Kolose 3:15 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁵ Im aremī ante tamas ūnōwami nelĭntugi eni Krĭstō dūmūverugkūm ugi imo ra nokolisiran sīteven; mōmumpalugi kĭmi.

Kolose 3:15 ပူးပေါင်းရင်းမြစ်များ

Yoane 14:27

Ninparata ya awi pugkūm ninparata enyaū ya umampugkūm. Ya otumampugkūm sugkū ōveteme ra nemap. Utūyēōmpeli ūnōwami, ūtūmtetugi, kĭmi kūrĭgi mori ya onūwi pugkūm, mokū, ya umampe, ĭm ya umampelum pugkūm.

Yoane 16:33

Ya onūwi imo pugkūm ma kĭmi kwampi ninparata ra mumpon yaū. Kĭmi kwampi nevīesesat ra nemap; kō, wavosūwi; ya oke-tantevakepesū nemap.

Netiyi Eni Pol Apostol Punora Oveteme Rom 1:21

mori Nōbū isen ĭm horog tantevakepe indowi; ma irofa tawi faneteme woreseni: ĭt irora dūmūkili Nōbū, kō dūtū umpi nilasilaswi iran sugkū Nōbū, dūtū umpalugi; kō dūmaūwar ugi nam sugkū nagkū irora ōvun nelekon, ĭm nowanda numgī yeti nelevokevat wokon.

Netiyi Eni Pol Apostol Punora Oveteme Rom 14:17

popōwo tanepo eni lō eni Nōbū tawi woreni (nevag) ĭm woremoneki, kō tanepoves ĭm ninparata ĭm navosavos ra Naviat Tumpora.

Netiyi Eni Pol Apostol Punora Oveteme Rom 15:13

Im Nōbū ugi ratevetūwi umpi ūvūwarugi nōwami ugi navosavos ĭm ninparata ra tavnirigi, ma kwon nenum ugi ratevetūwi, ra horog eni Naviat Tumpora.

Netiyi Eni Pol Apostol Punora Oveteme Rom 5:1

Im popōwo umagkū kos ōvun tanepo ugi tavniri, aremī ko kel umpi irant nĭnparta eni Nōbū ugi Iesū Kristo Novsūromon enugkos;

I. Korint 10:17

imo oti nokolisiran eni Krĭstō nisekont pe nokowo? yōūp pe siteven, kos sikat, kos yōūp siteven, nokolisirant siteven: popōwo kos kĭm leni yōūp siteven.

I. Korint 7:15

Kō nagkū netūtavniri umampe, owi sugkū aremī iyi umampe: otū ante ugi nugkugko sī nateman tavniri kū itnasiven tavniri nagkū antepū sugkū: kō Nōbū yemovrugkos ugi ninparata.

II. Korint 4:15

Umante siame sū nisekomi kĭmi, ma ĭtemas paū, umintandamsah popōwo ugi sikat, umumpalug horogsah toveni nilasilaswi eni Nōbū.

II. Korint 9:11

ĭt kĭmi kūmūvī nōēte tamas ra siame sū woretalug, ĭm imo umnumpi iramam worumpalugi pugi Nōbū.

Efesus 4:16

ugi iyi ōvun sie ra nimo omwisū umnumpalug sīteven ugi nesitū sī ĭm sī, sugkū ugi numpi isenda sĭtevengo omwisū, umnumpi worenug nokolisiran ĭm horogesah ugi nelĭntuigi ūnōwant nisekont.

Efesus 4:4

Nokolisiran sītevengo ĭm Naviat sīteven; sugkū dūmūvrugkūm ra ratevetūwi sīteven ugi novrugkūm mori;

Efesus 5:1

Uri nampon nowan eni Nōbū kĭmi, sugkū ovunyan paū isen;

Efesus 5:20

mumpalug dan sū ugi siame omwisū ra nin eni Iesū Krĭstō Novsūromon enugkos pugi Nōbū Itemen enugkos;

Kolose 1:12

yemumpi kos aremī woreti siame noeteves dal ōveteme aremī ra nūrūves;

Kolose 2:7

ūte ūnam iran, ĭm ra tavniri enugkĭmi, ĭtnesog sugkū dūmūtavsogkūm ugi pe, mōmumpalug ugi tamas.

Kolose 3:17

Im sie sī omwisū kūmnumpi, nam kū numpūrak, wumpi omwisū ra nin eni Iesū Novsūromon, mumpalugi pugi Nōbū Itemen ra iyi.

I. Teselonia 5:18

popōwo imo oti nam eni Nōbū ra Iesū Krĭstō nisekomi.

I. Timote 2:1

Im popōwo pe yakum manūwi punok, memagkū, wosenĭgi, mūfwaki, ĭm wosenĭgi nesitū, ĭm umpalugi nisekonda ōveteme omwisū;

I. Timote 6:12

tavniri nelintugi, ratevetūi, nemolsep. Eti neteme umpako worumpūrak ran tavniri, olekavi nomūrep ūvrūni, dūmūverugkik ugi, ĭm kĭm meniwi mori ĭm kĭm sūlives ūnĭmĭnda numpūvsok sikat.

Hibru 13:15

Popōwo tawi sī ūnam enugkos igko, kō kos kelenesorugi sī mori ampelum. Im popōwo pe ugi iyi aremī kos kelenumpi sakrefīs marugi numplin pugi Nōbū ĭndowi,

Reveleson 7:12

mūmūūnūwi, mūmoku, Amen: Nevaieves, ĭm nilasilaswi, ĭm nointanwi, ĭm umpalug, ĭm sesie, ĭm horog, ĭm narigi wanti manti pugi, Nōbū enugkos ūvūm nevisū indowi indowi, Amen.