Matiyu 13:25 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁵ ĭm pol sugkū ōveteme dūmalēepo, novsen nakan eni yivelum memnaseviugi novsen sat dal whit mempe.

Matiyu 13:25 ပူးပေါင်းရင်းမြစ်များ

Matiyu 13:24

Miyi yōmenūwi punora sĭ mōmū parabol memokū, Lō ūnpokūp sugkū sĭ neteme yemnaseviugi novsen aremī radenūok eni;

Matiyu 13:26

Im pol sugkū dūmūtelisah mūmūvūo dūtūpū sah novsen sat sugku.

Matiyu 13:27

Mōvun lĭvsaū eni narisah dūmūve mūmūnūwi pugi mūmōkū, Narisah, kemnaseviugi novsen aremī ran denūok enugkĭk, kū? Dūmnēa novsen sat?

Matiyu 13:29

Miyi yemokū, Eyi; kū entawi kwamsi whit pol sugkū kwonalekon ōvun netevannē.

Matiyu 13:30

Aremī wonteli dūrūsū semsimugi afeli nempugon wampūo sū, im ra nempugon mori ya anūwi punora ōvun nasemnūok, Walekon mampūm ōvun netevannē sat mūiti ōvun nēat woretni; kō walekon semsimugi whit ūnisog nimo woretavenepon enyaū.

Matiyu 13:39

ĭm novsen sat ōvun netnime eni Sētan; ĭm novsen nakan mori yemōwi orora Sētan; ĭm nempugon wampūo dan nisah;

Matiyu 25:5

Miyi asūon yetuvelumĭtnum, mirora sū dūmūselah malēepo.

Kalesia 2:4

ĭm imo yeti popōwo ugi raveteme nimpiri dūmūvelum pugkam, kō kam letūkilora, dūmūtesūo iramam, kō tawi ĭtnesog, worokesi navan aremī enugkam ra Iesū Krĭstō, ma irora wantipe numpukontom iramam:

Hibru 12:15

ūfinte aremi kĭmi kū entawi sī amol kitan metūvi ĭtemaspaū eni Nōbū;

I. Piter 5:8

popōwo novsin nakan enugkimi, Diapolo, umnavanavan, sugkū, līon umnasora memeserokonda ōveteme worokinora:

II. Piter 2:1

Kō dūmūte dal ōveteme ōvun profet nimpiri, ĭm wante sugkū dal kĭmi nugkon ōvun tavsogi nimpiri, ĭm irora wonatnipotni ugi nimpiri woretavsogi, tavsogi eniora umnumpi ūr ūnōwanda ōveteme, ĭm irora wanūaveni Narisah mori yimpasi irora, mirora wampī iranda irora pe irora nūrian tavtiti irora.

Reveleson 12:9

Im dūmūtafugi ilat drakon horog mori, mori neskil italam, iyi mori ūmatovnin magkū Diabolo ĭm Setan, mori emnumpiri iranda ōveteme omwisū ra nemap; dūmūtafugi iyi ra nemap, ĭm dūmūtafugi irora ōvun nagelo isen ūndū iyi.

Reveleson 13:14

Im iyi emumpiriwokonda morimori ūmante ra nemop popōwo ugi ōvun navlugi yetin avugi worumpi ūnipmi nūrah mori, miyi yeniokū pun ora ōveteme ūmante ra nemap, memagkū irora wonumpi safi nūrah mori yivai nampon naūitūga, mōimamūrep.

Reveleson 2:20

Kō imo sai sat enugkĭk ya okesi iram, pe imo; kĭm metūrian iran nasiven Yesebel, mori emagkū, iyi sai porfet; ĭm iyi umentavsokonda memtorora ōvun lĭvsaū enyaū worumpi tampalaū, ĭm woreni tiami mori umnofwaki iran nisekonda ōvun natmas.