Mark 16:19 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁹ Miyi Narisah pol sugkū yemenūwi aveni punora yeti nevĭsah ūnpokūp, mō metesep ra nokoven meves eni Iehōva.

Mark 16:19 ပူးပေါင်းရင်းမြစ်များ

Mark 16:20

Mirora pol sugkū dū mūve dūmuntorenūwisah ra nūrūsū nūrūsū, miyi Novsjīromon yemnesitū iranda, mō mumpi nam worampelesi ugi ōvun safi mori dūmūri. Amen.

Nam Navosavos Eni Luk 22:69

Marugi nempugon marima Netni isen neteme antesep ra nokoven meves ra horog isen Nōbū.

Nam Navosavos Eni Luk 9:51

Im pol sugkū yemumpotipot nempugon worevīsah iyi, iyi yemevoli nipmi, memokū ampe ra Yerūsalem; memtainūlora ōvun tandeko worōbūm iran.

Yoane 13:1

Im pol sugkū dūtūumpi narigari Paska, Iesū yemokili ma nempugon eni okovelum, miyi awi nemap, mampe pugi Itemen; Iyi yemelintokonda mori eni ra nemap, miyi yemelintokonda mafeli ra nisah.

Yoane 16:28

Yaūĭmpelum memne ra Itemen, mempelum ra nemap; ĭm ya awi nemap mōmampe pugi Itemen.

Yoane 17:13

Im marima ya umampelum punok; imo ya umanūwi ra nemap, memagkū irora wonavos ugi navos enyaū.

Yoane 20:17

Iesū yemenūwi pugi, memokū, Etūsugkori yaū, ĭt ya otūsah pugi Itemen yaū. Eve punora ravūgsĭeme menūwi punora, mokū, Ya umesah pugi Itemen enyaū, ĭm Itemen enugkimi, ĭm Nōbū enyaū, ĭm Nōbū enugkimi.

Yoane 21:15

Penūri dūmoni Iesū yemenūwi pugi Sīmon Piter, memokū, Sīmon, netni eni Yōna kĭk emnelintokoyaū mōmū ra iroramo, kū? Iyi yemenūwi pugi, memokū, Monokowo, Novsūromon; kemagkili ma ya umnelintugkĭk tamas. Iyi yemenūwi pugi, memokū, Avugunora ōvun lam enyaū.

Yoane 21:22

Iesū yemenūwi pugi, memokū, Nagkū ya umagkū iyi antendōwi mafeli nempugon ya umampelum, Tie imo iram? Kampelesi irag.

Yoane 6:62

Im nagkū kimi kwagesi Netni eni neteme umampe ūnpokōp yūi Iyi yepmetendōwi;

Ovun Apostol 1:22

Marugi baptisma isen Yoane mafeli dan mori okevĭsah iyi marugkos, worete neteme numpūvsok dal kos ugi nivsorasah isen marugi nemas.

Ovun Apostol 2:33

Popowo imō sugkū yometipe sah iyi ra nokoven mevis eni Nōbū Iyi yivi nievūos isen Itemen mori Naviat Tumpora miyi ovugisū imo mori kūmagesi mūmandigi.

Ovun Apostol 3:21

Iyi mori pōkop umampi mafeli nempugon omantevūreves ugi siame sū mori Nōbū yemandūnenūwi memagkū ugi ōvun profet tumpora isen ra palsi sū.

Netiyi Eni Pol Apostol Punora Oveteme Rom 8:34

It iyi Nōbū yemokū kos tanepo; mē iyi mori anūwi memagkū noworepatevi (irant)? Iyi Iesū Krĭstō yimas, kō mōmū, dūmūtori sah marugi nemas, mori umante ra nokoven mevis eni Nōbū, miyi umnesenigi sugkū nisekont.

Kolose 3:1

Im nagkū kūmūvsorasah dal Kristo, ūsorugi siame ūnpokūp, ĭya Kristo umante, umantesep ra nokoven meves eni Nōbū.

I. Timote 3:16

Im nam ĭtnesog imo, memokū, ĭt oti nūsian siame dūtiumpene nesesie ra Nōbū; Iyi mori dūmūnūatumpene iyi ugi nokolisiran, naviat yemokū ugi ma iyi tanepoves, dūmokesi iyi ōvun nagelo, dūmūtorenūwi punora lō sū lō sū, moveteme ra nemap dūmūtavnirigi iran, ĭm dūmūvīsah ra nilasilaswi.

Hibru 1:3

mori yemeti nilasilaswi nūsian aremi isen, ĭm safi sīteven ĭtnesog ra iyi, ĭm yemefĭnte siame omwisū ugi nam horog isen, pol sugkū yemsendumsi irant marugi sat ugi nemas isen, yemetesep ra nokoven meves eni Nōbū ūnēī;

Hibru 12:2

ĭm imo sat omampelat irant, ĭm maloves ugi natekisah, res mori umantipe ūnimint, ĭm lintopneme iran Iesū iyi mori natipotni tavniri enugkos yemekompeligi, mori popōwo ugi navosavos dūmūtipe ūnipmi eni yevi nemas iran ra neumparum, metokū sie ugi norumprom ugi pe, ĭm iyi umantesep ra nugkon meves ra potnimpūtūwō eni Nōbū.

Hibru 4:14

Im popōwo pe ĭtnesog umante nisekont tavsogi tumpora nusian, mori yemtorĭmpesū unpokop, Iesū Netni eni Nōbū, aremi koskelenavsivsi nufwaki tavniri enugkos.

Hibru 6:20

dūmūtipe iyi tavsogi tumpora horog ūvūm nevisū sugkū netipe Melkisedek.

Hibru 7:26

Popōwo aremī nisekont neteme tavsogi tumpora mori, yeti tumporaves tanepoves sentevives ĭm yetve botipot ōvun narekisat, miyi yemsah ūnpokop horog wokon;

Hibru 8:1

Im ugi imosū siame ya umanuwi ugi fan nam ugi oti imo pe mamagkū; Umante tavsogi tumpora nisekont, mori yemetesep ra potnumpūtūwo meves ra Narisah unpokop, lĭvsau ra siame tumpora,

Hibru 9:24

Im Krĭstō yetūtorĭmpe ra mumpon nūrū tumpora dumumpi ugi nokoven neteme, sugkū ugi mori ĭtnesog, woresūratumpene yemtorĭmpe ūnprokop ĭtnesog, woretūratumpene ūnipmi Nōbū nisekont;

I. Piter 3:22

miyi yive ūnpokop memante ra nokoven mevis eni Nōbū; ĭm ōvun nagelo ĭm ōvun tantevakepe mōvun horog umante ra mumpon nokoven isen.