Mark 6:12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹² Im irora dūmūve, mō ĭmtavsokonda ma oveteme wanūatumpene sat sū isenda.

Mark 6:12 ပူးပေါင်းရင်းမြစ်များ

Matiyu 4:17

Marugi imo nempugon Iesū yematipotni woretorenūwisah nam memokū, Uvīeves nōwami, ĭt lō ūnpokūp umpotipot.

Ovun Apostol 20:21

Mem umpūvsok ugi sū pun ora ōveteme Isrēel ĭm mōveteme Helas, memokū ugi nevīeves nōwan ugi Nōbū ĭm tavniri ra Iesū Krĭstō Novsuromon soret.

Ovun Apostol 11:18

Pol sugkū irora dūmūrigi imo dūmūteteven, mū mūvitevisep Nōbū, mūmūkū, Im Nōbū yovunora ōvun nilevōkevat nevīeves nowanda worevi nomūrep.

Ovun Apostol 2:38

Im Piter yemenūwi punora memokū, Uvieves nōwami, mūvĭ baptisma irami, kĭmi sū ra nin eni Iesū Krĭstō, worefielentugi sat sū soremi; ĭm kĭmi kwampi itemas isen Naviat Tumpora.

Nam Navosavos Eni Luk 13:3

Ya umanūwi pugkūm, memagkū, Tawi; kō, kimi, nagkū kūtūampieves nōwami, kwamas sū sugkū.

Nam Navosavos Eni Luk 11:32

Oveteme Nĭneve wontūok ra nūrian, dal imo palsi, wonumpi irora noworepatevi; ĭt irora dūmūvīeves nōwanda ra nam Yōna yemtorenūwi; ĭm sī ĭgko mōmū horog ra Yōna.

Matiyu 3:8

Uvūo kĭmi ugi ōvun novūan ves marugi nōwami ĭtevaū;

Matiyu 3:2

Uvĭeves nōwami ĭt lō ūnpokūp umpotipot;

Ovun Apostol 26:20

Kō mesesi mampūm pun ora ra Damaskus, ĭm Yerūsalem ĭm ra nūrū sū Yūdia, ĭm lōsū ōvun nĭlebokevat, yaū ĭm torenūwi sah pun ora memokū wampīeves nowanda mōmentorileki pugi Nōbū, memumpi ov numpūrak ugi nowanda ĭtevaū.

Ovun Apostol 3:19

Popōwo imo sugkū ūvĭeves nōwami mūtorileki ma sugkū ĭyukuyeki sat sū soremi mōv nempugon nevĭeves wampelum ra nipmi isen;

Nam Navosavos Eni Luk 24:47

ĭm aremĭ wonterenūwi punora lōsū lōsū magkū ugi nevīeves nōwan, ĭm nefielintugi sat sū, ra nin isen wonatipotni ra Yerūsalem.

Nam Navosavos Eni Luk 15:10

Im ya umanūwi pugkūm, memagkū, Umanti navosavos ūnimĭnda ōvun agelē isen Nōbū pol sugkū sī narekisat umampĭeves nōwan. Miyi yōmenūwi punora memokū,

Nam Navosavos Eni Luk 15:7

Ya umanūwi pugkūm memagkū, Wanti navosavos ūnpokōp pol sugkū sī narekisat umampĭeves nōwan mōmū iranda oveteme tanepo nĭnti nĭn mēri dūtūsēewani selat.

Nam Navosavos Eni Luk 13:5

Ya umanūwi pugkūm, memagkū, Tawi; kō kimi, nagkū kūtūampieves nōwami, kwamas sū sugkū.

Mark 1:15

Memenūwi memokū, tanepūgon ugi nam mori oti nekompeli sū, ĭm umpotipot lō eni Nōbū: ūnūatumpeni sat sū ugi norĭgumpūnū ūnōwame, mūtavnirĭgi nam navosavos.

Matiyu 11:20

Miyi yematipotni worenūamwūs punora ōvun sĭti yūi iyi yepmumpiwi ōvun numpūrah horog eni sikat popōwo irora dūtūvĭeves nōwanda;

Matiyu 9:13

Kō ūve mūkili fan nam ugi imo, Ya umnakĭugi togesoveli memagkū mōmū aremī ra sakrifĭs; ĭt ya otūvelum worovrokonda ōvun tanepo mampīeves nōwanda, kō ōvun nareki sat.

Nam Navosavos Eni Luk 9:6

Mirora dūmūve mūmavan ra nimōtesū, mūmūtorenūwi nam navosavos, mūmovkororĭgives ra nūrūsū.

Mark 1:3

Navian eni sīumprokotorenūwisah nam ra nūrū wokon, Utĭ selat alam nisekon Novsūromon, wumpi nugko Ovun selat eni.

Matiyu 11:1

Im pol sugkū Iesū yemkompeli nempasewokonda ōvun nurie eni Twelv, iyi yemōwi nuru yūi mempe woretavsokonda ra ōvun sĭti enirora.