Matiyu 22:16 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁶ Mirora dūtamūlora pugi ōvun nūrie enirora dal ōvun nūrie eni Herod, mirora dūmūnūwi pugi mūmōkū, Tavsogi, Ka kemlagkili ma kĭk ĭtnesog, ĭm kĭk ementavsogi ves ugi selat eni Nōbū, ĭm kĭk otūmamtetokonda ōveteme;

Matiyu 22:16 ပူးပေါင်းရင်းမြစ်များ

Matiyu 22:24

Tavsogi, Moses yemenūwi memokū, nagkū sī neteme amas ĭm tawi netni, avensī eni ōmampī retepon eni mentorora ōvun netnime nĭsekon avensĭ eni.

Matiyu 22:26

miyi dūrūgi sugkū; ĭm deselugi sugkū mirora sū seven sugkū;

Matiyu 26:18

Miyi yemenūwi memokū, Uve ra sĭti pugi sī neteme mūnūwi pugi mokū, Iyi Novsūromon onūwi mokū, Okovelum nempugon mori enyaū; ya oneni paska dal ōvun nūrie enyaū ra nimo enugkĭk.

Matiyu 26:49

Marimago iyi yivelum pugi Iesū, memenūwi memokū, Kĭk e paū Rabĭ, memsūgū iran.

Mark 10:17

Im pol sugkū yive ūselat, sī yemalo pugi yumol ra numpon neterin, mōĭm tagkeli iyi memokū, Master aremi, yakonumpi sie ma yakampi nomūrep ovrūni?

Mark 12:13

Mirora dūtamūli nugkon ra ōvun Faresi mōveteme eni Herod, worelekavi nam eni;

Mark 12:14

Mirora dūmūvelum mō mūnūwi pugi mūmokū, Tavsogi, ka kĭm lagkili ma kĭk itnesog, ĭm ki kotum mamtetokonda ōveteme, ĭt kĭk otum magesi nĭmĭnda ōveteme, ĭm kĭk emĭntavsogi itnesog ugi selat eni Iehōva, kĭk emagkūo oti tanepo worevugi muni mori pugi Sisar kū tawi. Ka ke lampugi, kū ka ke letū lampugi?

Mark 3:6

Im ōvun Faresi dūmūve, im marima dūmaūor dal Oveteme dūmumpelesi iran Herod, ugi iyi, nokowo irora ontalugi.

Mark 8:15

Iyi yemenūwi punora, memokū, Ufinte kĭmi marugi leven enirora ōvun Faresi, ĭm leven eni Herod.

Nam Navosavos Eni Luk 20:21

Mirora dūmūtagkeli iyi, mūmōkū, Tavsogi, ka kemlagkili ma kĭk emanūwi memtavsogi itnesog, kotūmnesorugi nevietivesep wokon nisekom, it kĭk ementavsokonda selat itnesog isen Nōbū;

Nam Navosavos Eni Luk 7:40

Im Iesū yemtamsi memenūwi pugi memokū, Sīmon, ya umagkū ugi sī ya anūwi punok. Miyi yemenūwi, memokū, Tavsogi, enūwi.

Yoane 14:6

Iesū yemenūwi pugi memokū, Yaū selat, mĭtnesog, ĭm nomūrep. Iyi sī umampelum pugi Itemen umampelum ugi yaū wokon. Nagkū kĭmi pūkili yaū, kĭmi pūkili Itemen enyaū sugkū.

Yoane 18:37

Im Pīlat yōmenūwi pugi, memokū, Im kĭk sī Natemonok ra nūsian, kū? Iesū yemenūwi, memokū, Kĭk onūwives. Yaū mumprokomol ĭm yaūĭmpelum ra nemap worumpūvsok ugi itnesog. Irorasū mori ūmnelintugi itnesog umandĭgi naviag. Pīlat yemtagkeli memokū, Itnesog sie?

Yoane 7:18

Iyi sī umasepen nenūwi umnesorugi nevietevisep nĭsekon; kō iyi sī mori umnesorugi nevietevisep nisekon iyi mori yemtamūli, iyi ĭtnesog, miyi tanepo wokon.

II. Korint 2:17

Popōwo tawi yaū sugkū sikat ōveteme, mori umanuwi ugi nimpiri nam eni Nōbū: kō ka kem lanūwi ugi itnesog, sugkū ugi Nōbū, ka kem lanūwi ūnĭpmi eni Nōbū ra Krĭsto.

II. Korint 4:2

kō ya ya otum navan ra nagkaū, ya otūm mesūli ugi nimpiri nam eni Nōbū; kō ya umsūli ves nam itnesog umanūatumpeni yaū ugi tanepo punora nowanda isenda ōveteme omwisū ūnipmi eni Nōbū.

II. Korint 5:16

Popōwo pe ya otū magkili mōmū sī neteme ugi ōvun siame ra nemap ĭm nagku yaū mokili Krĭsto ugi ōvun siame ra nemap, ko marima ya otū magkili iyi sugkū nempugon sī momu indowi.

Kalesia 1:10

Ya otūm nakiugi nani nemolsep eni neteme, kō isen Nōbū wokon: ya otum nakiugi narigi isen neteme; nagkū ya umnumpi ĭndowi irag nam paū eni neteme, tawi yaū lĭvsaū eni Kristo.

Kalesia 2:6

Ko marokonda ōveteme mori dūmūnūwi mūmokū irora ōvun horog—kō ya otū kili ugi irora ĭm ya otū mandegi sat ugi irora: Nōbū otū mentampolora ōveteme —ya magkū irora, mori ōvun horog dūtū tavsokoyaū sī sie sī,

I. Teselonia 2:4

kō sugkū Nōbū yemetipe kam nĭmsĭn worefinte nam navosavos, ka kĭm lanūwi sugkū; tawi worevi narigi eni neteme kō isen Nōbū, ĭt iyi umagkili nōwamam.

Yakobo 3:17

Kō nelekon mori umamne marugi pokop oti sentevives mampum, penūri iyi ninparata ĭm nemolsep, umandigi pe itnum, ĭm ūvwarugi nelĭntugi ĭm umamampūō ugi nowan aremī, ĭm tawi tarūtaru isen, ĭm tawi nimpiri.

I. Yoane. 5:20

Im kos kemlagkili ma Netni eni Nōbū okovelum, ĭm yemevugkos nelekon, ma kos kelagkili iyi mori oti tanepo, ĭm kos ūnisog iyi oti tanepo, iyi mori Iesū Krĭstō Netni eni. Imo oti Nōbū itnesog, ĭm nomurep ūvrūni.