; ĭm ōveteme omwisū wagesi iyi, ĭm irora mori dūse iyi; ĭm wantintogageri sah lō sū omwisū ra nemp. Aremai sugkū, Amen.

Reveleson 20:11

Im yaū mokesi sai nūsian potnumpūtūō nesebo, ĭm iyi mori yemetesep ran tan, ĭm nemap ĭm pokop dūmalo marugi nipmi isen; ĭm yetūte sai nūrū mōmū nisekonda.

Reveleson 3:21

Iyi mori umtantevakepe ugi natekisah ra imo nam aremai, ya ampugi iyi woretesep ūndū yaū ra potnumpūtūō enyaū, ra potnumpūtūō isen.