Kolose 3:24 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

²⁴ popōwo kĭmi kūmagkili kwampi nipmi marugi Novsūromon ugi nevīugi aremī nisekomi:

Kolose 3:24 ပူးပေါင်းရင်းမြစ်များ

Matiyu 10:41

Iyi sĭ umagesi ves sĭ profet popōwo iyi profet, ampĭ nĭpmi eni sĭ profet; miyi sĭ umagesi ves sĭ neteme tanepō popōwo iyi tanepō, ampĭ nĭpmi eni neteme tanepō.

Matiyu 5:12

Wavos mūvokotekat, ĭt nĭpmi enugkĭmi ūnpokūp tamas; ĭt irora dūpmampīĭndi ōvun profet sugkū, mori dūm-mūbūm irami.

Matiyu 5:46

It nagku kūmnelentokonda wokon mori umnelentugkūm, kĭmi, kwampĭ nĭpmi entie? ĭt Ovun lĭvsaū nalekon umnumpi sugkū kū? Im nagku kūmanūwi mūmagkū,

Matiyu 6:16

Im pol sugkū kūmantovokon ūtūte-sugkū ōvun nempiriugi nimĭnda nevivat; it irora ūmampūli nimĭnda ma sugkū ōveteme wagkū irora umantovokom; ĭtnesog ya umanūwi pugkūm irora ūmampī nĭpmi enirora.

Matiyu 6:5

Im pol sugkū kemnufwaki etūte sugkū ōveteme nempiri, ĭt irora umnelentugi worufwaki mūmantūrū ūnisog ovun nimo tavsogi, im ra selemsug ovun selat alam ma sugkū ōveteme wagesora; ĭtnesog ya umanūwi pugkūm memagkū, irora ūmampĭ nĭpmi enirora.

Nam Navosavos Eni Luk 14:14

mōvun nokovumti, mōvun nōwumti, mōvun nimtei, ĭm kĭk ampi nevīeves, ĭt irora tawi faneteme worōmampunok; kō ōmampunok ra nevsorasah isenda ōvun tanepo.

Nam Navosavos Eni Luk 6:35

Kō wolintokonda ōv novsen nakan soremi. Wumpelēves, mūvugi wokon, mūtūōmamtemetemetugi mōmū, im nipmi soremi wanti tamas, ĭm kimi kwanti ovun netnime isen Tantevakepe; ĭtiyi umnumpelēves iranda mori ūtūmumpalugi, mōvetemendi.

Yoane 12:26

Nagkū sī umagkū iyi ontorugat irag, aremī iyi onampelesi irag; ĭm ra nūrū yaū yūi, iyi lĭvsaū enyaū yūi sugkū. Im nagkū sī olĭvsaū irag, Itemene yaū antipe nilaswi iran. Marima naviat enyaū umandĭgi sat.

Ovun Apostol 20:32

Im marima ravūgsīeme, ya kum magkū kwampe pugi Nōbū ĭm nam ugi ĭtemas-e-pau isen mori horog worumpi kĭmi worenug nampug kim nūrū ves dal irora mori yemumpi irora sentivives.

Netiyi Eni Pol Apostol Punora Oveteme Rom 1:1

Pol sī lĭvsaū eni Iesu Krĭstō, dūmovrugi woreti sī apostol, dūmūtampoli ugi nam navosavos eni Nōbū,

Netiyi Eni Pol Apostol Punora Oveteme Rom 14:18

Popōwo iyi mori umentorugat iran Krĭstō sugkū imo ūnipalug ūnipmi Nōbū, ĭm umanuwi aremai ugi oveteme.

I. Korint 11:23

Popōwo ya okevi marugi Novsūromon imo mori ya mempasewugkūm ugi, memagkū Iesū Novsūromon rapūmrok mori dūmempirigi yivi yōūp;

I. Korint 3:8

Iyi mori yemowi miyi mori yemavwi irora siteven: kō irora wampi nipmi sī ĭm sī sugkū torugat enirora.

I. Korint 7:22

Popōwo iyi mori dūmovrugi ra Novsūromon pol sugkū yemelĭvsaū wokon, ĭt iyi sī nesūli ves eni Novsūromon: ĭm sugkū iyi mori dūmūvrugi polekū yemete wokon nesūli, iyi oti lĭvsaū wokon eni Kristo.

Kalesia 1:10

Ya otūm nakiugi nani nemolsep eni neteme, kō isen Nōbū wokon: ya otum nakiugi narigi isen neteme; nagkū ya umnumpi ĭndowi irag nam paū eni neteme, tawi yaū lĭvsaū eni Kristo.

Efesus 6:6

tawi sugkū ūnĭmĭnda worokesi, sugkū umnumpi worevi narĭgi morokonda, ōveteme; kō sugkū ōvun lĭvsaū eni Krĭstō wumpi nakiugi eni Nōbū marugi nowami;

Efesus 6:8

kĭmi kūmagkili nagkū sī kū sī neteme umnumpi sie sī aremī, iyi ampi tampenūm ugi marugi Novsuromon, nagkū iyi neteme nagelaū wokon kū pe lĭvsaū torugat.

Kolose 2:18

Tawi aremī sī unumprok nĭpmi enugkĭmi ugi nemolsep isen ĭm tevita iranda ōvun nagelo, woretindowi ra siame yemokesi, ĭm nugkugko ūnōwan ugi tarū ra nemap isen,

Hibru 10:35

Im popōwo pe sugkū ūtūtafugi tavniri enugkimi it umante nipmi aremī nusian nisekomi ugi pe.

Hibru 11:6

ĭm nagku tawi tavniri ĭt oti nugkugko woreti aremī ūnipmi isen; popōwo iyi mori umagkū worevelum pugi Nōbū umante iran wontavnirigi ma iyi umante, ĭm ma iyi ontampenum iranda mori umesorugi iyi.

Hibru 9:15

Im popōwo ne sugkū it iyi neteme woretipe nimparata ugi nam alam ītevaū, ĭt iyi yimas woreti sakrefis woresīpelah sat mori dumumpi ra nimpugon mori yemete nam alam mampum, mamegkū irora mori dūmovrokonda wampi ūvūm nevisū sie sie mori dūpmūnūwi ugi.

I. Piter 1:4

ra tan penum otū amtimti, sentevives, ūmafinte ūnpokop nisekomi,

II. Piter 1:1

Simon Piter, livsaū ĭm apostol eni Iesū Krĭstō, punora mori dūmūvi tavinri aremī sugkū kam ra tanepo eni Nōbū im Iesū Krĭstō novsūromon enugkos ĭtemas paū

Netaiyi eni Jūd 1:1

Yaū Jūd, lĭvsaū eni Iesū Krĭstō, ĭm avinsai eni Yakobo, pun ora mori dūmūvrokonda, ōvun tampolives eni Nōbū Itemen, ōvun nefinte nisekon Iesū Krĭstō: