Matiyu 13:23 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²³ Mima mori yemnaseviugi ra nemap aremī; imo iyi mori ūmandĭgi nam memagkili fan nam, mōmampūo, nugkon wun hunder ĭm nugkon, sīkesti, ĭm nugkon turti, ĭm nōatnĭn sĭtevengo.

Matiyu 13:23 ပူးပေါင်းရင်းမြစ်များ

Matiyu 12:33

Wumpi nō aremī ĭm novūan eni aremī; kū wumpi nē ūr ĭm novūan ūr; umagkili nē ugi novūan isen.

Matiyu 13:8

ĭm nugkon dūmol ra nemap aremĭ mūmovūo, nugkon wun hunder, ĭm nugkon sĭkesti, ĭm nugkon turti, ĭm potnĭn sĭtevengo.

Matiyu 3:10

Im marima otipe ūtevil ra nōatnin nē sū; ĭm nē sū mori ūtūmampūo novūan aremī, wandevi muntafugi ra nom.

Matiyu 3:8

Uvūo kĭmi ugi ōvun novūan ves marugi nōwami ĭtevaū;

Mark 10:15

Itnesog yakum manūwi pugkūm memagkū, Iyi sī mori otū vī lō eni Nōbū sugkū sī nalaū virok, iyi otū mintorĭmpe mori.

Mark 4:20

Irora dūti naseviugi ra nemap aremi; mori sugkū umandĭgi nam, umampi pe, mō mampūo, nugkon turti, nugkon sĭksti, im nugkon wun hunder.

Nam Navosavos Eni Luk 13:9

ĭm nagkū ampūo aremi: im nagkū tawi, kontantevi.

Nam Navosavos Eni Luk 8:15

Im imo ra nemap aremi; irora mori gi nōwanda ĭtne, sog ĭm aremi, dūmūrĭgi nam, mūmnafĭnte, mōmampūo, mūmnatekisah.

Nam Navosavos Eni Luk 8:8

Im nugkon dūmol ra nemap aremi, mūmūtepū, mōmūvūo wun hunder, ĭm potnin siteven. Iyi yemenūwi imosū memtorenūwisah, memokū, Iyi sī im telugon isen wororigi, aremi iyi umandĭgi.

Yoane 15:16

Kĭmi kūtūtampoli yaū, yaūĭmtampoli kĭmi memtamūlokūm memokū kwampe, mōmampūo, ĭm ma novūan enugkĭmi wantendowi; ma sĭsesī kĭmi kwonesenĭgi Itemen magkū ra nin enyaū, Iyi ampugkūm.

Yoane 8:47

Iyi mori umamne ra Nōbū umandĭgi nam eni Nōbū; kō kĭmi kūtūmandĭgi popōwo kĭmi kūtūmne ra Nōbū.

Ovun Apostol 16:14

Im sī nasiven mori yivasi (ovenmas) teperesevo nin eni Lida, yemne ra Sīatīra memtevita iran Nōbū, iyi yorĭgi nam ĭm Novsūromon yemtīpelah nōwan isen miyi evendugugi nam Pol yemenūwi.

Ovun Apostol 17:11

Oveteme Beria numposeti mōmū iranda ra Tesalonīka, popōwo irora dūmūvĭ nam itnum mūmosorugi ōvun netiyi dan sū worokili nagku imo sū sugū.

II. Korint 9:10

Im iyi mori umentalug pugi neteme naseviugi novsin ĭm nevag nisekonda ōveteme, onumpi woralam novsin nisekomi worowi, ĭm onumpi woralam fan ra ōvun numpūrak tanepo enugkimi:

Filipi 1:11

mūmūvwarugi nōvwan tanepoves, mori ugi Iesū Krĭstō, tovuni nilasilaswi ĭm narĭgi eni Nōbū.

Filipi 4:17

Ya otūm nakīugi ĭtemas; kō yakum nesorugi novwan aremī mori umnenum nisekomi.

Kolose 1:10

worumpi aremī ra Novsūromon ĭm aremī ra siame sū, momampūwo ra ōvun numpūrak aremī omwisū, mōmenug ra nokili ugi Nōbū;

Kolose 1:6

sugkū okevelum ra nūrūsū nūrūsū ra nemap omwisū umnumpi novwan ugi tandamsah, sugkū umnumpi irami, marugi dan mori kūmūrigi mūkili nelĭntugi ĭtemas pau eni Nōbū ugi ĭtnesog;

I. Teselonia 4:1

Im ravūgsīeme, yakum nesenugkūm ĭm sūlives pugkūm ra Iesū Novsūromon memagkū, sugkū kūmūvī marokoyaū nokowo kwonavan kĭmi sugkū aremī ugi Nōbū, wumpi sugkū,—ma kĭmi kwante mōmū aremī tamas.

Teselonia 2:10

ĭm siame nugkugko, ĭm siame navlugi kō nempiri omwisū, ĭm ugi nempiri omwisū ra netevarū ūr punora mori wantin tafugi irora; popōwo ugi imo, memagkū, irora dūtūvī nam ugi nelintugi, ĭm dūtūakīugi, memagkū wumkorēyōwara.

Hibru 4:2

Itnesog dūmūnūwi nam navosavos pugkos, sugkū dūmūnūwi punora, kō yetū teli norigi mori ūnowanda mori dūmmūrĭgi, popōwo dūtūvī ugi tavniri dal irora mon dūlmūrĭgi.

Hibru 6:7

—Popōwo nemap mori umnemoneki nebib yemorūn omol iran, mōmetepū iran siame nevag nisekonda mori dūūtagkol, umampi ves iran ugi Nōbū:

Hibru 8:10

Im Narisah yemenūwi, memokū; Im pe nam ūnam ya onumpi nisekonda oveteme Isrēel Ran dan su mori; Ya antipe ōvun nam alam enyaū ūnōwanda, Im ya onetĭyi ōvun nam alam mori ra naviat isenda; Im ya ante Nōbū nisekonda. Mirora wante ōveteme nisekūg:

II. Piter 3:18

Kō ūti aremī kĭmi mūnenum ra ĭtemas paū ĭm nointanwi eni Iesū Krĭstō Novsūromon enugkos. Im antemante nisekon nilasilaswi marima ĭm ūvūm nevisū ĭndowi. Amen.

I. Yoane. 5:20

Im kos kemlagkili ma Netni eni Nōbū okovelum, ĭm yemevugkos nelekon, ma kos kelagkili iyi mori oti tanepo, ĭm kos ūnisog iyi oti tanepo, iyi mori Iesū Krĭstō Netni eni. Imo oti Nōbū itnesog, ĭm nomurep ūvrūni.