Matiyu 22:11 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹¹ Im pol sugkū iyi fan lō yentorĭmpe ūnisog worokesora mori dūmovrokonda, yemokesi sĭ neteme dal, miyi yetūvīugi sĭmplaūon aremī ra narĭgari,

Matiyu 22:11 ပူးပေါင်းရင်းမြစ်များ

Matiyu 13:30

Aremī wonteli dūrūsū semsimugi afeli nempugon wampūo sū, im ra nempugon mori ya anūwi punora ōvun nasemnūok, Walekon mampūm ōvun netevannē sat mūiti ōvun nēat woretni; kō walekon semsimugi whit ūnisog nimo woretavenepon enyaū.

Matiyu 22:10

Mōvun lĭvsaū mori dūmūve ra selat sū alam mō mūvrokonda omwisū mori dūmōkesi, ūr ĭm aremī; ĭm ra mumpon sĭlebok ra narĭgari dūmūtesĭgi sikat.

Matiyu 3:12

sĭv eni ra nokoven miyi onaroven sū ōvun novūan eni mō menalekon semsimugi whit eni ūnisog woretavĭnapon eni; kō novkĭlien iyi atni ugi nom otū onesili.

Netiyi Eni Pol Apostol Punora Oveteme Rom 13:14

Kō ūvakūmugi ra Iesū Krĭstō Novsūromon, ĭm kotū mĭntarūgi siame ūnōwami ūr etūwi.

Netiyi Eni Pol Apostol Punora Oveteme Rom 3:22

mori tanepoves eni Nōbū ugi tavniri iran Iesū Krĭstō punora sū wontavnirĭgi;

I. Korint 4:5

Popōwo pe ūtū ratevetūwi woresorugi sī isen neteme, afeli Narisah ampelum, mori anūatumpene siame umūseni ra nelebokevat, mōĭm sūli ves tarūsū ūnōwanda ōveteme, ĭm Nōbū anūwi ugi tanepo nilasilaswi en ōveteme.

II. Korint 5:3

worevakosugi nokolisirant mori umamne unpokop it nagkū kos kelen nevakosugi ūtū wagkos kos navan wokon.

Kalesia 3:27

Popōwo kĭmi sū mori kūmūvakūmugi Krĭstō mori kūmūvi baptiso tovuni Krĭstō kĭmi.

Efesus 4:24

mōmūvakūm ugi neteme ĭtevaū, mori umnumpi ra safi eni Nōbū ugi tanepoves ĭm tumporaves ĭm tavnirives ĭtnesog.

Reveleson 16:15

(Pah, ya ampelum sugkū neteme numprok. Nevaieves iyi mori um navlis, ĭm afinte nemas isen, kū entawi iyi onavan wokon, ĭm irora wagesi narumprum eni.)

Reveleson 19:8

Im yeti novugi worevaiugi iyi ugi linen aremai, nilareves ĭm sentevives; popōwo linen aremai oti ōvun numpūrak aremai isenda ōveteme tanepo.

Reveleson 2:23

Im ya ontalokonda ovunyan eni ugi nemas; ĭm ōvun nielepon sai lō omwisū wagkili magkū yaū iyi mori yaum mesorugi tarū ūnōwanda ōveteme ĭm netevarū enirora: ĭm ya onūrian irami sugkū numpurak enugkimi kĭmi.

Reveleson 3:18

ya magkū mōmū aremai kampasigi tovun yaū kold umnumpi aremai ra nom, ma kĭk anti neteme nōēti; ĭm nemas nesebo, ma konevakĭkugi, memagkū kotū narumprum ugi nokosiwe navan ewokon enugkĭk; mampai woresoveli nimtom mesoveligi ugi, ma kĭk agesi.