Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolose 3:5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

5 Utalokonda mūtūrĭgora ōvun nakiugi ūr enugkimi ra nemap; mori nilasivien sat, nililūo, nakan, nakūugi sat, ĭm morigi sat ugi noete, popōwo imo eti tevita ra siame;

အခန်းကိုကြည့်ပါ။ ကော်ပီ




Kolose 3:5
34 ပူးပေါင်းရင်းမြစ်များ  

Imosū umamne ra nōwan, tarūsū sat, ĭm temelemel ĭm tampalaū, ĭm tumpugon, ĭm numprok, ĭm tesūi namlĭ, ĭm nam sat; imosū mori, umnumpi neteme nelĭlūo;


Im popōwo pe ugi imo Nōbū yemtinepe irora ra ōvun nakiugi nilasivian sat: it irora ovasiven enirora dūmūwisep siame ugi nokolisiran sugkū yemetepū tawi nagku ugi momumpi siame tawi sugkū:


worumpi ōvun siame tawi aremī worumpi, dūmūvwarugi ōvun nagkaū omwisū, sat, nakiugi noete nakan okini; ūvwara ugi narakīwi, talugi, nesesaū nimpiri, nakan tavtiti;


ūtū tĭnepe ōvun nugkon nokolisirami pugi sat woreti nūrah nimsin netūtanepo; kō ūtĭnepe kĭmi pugi Nōbū, sugkū nomūrep marugi nemas, ĭm ōvun nivlugkon nokolisirami woreti nūrah nĭsin ra tanepo pugi Nōbū.


ko kel ante sugkū ugi safi nevsorasah isen; kos kem lagkili imo, ma nōwant nugkugko etūwi yimas ūndū iyi ra ne ūmparum, ma ampia nowan sat, ma kos keletū onelivsaū mōmū ra sat;


kō yakum magesi sī taiū sī pe ra nokolisirag, umnavokat ra nam alam ūnōwag memakīugi woretori yaū worelĭvsaū ra nakīugi satindi mori umante ra nokolisirag.


Ra nempugon pol sugkū kokĭm lete ra netevarū ra nokolisiran, ōvun nĭlasĭvian satindi, dūmne ugi nam alam, dūmumpi numpūrak ra nokolĭsirant worevī novwan tovūni nemas.


popōwo nagkū kĭmi kwonumpi sugkū tarū ra nokolisiran, kĭmi kwamas itnesog; kō nagkū kwontar ōvun netevarū ra nokolisirami kwamūrep kĭmi.


Irora sū omwisū ūmagkū umante tumpugon dal kĭmi, ĭm tumpugon sugkū sie ūtū manūwi ugi ōvun nelebokevat, ma sī ampi retepon eni ĭtemen isen.


Im kūmūte sugkū nugkon kĭmi: kō dūmūsendumsi kĭmi, ĭm dūmumpi kĭmi aremī, ĭm dūmumpi kĭmi tanepo ra nin eni Iesū Krĭstō Novsūromon, ĭm ugi Naviat eni Nōbū enugkos.


Dūmūtipe nevag nĭmsĭn netnin, ĭm netnin neteme nĭmsĭn nevag: kō Nōbū ontavtiti imo siame sī ĭm sī. Kō dūtūtipe nokolisiran neteme nĭmsĭn tampalaū, kō nisekon Novsūromon; ĭm Novsūromon nisekon nokolisiran neteme:


Walō marugi tampalaū kĭmi. Ovun sat sū neteme umnumpi otū atĭndowi ra nokolisiran; kō iyi mori umnumpi tampalaū umnumpi sat ra nokolisiran eni iyi.


kū entawi, pol sugkū ya ampelum Nōbū enyaū onumpi yaū naruprom ūnemetemi, ĭm ya onageri iranda oveteme sikat dumumpi sat, mūtūrĭgi nesorū ĭm norĭgumpūnū ūnōwanda ugi nililūo ĭm tampalaū im nilasivien sat mori irora dumumpi.


Irora mori isen Iesu Krĭstō dūmūtalugi ra nēūmparum nowanda etūwi, ĭm nilasivian ĭm sat ra nokolisiranda.


ĭm popōwo irora nugkugko ĭm ūr wokon ūmnūri nilasivien sat, worumpi nililūo tamas ugi nakiugi indowi.


ugi numpi namon tawi ugi nokovenda ōveteme, siame worevīpelah numpindi ūnōwami enugkĭmi etūwī, ugi numpi namon isen Krĭsto;


Nam eni Nōbū imo, ma kwante aremī wokon kĭmi, ūtū umpi tampalaū;


ĭm ūtū tarū sat, sugkū lō pelah mori ūtū magkili Nōbū;


Popōwo worelintugi muni oti noatnin ōvun satsū sikat: mori nugkon dūmēevan worevi mirora dūmūwi tavniri, ĭm dūmusepen sē irora ugi norĭgumpūnū sikat.


kū antepū noatnin sie sī nakan worumpi neyompeligivi nowami, mōmumpi ūr ōveteme tamas ugi; kū entawi ante sī neteme tampalaū, kū neteme sendoeikia, sugkū Iso, more iyi netemefe, kō popōwo ugi nevag sīteven isevasi nete monok isen iyi.


Aremi nimpokelah tanepo dal kĭmi omwisū. Kō Nōbū onūrian iranda ōvun tumpugin ĭm ōvun tampalaū.


Utūtarūgi ūtūrigi sat ugi muni: kō ūte aremī ugi siame enugkĭmi kūmūvisū, pcpōwo iyi pe iyi yemenūwi, memokū, ya ontarūwonkūm pe nokowo, ĭm ya otū owi kĭmi indowi.


Umamnea iya navokat ĭm umamnea iya nesesau irami? irora ūmamne ĭtnesog marugi nakīugi ūr enugkimi mori umnumpi ūvrami ra ōvun nivlugkon nokolisirami.


Ravūgsīeme paū, ya umnesenugkūm sugkū ōveteme ūmnavanavan ōvun domo, ma ūtūumpi siame nakīugi nōwami etūwi, mori ūmnavokat ra naviat enugkimi;


ĭm ya ante Nōbū isen ĭm iyi ante netūg yaū. Kō ugi irora mori, ōvun netromoro, ĭm ōvun netūtavnirigi, ĭm ōvun nokosinda, ĭm ōvun talugi, ĭm ōvun tampalaū, ĭm ōvun sokowar, ĭm irora umenteveta ra ōvun natmas, ĭm ōveteme ūmanūwinamlai, irora wantindowi ra mumpon nūrū mori umnaū ugi nom ĭm narūkas; ĭm imo oti nemas ra nisah.


Wantindowi ratilat wokon ōveteme ūr ōvun kūri, ĭm ōveteme umnumpi sokowar, ĭm ōvun tampalaū, ĭm ōvun talugi, ĭm irora ūmunteveta ra ōvun natmas ĭm irora sū omwisū ūmnelintugi namlai ĭm umanuwi namlai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ